#بقلمي:#جوهرةNerenAlobeidy
لاتحزن بعد وتبچي على الراح
وعوف ادموع عينك لا تبديهه
ووگف على الجرح لاتصرخ وياه
وراح اكتب قصيدة والك اهديهَ
مدينة الم روحي لاتظــن ترتاح
وانه ابن المدينة وتيهت بيه
يل عندك جرح وتگلي مجروح
انه جروحي فاضت وين اودّيه
********
من رجعت للبيت شفت الرقم واتساب وفايبر طلعت برا اتصلت عليها
_الوو
_الوو
_ها ام علاوي رجعتو لو بعدكم تزورون
_لا رجعنا بالطريق ليش
_ همزين رجعتو الجو حار وبالي بقى على علاوي
_ علاوي وأمه بخير تسلم وردة
_من توصلين للبيت طمنيني
_ضروري يعني
_اي والله ضروري لأن اريد اتطمن على علاوي
طمنيني عالفايبر
_تمام
بقيت انتظر تتصل وفعلا راسلتني
_اني بالبيت وهذا علاوي يمي
_دزيلي صورته حيل اشتاقيتله
دزت صورة علاوي وليدها طالعة يابوي شنو من ايد يربي تنكرط كرط والله
ورى مادزت الصورة كالت هذا حبيب بابا وطفت النت
اني شنو تخبلت ردت اطير من الفرحه لأن هاي الكلمة مالتي كلما احجي وياه بالدائرة اكله حبيب بابا حسيت صدك اني أبوه بقيت ارسل ماكو
احساسي بيها جاي يكبر صرت اتخيلها متروح من بالي
دخلت البيت تلكتني دنيا شافت الابتسامة على وجهي
ابتسمت .. ها عيني احضرلك الغدا لو بعد
_اي والله جوعان يلة اروح اسبح بين ما تصبين الغدا
مجموعين عالغدا بالهول الجهال كاعدين بصفي منتظر متعلم من صغير الا يكعد يمي ويرتجي على رجلي حسوني يغار من يشوفه كبل يكمز بحظني ايوته تبقى تضحك عليهم على أساس هي جبيرة حبيبتي
اخر شي نترت بيهم اثنينهم كعدو يأكلون بدون صوت
مرات يخبلوني بحركاتهم
ورى الغدا نعسو ونامو الدنيا ظهرية صيف وين يرحون نانو بالهول عالسبلت جانت وطنية موجودة كمت للغرفة وصحت دنيا دخلت .. ها عيني
جريتها وقفلت الباب جنت محتاج ها كولش
ووو .....
اخر شي دفعتها واني ضايج من برودها شكد احاول اخليها تندمج وياي وبكل الطرق بس هالبرود عدها مجاي تغيره اني رجال احب اندمج بالعلاقة واعيشها بكل تفاصيلها وهي باردة متسوي واهس
_ راح تخبليني شنو هالبرود
ادحك عليها لبست ثوبها وعدلت شعرها ..انت متشبع تريدني اربعه وعشرين ساعة جوا ايدك مترحم ترى اني هم عندي طاقة شنو ساعتين وانت فوكاية تعباني والله
_مسحت شعري بيدي رجعته ورى ورفعت راسي فوك تنهدت .. والله متصيرلج چارة
عفتها وطلعت للحمام صحت عليها .. حظريلي ملابس ومنشفة
*******
من حجت وياي أخته كالت ميقبل كتبها والله اروح شنو اني البارحه من القهر نمت ليش هيج يسوي وياي
_والله يحبج ومن حرصه عليج
_معلية الا اروح
هو واكف بالباب وجان يسمع حجينا
_روحه ماكو لا والخلق الكون اكتب روحي بالمسدس
جان شايل مسدس بيده اني بقيت ابجي
