دك موبايلي شطفت أيدي ونشفتها بخاولي
_الو هلاو زهورتي شلونج
_هلو دنيا والله احس روحي مو تمام
_ليش اسم الله
_شو هاي العكدة بصدري أحسها رجعت
_اسم الله اكلج عيني لا تبقين هيج روحي طبيبة
_اي أن شاء الله من يرجع حيدر من بغداد
صدك خابرت علموده شسوى وسام مالكاله واسطه
_مدري والله ميحجي هسة من يرجع أسأله ادللي
_اي فدوة اشو عمي سوالة واسطه ومارهمت وحيدر يكول ابو نظوري عنده واسطه قوية
_هسة راح اخابره وارجع اتصل بيج
سديته من زهراء واتصلت بوسام
_خير شو متصلة
حجاها بصوت متنك وزعلان .. ههه ميخالف اتحمل شسوي
_لا بلة هو منو يتحمل منو كولي شرايده
_زهراء خابرت تكول شسوى بواسطته
علمو زوجها حيدر
_اهااا اي ان شاء الله عالاسبوع يطلع أمر نقله
_صدك عليك الله وسام
حجيتها بفرحه
_اي شبيج طرتي
_فرحانه لزهراء والله لأن شايلة هم لرجلها خطية
_اييي تعلمي منها لعد
_اووي وسام شبيك
_اااخ منج ديلة رايده شي بعد
_لا سلامتك عيوني
سديته واتصلت بزهراء بشرتها خطية فرحت حيل
*******
الحمدلله حيدر انقل يمنا بكربلاء بالدائرة وبعد يومية هنا الدائرة مسافه ربع ساعه بالسيارة
اني حجيت لحيدر وكتلة وديني طبيبة فالعصر رحنا عفت جهالي يم عمتي والدكتورة فحصتني واخذتلي سونار كالت هاي عكد الحليب من كملت كالت هاي عندج عكدة مورمة ويرادلها رفع اني اتخبلت بقيت أتوسل بيها دكتورة شوفيلي جارة خاف متوهمة لأن اسم الله خفت ذاك المرض بس هي طمنتني وكالت بالمستشفى راح تسويلياها
كالت صبحي زوجج أفهمه
فهمت حيدر وبقت تحجي ويا بس شنو اني بالي مو يمهم بغير عالم
طلعنا واني ساكته وحيدر يحجي وياي وبالي مو يمه
وقبل منرجع للبيت
_فدوة حيدر وديني للامام ازور
خطية ماحجى رأسا فى السيارة وطلعنا زرنا وبقيت كاعدة ورى ماصليت بقيت ادعي حسيت شوية ارتاحيت وطلعت لكيت حيدر ينتظرني بالساحة
لليل كلهم عرفو وماما اجت هي وبابا يشوفوني كالت ماخليهم يسولج عملية هنا الا اوديج لبغداد اشوفج دكتورة ثانية عمي الشيخ كاللها شكو فرق شو السونار هو الي بين هالشي
ماما ماقبلت وبابا سودة علية هم كال هاي بنيتي شلون هيج اعوفها صح زوجها ممقصر بس الاحتياط واجب
وقرروا ياخذوني ثاني يوم لبغداد امي تروح وياي وعمتي
وجهالي يبقون يم زوجة حماية
بيت عمو بابا هناك بغداد ساكنه رحنا يمهم وحجزولي يم دكتورة معروفه من راجعتها وفحوصات وسونار كالت ورم بس حميد راح نسويلج عملية
فقبل بيوم دخلوني عملية حتى يجيكون الضغط والقلب وكذا هاي السوالف
اجى حيدر عيونه حمرا سألته .. شبيك حيدر
_مابية شي جنت اكمل الإجراءات مال الدولية وقعت لازم حتى يسوولج عملية ليش تسألين
_هيج مجرد سؤال
ادري بي باجي بس ميحب يحجي
بيوم العملية خابرتني دنيا تشجعني وتدعيلي
