الضابط الغيور والعنيدة

البارت الثالث والعشرون

خايب
الفرگه خمر
واحنه وادم نعرف الله
شجابنه اعله السيئات

**

ياسر : دخلت للغرفة وعسل واكفه غلست عنها وفتحت ازرار قميصي ونزعته ودخلت للحمام ، طلعت ورحت نمت على الجرباية وهي ضلت تباوع وراي ومنتضره احاجيها

بس اني محاجيتها لأن صدك ضوجني كلامها وخليت ايدي على عيوني وردت انام شويه وسمعت شهكاتها رفعت ايدي شوي شفتها كاعده على القنفه وخاله رجليها يم صدرها ومبرطمه ودموعها تنزل

ماانكر منضرها مرد كلبي مرد وقهرني كولش بس خليها هي مو زغيرة ولازم ترتب كلامها قبل مدكوله ، هه مرات احس عندي طفلة بنيتي وداربيها واعلمها على الصح والغلط

مرت نص ساعة واني اسمع شهكاتها حتى مكدرت انام احس ثقل على كلبي
شوي وصوتها خف كمت بهدوء اوف لكيتها نايمة ودمعتها برموشها شلتها بين ادية وهيه لفت اديها على ركبتي وخلت راسها على صدري وبعدهي تنشغ بهدوء خليتها على الجرباية ونمت يمها حضنتها بهدوء ونمت ...

**

عسل : مر الأسبوع كله واني وياه منحجي سوة بس كدام أهله وبالغرفة كلمن ينام بجهة بس أغلب الأوقات ألكه نفسي بحضنه لو هو حاضني
هو أكيد منتضرني أبادر وأعتذر منه لو ارجع احاجيه بس اني محسويها لأن هو الي لازم يعتذرلي على كلامه الي جرحني بيه

ضل خلال هالأسبوع يطلع كل يوم الصبح وميرجع الا العصر وأوقات يتآخر لليل ومعرفت وين يروح جان كلبي محترك وفضولي مينوصف بس مكدرت أسأله

اليوم كعدت من وقت قبل ليطلع وبقيت منتضرة يكول شيء ...بس محجه
خلص حمامه لبس ملابس مرتبة وأهتم بشكله زيادة
مكدرت أصبر وردت أكسر عنادي وأحاجيه حتى أعرف هاي الأناقة كلها ألمن؟!
بس دك موبايلي ونقذني ..جانت رهف ..أستغربت هي متصلة بهيج وقت

عسل : هلو رهف ..صباح الخير

رهف : صباح الخير عسولة ..بس لا كعدتج من نومج ؟!

عسل : لا حبيبتي جنت كاعدة

رهف : انزين ..عسولة انتي لازم تجين اليوم لبيتنه

عسل : ليش ؟!

رهف : لأن اليوم زواجي ..قبل لتحجين هي صارت بسرعة وحازم أصر انسوي العرس اليوم منطانه وقت حتى اني اتصلت بمريومة وهسة بيج ..تعالن عسولة بالج متجن لأن وقتها حزعل منجن ومحاجيجن بعد عمري كله

عسل : بس رهف شلون هيج فجئة ..اني اصلآ ممحضرة نفسي ولا متفقة ويه ياسر ..

رهف : مبيها شيء حبيبتي كوليله هسة ..حبابة عسولة لتعوفيني بهذا اليوم

عسل : ماشي ..ان شاء الله ..ولو انتي متستاهلي نجي بعد مفاجئتج هاي

رهف : عسول حبابة ..معندي غيرجن اني ..