نصفي العقيم ( مكتمله )

بارت (١٨)

كاذبه جداً
تلك الاوهام التي تقتنع بها كل انثى
بمحاولة تقويم سلوك رجل فاسد
لن يتغير هو ولكن سيُغير حياتها للأسوء !

_______________________

روايـة "نصفي العقيم"

البارت الثـ١٨ـامِن عشر...

للكاتبه : يُمنا نـآصر
_______________________

قراءه ممتعه ..

* ملاحظه اكثر وحده راح تتفاعل وتعلق الها تغشيشه 😌

اكو فد مره قريت بكتاب مقوله تگول

"لو ان للنوايا اصوات فيا هول الفضيحه لدى البشر "

مرات تكون النوايا تبوح النه قبل الافعال ومرات يكون الشخص هو يسبق نواياه ويفضح نفسه .. منعرف المقابل شنو طينته حتى لو من البدايه واضح الحقد بعيونه والكلام الاذع الي يگوله النه حتى يضايقنه بس اليوم استيقنت انو فقط بوقت المواقف القويه يطلع البشر على حقيقته وتظهر روحه المختبئه بجسد نفسه !
سواء كانت بالطيب او بالشر..

بغداد : جنت نايمه بغرفتي وكعدت على صوت صراخ قوي .. صوت بنيه تصرخ بعلاة صوتها .. فزيت مرعوبه عبالي حلم بالبدايه كمت لبست نعالي وطلعت من الغرفه داشوف شكو
.. نزلت جوه واني اسمع الصوت كلما جاله يعلى اكثر .. طبيت لغرفة الخطار واشوف بنيه واكعه بالكاع والدم من راسها لرجليها بحيث ملامح وجها مختفيه ..

حاولت اركز اكثر بيها بدت الصوره توضح عندي وشفتها هاي رحاب !

شصاير بيها ياربي دخيلك هاي ليش هيج وجها ..
هشام موجود بجبروته وصلابته وايده ملطخه بدمها .. للحظه نعاد عليه السواه بيه واغتصابه البشع .. انتفظت بسرعه من هول المنظر

باوعت الاء وعمتي ديحاولون بكل جهدهم انو يخلصوها من هشام الي كان متحول لوحش يضرب بيها بدون رحمه ولا كانه بنيه جوه ايده عبالك رجال ..

يدفر بيها ببسطاله بقوه .. على بطنها وظهرها وراسها ماعرف بشنو مفشوخ .. من شفتها هيج ماگدرت ابقى ساكته .. شفت نفسي قبل ٧ اشهر شلون كنت تحت رحمته وشلون اغتصبني ..

ركضت عليه وصرت افارغ بينهم كتله بصوت واهن ..

" هشاااام اتركها للبنيه راح تموت بايدك راح تموت ..

"رد عليه بصوت يمتلكه الشر .. گال .. خل تموت موتت الچلب وخرني بايده وگال ..

لچ عوفيني خل اربيها لهالساقطه العار عوفيني ، ندار على امه وحجه بغضب عارم .. هااااي تربيتج ؟