نصفي العقيم ( مكتمله )

بارت (١٩)

همس يم اذني بذوبان .. اريد اشوف هسه منو الميلبس حجاب .. دفعته بقوه وهو وخر من عندي مالبس مو بكيفك

ابتعدت واني ارجف ماريده يلمسني ولو لمسه .. قربه مني يصيبني بالجنون .. احسه يتعمد يسوي هيج لان يعرف بيه اخاف من قربه .. رجعت وگفت مقابيل المرايه ورگبتي صايره زرگه .. نداريت علي وخزرته كتله ها رتاحيت شون حطلع هسه ..

"بسيطه ام محمد البسي حجاب وهي ماتبين

"لا والله اشو انتَ صاير ادبسز

"ندار عليه باوعلي بتفاجئ كال شنو لچ شكلتي ..

"هاا مكلت شي نداريت ع المرايه واني الهي نفسي خفت يروح يشحطني طلعت شال ولفيته على رگبتي ..هو جان بعده واگف ويباوع .. گال .. خففي الحمره لا اجي امسحها اني ..

"نداريت علي وخزرته جريت كلينسه وكعدت اخففها شويه هو كال امسحي امسحي مو من دمج هاي ..

"نفخت بجزع كتله .. هسه شتريد الحمره ومسحتها شكو النوب ..

"صوتج لتعلي

"جريت نفس اللهم طولچ ياروح .. كمت شلت محمد جان نايم ع الجربايه وطلعت من الغرفه .. واني افكر يعني هشام انسان متناقض لابعد الحدود يگول اني اكرهج وهو تصرفاته كلها تعكس كلامه .. ماعرف شبي او شنو يحس

.. نزلت للمطبخ جانو البنات ديحظرون كيك وعصاير وگفت وياهم واجت يمي سعاد گالت ..

"ليش لافه هذا على رگبتج ..

"يعجبني

"يعجبج لو انتِ هشام (...)؟

"فتحت عيني مصدومه من كلمتها وجرئتها كتلها .. وانتِ شدخلج وشلون تحجين اصلاً بهيج مواضيع مو عيب عليج ..

"والله العيب على الي ركبتها مزوركه وجايه تفرفر كدام الولد ..

"ماراح ارد عليج لان بعدج جاهله .. بس خل اكولج ترى عيب تحجين هيج مواضيع انتِ بنيه المفروض متدخلين بخصوصياتنه

.. بعدني داحجي وياها واجه هشام وكف يمي واخذ محمد من ايدي باسه بخده ونطاني ياه حظني كدامهم وگال روحي حبيبتي رتاحي انتِ بعدج نفسه وتعبانه

..  كلهم تفاجئو من حركته بس مو اكثر مني .. طلع من المطبخ واني رحت كعدت بالهول يم عمه فرحه .. مؤيد جان كاعد يتحارش كل شويه يذبله حجايه ..

التلفزيون جان دايري على قناة لبنانيه طلعت دعايه مال شرب .. هو تعدل بسرعه وگال .. ايباااه كون هسه بطل كدامي ومزه زينه وفروحه ويايه تونسني ..  اشد وصله  واخليها تهز ..

ردتله بغضب " عوذه عوذه من وجهك زنديق الفاسد ابو العرگ .. يريد يشربني تفاح خايس ..

درلها "افااا اني زنديق لعد بشرفج اليوم من جيتي الصبح وفتحتي الباب مو جنت اصلي ..