نصفي العقيم ( مكتمله )

بارت (١٩)

حسـان يگول "مـآ يِحْلّـىٰ العشِگ إِلـا بوَسّـط بغداد "

بغداد تگول "وكُل ليـله اتراهن على نسيانك واخسر الرهان "

_______________________

روايـة "نصفي العقيم"

البارت التـ١٩ـاسع عشر...

للكاتبه : يُمنا نـآصر
_______________________
قبل ما تقرن دوسن النجمه البرتقاليه 🙂

قراءه ممتعه ..

بغداد : مر اسبوعين على ولادتي والبيت بعده مزدحم عمامهم مراحو لان رحاب جاييها اليوم خطابه حتى اذا وافقو يحظرون الخطوبه عمامها ..

هشام يجي كل يوم بالليل يشوف محمد ويضل يلاعب بي ومرات يبات يمنه بالليل مرات افز واشوفه دايحجي بالتلفون ويهمس بصوت ناصي ..

اليوم راح يجون يشوفوها لرحاب والبيت مخبوص ناس تسوي حلويات وناس تنظف وناس تسبح وهي بغرفتها دتجهز نفسها .. للعصر اجتِ الاء ساعدتني رحت سبحت و بدلت ملابسي لبست فستان ناعم وشسورت شعري .. باوعت على روحي بالمرايه شعري تعبان ووجهي هم .. كلت انشالله اروح لصالون اغير شويه من نفسي ..

بعدني بالغرفه وطب هشام .. باوعلي من فوگ ليجوه .. وگال بدلي ملابسج !

"باوعت لروحي الفستان شيفون ومو قصير يعني مغطي كل رجليه طالع منها بس شويه وهو عريض وردان كامله بس شفاف يعني مستور .. كتله ليش ابدله ..

"ولد عمي هنا طابين طالعين شنو مگرن واخليج هيج تطلعين كدامهم بعدين شدعوه هالكد خاله مكياج

"ولد عمك كل يوميه مكابليني ونلعب دومنه شنو هسه صرت تغار وبعدين مو تگول ماحبج الميحب يغار !

"ايي ماحبج بس مو معناتها اخليج على هواج انتِ عرضي ومحسوبه عليه مو شغلة غيره ..

"زين لعد اني فستاني مابي شي وماراح ابدله لان عريض وممضايق مكان عمليتي ..

"البسي حجاب ..

"شنو ؟ هاي من هيمتا انتَ دكولي البسي حجاب ..

"داكولج البسي حجاب

"مالبس اني ماحب تفرض عليه شي ..

"عض شفته وابتسم بخبث ..  متلبسين مووو .. بلعت ريگ واني ارجع وره وهو يتقدم الي بخطوات هادئه باتجاهب

كتله بعناد" لااا مالبس .. وصلت للباب مسدود بعد مابيه ارجع .. كتله دير بالك تسوي شي ..

حجه بخبث وابتسامه مخفيه "هاي فوگ ماريد الله يهديج شبيج عيني ام محمد شو صايره منحطه وكافره ..

"شهكت وفتحت عيني كتله والله محد غيرك كافره وصهيونيه ..

"ههههههاي، ضحك بعلو صوته وتقرب بي حيل لزك عليه اجيت اوخر منه وهو تقرب اكثر .. طبب راسه بشعري وشمه حيل دفن وجها برگبتي احس تشوهت من انفاسه الحاره ..