اني جنت محتاجه هيج دعاء سلمت عليها وانطيت موبايلي لماما
نزلنا بالمصعد لصالة العمليات حيدر وياي اني حسيت بدوخة لزمت أيده
_ها خايفة
ماحجيت بقيت بس اباوع عليه
دخلت للعمليات الساعة 8 الصبح على أساس عمليات الصغرى لأن مجرد ورم وينرفع حسب كلام الطبيبة
كالو لبابا وحيدر جيبوها بالعمليات الكبرى انتم اطلعوا من نتخلص انجيبها الكم
ورحت بالانتظار اهلي طلعوا وبقيت كاعدة طلع سراية بعده والوقت من الساعه 8 لحد الساعة 12 الظهر اني انتظر كاعدة على اعصابي
هذا كله واهلي عيالهم اني بالعملية وقبل لا أدخل بنص ساعة اجت الممرضة تسأل وينها زهراء كتبها اني
_ واحد لابس تي شيرت اسود بس يسأل عليج دوخني والله شرب باكيتين جكاير والرجال وياه يطلع دوختني اني ماخايف عليها بكدك دكعد راح تموت شجرالك
المهم الساعة ثنتين ونص يلة طلعوني من العمليات
بالغرفة ورى ما فكني البنج تحمدولي بالسلامة
ادحك على حيدر الوجه اصفر نومية
دنك باسني بكصتي .. حمدالله على سلامتج
عمتي كالت .. كلنا ارتاحينا وصلينا وأملنا بس حيدر بقى رايح راد
جان يرد عليهم .. اني اكل ورويحتي بالعمليات والله احس ماكل رماد
من سمحولي بالخروج مباشرة طلعنا لكربلاء لبيت اهلي
*******
_ها ام صهيب حجيتي وياها مثلما فهمتج
_والله يا وسام قبل متكول وتحجب اني دوم انصح بيها
هسة تعال تغدى يا عيني وعوفك منها
_ام صهيب والقرآن ضايج لأن مجاي تريحني
_هههه والله مدري شكول انتم الزلم ميعجبكم العجب
_ها يعني هسة اني متبطر
_تعال تغدى لاتغث روحك
صبتلي الغدى وكعدنا بالمطبخ اني وياها وولدها 3شباب الله يحفظهم تغدينا وشربنا جاي وبقيت يمهم للعصر ورجعت للبيت تلكتني ام منتظر الوجه مغيم .. وين جنت
_وين يعني وانتي شكو تسألين
_ترى رجلي ومن حقي أسألك
_
دخلت تلكوني الجهال حظنتهم بوستهم فتنا للهول كعدنا وهم يحومون علية
كعدت كبالي .. زهراء رجعت من بغداد اريد اروح اتحمدلها بالسلامه
_ اي وشلونها
_يكولون زينة
_بالليل نروح لهم اني هم اشوف حيدر
_بيت اهلها مو يم عيالها
_ها بيت عمتي اي ميخالف
_شناخذلها
_انطيها فلوس احسن تحتاجهن
_اي زين لعد بالليل ورى العشا نروح
سكتت مارديت عليها جريت موبايلي بقيت اكلب بي شفت رسالة من تمارة
مقهورة لأن ممراسلها
راسلتها عالفايبر
بقيت اتراسل وياها انتبهت الجهال وأمهم طلعو كالتلهم تعالو اسبحكم حتى نروح لبيت عمة اني رأسا كتبها افتحي كاميرا فتحتها وبقينا نسولف ادحك عليها وعلى سوالفها منتهية خطية وغركانه ذبحت نفسها تعال نتشاوف وشلون نبقى هيج والله مشتاقتلك
شتريد اني حاضرة
اني مترهم وياي ابقى هيج راسا كتلها خل أعقد عليج ونفضها
_موافقة
_بس ترى زواج متعه
_ميخالف اقبل
********🤔🤔🤔
تحياتي قلبوشاتي اريد تفاعلكم بالقصة شو ممبين حيل قليل
الفصل الثالث
ابدأ من البداية
