ما بين الذنب والحب (فصليه لمثلي )

البارت 3

ورد،،.. كلش خجلت من غلاف الحلقه ..بس اتباوعله هو ولا عليه ...المهم خلصنه خمس حلقات...هو بقه ايصيح كلتله. .أي على كيفك منو طالب منك اتكمل

غيث،،، نعست كلش نمت على المخده وغطيت نفسي وكلتله .،باجر انكمل تصبحين على خير،،، وغمضت عيني ونمت

ورد..، وانته ابخير،،،كبل نام .، بقيت اتباوعله ...اتقربت منه ..وكرفصت ابكعتي كدامه... ارموشه اثخان .. لحيته وشاربه حلوات ،،خشمه شفته ...
امممم لازم اول بوسه منك صدك .. شعره حلو .،نزلت راسي وشميته. ،غمضت عيني ريحته اتموت ...ردت اطيح عليه خرب ..، كمت واتباوعتله وكلت. ...
خلاص انته البطل ابمغامرتي الحد ما أرجع لأهلي والحلمي. .،رحت للغرفه وانه فرحانه .،امممممممم هو غريب بس حلو ..،هيه الدنيه يومين خلي اعيش فتره حب على ما اروح (بطلتنه ما تدري الحب  ما ينسي 😊)خلي أنام. ،،، نمت كعدت الصبح همه هو يفتح بلشباك كعدت على الجربايه وانه شعري امخربط كلتله ...صباح الخير

غيث.،، نمت متئخر. ..وكوه كعدت الصلات الفجر ورجعت نمت كعدت الصبح نفس كل مره افتح الشبابيك. .،،كلتله .،،،صباح النوم يوميه صلاتج قضاء

ورد،،،ابطفوليه .،بس محد ايكعدني اله شنو اسوي

غيث،،، ابتسمت عليه وكلتله ... خلاص انه اكعدج. .أخذت ملابسي. ،ورحت سبحت طبيت للغرفه لكيت بحرام الصلاه وكفت اباب الغرفه وكلبي بقه ينبض ابكل ما عنده قوه ..
، شنو من شكل عده لطفاه ولابسه إحرام. .. من صدك حلوه .،بس  بلعت ريكي وغمضت عيني .،، رحت اخذت عطري. ،، وطلعت ..،
خرب ما اعرف شنو اوصفه بس كلش حلوه كلبي راح يطلع ...مر اليوم عادي منا لليل ... كعدت منتضره. .. اشويه واجت نفس الشي ملابسه امشلحه ليش تلبس هيج يعني اتغرني هسه هيه لو تدري شعره من شهوتي ما هزته ولا من أي مشاعر .،، بس مساعه بلحرام اتموت ...كلت خلي اسئله ...اكلج

ورد... جنت جاي أصلي وهو دخل كملت صلاتي لكيته ماكو ،،،المهم خلص اليوم عادي منا لليل ... لبست شورت وردي وبدي ابيض ..نازله الكتاف مالته بس  بيه خيط وردي عود حمالات ..المهم رحت يمه وجاي اطلع المسلسل ..،هو حجه كلتله ....كول شكو

غيث،،،، اممم ليش هيج اتلبسين

ورد.،،بستغراب.،،ليش اشبيه لبسي

غيث..،، ادكول اشبيه هو شنو ما بيه كلتله ....انتي عد اهلج هيج اتلبسين

ورد،،،، أي لأن محد موجود بس بابا وماما

غيث... بس يا ورد  اهنا انه موجود ابوي موجود ما ايصير هيج اتلبسين

ورد... انهضمت من حجيه وكلتله ابعبره، ،،بس بس عمو جوه وانته زوجي عادي البس يمك اي شي .،انته ليش هيج ادكول متضايق من لبسي

غيث...، اوف كسرت خاطري. ..لا بس ما ايصير انه رجال  وانتي امانه ما اتخافين اعتدي عليج من وره ملابسج

ورد... ابتسمت وهزيت راسي لا وكلتله .،لا ما أخاف منك لأن واثقه منك ما اسويه

غيث،،، رفعت حاجبي وكلتله. .،شنو هل الثقه الزايده بيه

ورد،،، ابتسمت وكلتله ...كافي نقاش وانه جايبه غطه اذا اجه عمو اتغطه ويله خلي نتباوع. .. كعدنه نتباوع للمسلسل هو ايسلس حب وانه اكل رمان ...
فتت ابصحن وخليته يمه كلتله ..اكل.... هو عاف الحب وبقه يأكل بلرمان. .. بس يأكله مثل الحب يعني يأكل وحده وحده من الرمان ...ضحكت ابخفه عليه  اتباوعت المسلسل ...ما أدري نمته غفيت

غيث.،،، انطتني الرمان اكل وحده وحده وانه مندمج بلمسلسل. .اشوف اشلون ايغار البطل وين الغيره وهيه لبسه الله الي يستر .،عود لبست قصير اشويه وهو غار من امداك ...ما ضل رجال ما شافه ..،.
درت وجهي اتباوعتله نايمه وهيه امغطيه رجليه ..،بس هم الي عندي بدون حجاب وملابسه زفت .،بس هيه بس يمي هيج تلبس ...
بقيت اتباوعله واكول ...يعني انه ليش احب الرجال وهو كله على بعضه خشن ... شوف هاي الترافه يمي .،.
اتباوعت لايده امرايه ما بيه ولا شعرايه وجه الي جنه العافيه ،،، اسوي نفس ما كلي جبار بس خاف هيه ما ترضه ...أخذت تلفوني واتصلت عليه رد هو نعسان كال

جبار،،، الوووو منو

غيث،،،اتباوعله واحاجي. ،، جبار هيه كدامي

جبار،،، اممم وذا

غيث،،، اموافق اخليه دواي

جبار... ابفرح... صدك.

غيث،،،أي جبار اريد اتلمسه

جبار،،، أي روح

غيث.،، ابحسره.،، ما اعرف بس متقزز

جبار،،،، ما اتئثر لمسه اشبيك هيه كاعد يمك

غيث،،،ابتوتر ... لا نايمه

جبار،،، ابحماس،،،، ولك زين يله روح

غيث..،ابتوتر .،ها اي راح اجرب،،،احس كلبي راح يطلع من كد ما النبض قربت منه وقربت ايدي كلش وجان .....راح اروح لأول حلقه من المسلسل واكتب بنات الوات. ..

.....1047...كلمه ...بنات تصويت ليش ماكو ..،😊😊