#وتيني17
#بقلم دعد أمير الامين ❤️
دخلت غرفتي و انا مغيوظه شديد و دايره اموت من الغيظ و حاسه العبره خانقاني و عيوني مليانه دموع وصوتي ما بمرق جات براءه داخله علي قالت لي مالك قلت ليها مافي شي 😢قلت لي كيف مافي شي وانت عيونك مليانه دموع قالت لي فهد زعلك تاني قلت ليها هو فاضي عشان ازعلني 💔قالت لي كيف يعني قلت ليها فهد مشغول مع ملاذ 😭 قالت لي وانت زعلانه لي مش قلتي ما هاميك قلت ليها انا ليس عن كلامي قالت لي واضح 😏قلت ليها براءه احسن ليك قالت لي يا بت انا اكبر منك ثم انا حماتك احترميني 😒قلت ليها اوكي يا حماتي انصحيني اعمل شنو حسي قالت لي امشي ليهم وقولي ليها تطلع من الغرفه قلت ليها لكن بي اي حق اقول ليها كدا والغرفه ما حقتي قالت لي مش حقت زوجك يلا معناها حقتك و هي ما عندها حق فيها 😏قلت ليها ايوا صاح شكرا يا عسل انت😘 قالت لي اي انا عسل في المصالح بس قلت ليها حرام عليك قالت لي امش وبطلي كسير تلج عشان فهد ما يضيع منك قلت ليها هو فاضل لي معاهو شويه و بس لكن ما بخلي اتصرف زي ما عايز وانا هنا🙂قالت لي افهمها غيره ولا شنو قلت ليها لا لا بس نكد 😂😂قالت لي قومي طيري قبل ما اطيرك انا قلت ليها ياريت بس ما عندي جناحات قالت لي وعد يا امشي😑قلت ليها خلاص ياخ مرقت من الغرفه قلت ادخل ولا لا مره اقول ادخل مره اقول لا فالنهايه قلت لا ما داخله وبعدين انا مالي ومالو 😒خلي اتكلم مع الدايرو جيت داخله غرفتي لقيت براءه قالت لي مالك جيتي سريع كدا قلت ليها ما مشيت قالت لي لي ياخ قلت ليها اكسري الحنك وبعدين اخوك دا فهمو شمال يعني انا لو مشيت بفهم شي تاني قالت لي ماهو واضح الشي ما دايره فهم 🙂قلت ليها براءه اختيني قالت لي شايفاك اتطورتي وبديتي تظهري علي حقيقتك وبقي عندك لسان طويل 😒قلت ليها معقول ياخ انت حبيبتي 😍 قالت لي احبك برص يلا انا زاتي م ال شه منك 🙂 وهي ماشه قالت منفسنه دي 😂قلت ليها سمعتك يلا طيري انا عندي قرايه مرقت وانا قفل الباب وراها😂 جيت افتش الشيت حقي لقيتو مافي قلت ياربي بكون وين تاني اتزكرته انو في غرفه فهد بقيت وافقه جنب الباب الفاصل بينا 😊 اقول ادخل وتاني اقول لا قلت لي نفسي يا وعد انت لازم تتدخلي عشان تشيلي الشيت حقك فتحت الباب الفاصل بينا وجيت داخله توشك 😂😂 لقيت ملاذ قاعده جنب فهد في السرير و خاته راسها في يدو 😑 لما فتحت الباب هي اتخلعت خلعه و قالت لي في حاجه اسمها باب بدقوهو قبل الزول ادخل قلت ليها الكلام دا تقولي لي نفسك اوك 😊قالت لي انا ما بحتاج اذن قلت ليها وانا ما بحتاج اذن وبعدين انت ما عارفه انو الراجل والمره ما بقعدو مع بعض و براهم الا اكونو متزوجين 😏قالت لي ما انت بتقعدي معاهو قلت ليها ركزي في جملتي متزوجين وكما اعتقد انو انا متزرجه و زوجي فهد يعني عادي وبعدين وانت قاعده في غرفتي يعني انا ادخل في الوقت الدايراهو قالت لي بس دي ما غرفتك دي غرفه فهودي قلت ليها غرفه فهودي قالت لي اي قلت ليها لمي فهوديك دا و امرقي بره 🙂عشان انا نعسانه ودايره انوم ولا اقول ليك حاجه مش فهودي دا راجلي خلي انا دايراهو يلا باي وبلا مطروض امرقي بره 😀قالت لي فهد ترضى انو اطردوني كدا 💔 وفهد ولا كانو بتتكلم معاهو 😂😂😂مرقت وهي زعلانه لما دايره تموت 😂 وانا بجاي شلت الشيت دايره امرق فهد قال لي وين يااا قلت ليهو اممم غرفتي بقي اجي جمبي قال لي ماقلتي دي غرفتك يلا الليله مافي مرقه من هنا قلت ليهو عليك الله زح مني وهو برجع لي ي ورا وانا ارجع 😂لما اتلصقت مع الحيطه و انا حيلي ما شايلني و بقيت بتتمتم وعيوني اتملت دموع قلت ليهو فهد الله اخليك زح مني 😭😭😭زح مني قال لي انت لو ماقدر الحاجه بتتكلمي سالي مالك وانا هنا وقعته من الخوف الدخل فيني 💔💔 سريع سريع لميت حاجاتي و مرقت من الغرفه ودخلت الغرف حقتي قفلت الباب الفاصل بينا و بقيت بفكر انا لي طرته ملاذ و يعني شنو لو قعدت مع فهد انا مالي ومالو تقعد معاهو ولا ماتقعد وبقيت محتاره في تصرفي دا 😔 في النهايه سبته علي انو انا عملت كدا عشان هي اتلائمت معاي والرد دا اقنعني 😊 فتحت الشيت حقي وبقيت اقري في لما تعبته خلاص نمته صحيت الصبح بدري بعد صليت قلت مادايره شاي لانو ما بنفع معاي عملت لي عصير منقه كتير كبيت في كبايتين شلت واحده شربتها قلت التانيه اديها فهد تاني قلت ياخ لو داير يجي يشرب براهو في الاخر شلتو قلت لو لقيتو قاعد ما بدخلها فتحت الباب براحه لقيتو مافي قلت احتمال يكون في الحمام سريع سريع ختيت العصير وغطيتو ومشيت لبسته لي فستان ابيض فيهو دوائر بالبنبي والبنفسجي ومعاهو كعب ابيض عالي و طرحه بدره بنفسجيه عملت ميكب خفيف لانو اساسا ما محتاجه 😇وبقيت طالعه لما طلعت من الغرفه لاقتني ملاذ وهي داخله غرفه فهد و قالت ليهو فهودي ممكن توصلني فقال ليها مشقول ما بقدر انا سمعتو وضحكت ليها وهو شافني قام قال ليها ما مشكله بوصلك خمس دقائق واكون جهزته وانت كذالك قامت قالت لي حاضر قعد و لقي العصير وانا ليس واقفه 🌚 شالو شربو قلت اخير امشي عشان المواصلات والزحه ما تبدا 💔 مرقت سريع عشان القي مواصلات......
#يتبع...
