حياتنا جميعنا معرضه للموت في اي لحظة لا نعرف متى و كيف قد تخلص رحلتنا في الحياة. " فـ هل يمكن أن يموت الشخص و هو على قيد الحياة ؟!".
كنت معصبه شديد و ما شايفه قدامي ب سبب الدموع و همي بس كان اطلع مخنوقه من هنا لاني خلاص اتحملت بما فيه الكفاية ما هو ما ممكن اعيش معا وحوش و اصلا ما بشر بسببهم دخلت تلاته مرات و مرتين العنايه الفائقة
ما انا بشر في الآخر ...
لا خلاص ما ح تحمل تاني ح ارجع نيويورك اسي انا مالي و مال دا ياااخ 😞😰
هوووف 😤. نزلت شنطي و لميت هدومي فيها و قفلت البيت و طلعت وقفت ركشه
- يا اخ
_ اتفضلي
_ بحري الصافيه
_ جدا انا اصلا ماشي هناك اتفضلي
_ شكرا
سرحت في الظلة و انا براجع في شريط حياتي من ما اتزوجت " ناصر " و انا حياتي كلها معكوسه يعني ما قادره اصدق انه هو عرسني عشان القروش 😑 ، ولا كمان اخته الكبيره عشان غيرانه مني تمشي لي دجال عشان تخليني مجنونه اهااا و العجب اخوه بس التقول عدوه و سكنت فك لي جغور ( الفار) و عقارب هوووف و ما كدا وبس و ماف زول بيرضى ياكل اكلي او ياكل معاي حتي گوبايت المويه ادوني واحده براي لا هم شايفني خدامه ولا شنو ؟
و العجب السيد راجلي وصلت معا انه يغ... (قاطعني صاحب الركشه)
_ وصفي لي بيتكم
_ في شارع ... جنب... الخ
_ اها اي عرفته موش ناس السيد : مصطفى احمد
_ اي 😳 ، بس عرفته كيف ؟!
_ هو منو الما بعرفو 😂😂 ، انتي بتو ولا شنو ؟!
_ لا حفتوا هو ابو ابوي 😁
_ اها. بجاي موش (و اشر على الفه اليمين ؟!)
_ اي ، الفله ب البصلي ديك
_ اها اي عرفته اتغير الون بس
_ اي كان في عرسي انا و اخوي
- اهااا
_ اها كم ؟
_ و الله ما وصلتك عشان كدا بس عشان ماشه نفس وجهتي اتفضلي ساي
_ بس يا
_ نور ، نور الدين
_ حق النزين يااخ بقى غالي
_ ما مشكلة اول مره عفيتها ، دا رقمي لو عندك مشوار. معا السلامه...
فتحت الباب و دخلت و كنت ماشه سرعه عشان انتهي من الحديقه الكبيره و اعدييها سريع دست الجرس
فتحت لي بت اختي ...
" كـسـر "
ح اعرف عن نفسي بعدين نكمل تمام
انا ريل امجد مصطفى احمد قريت علم نفس و طب جراحه عمري 22 سنه ، درست في نيويورك في داخليه و اشتغلت لي سنه ك متدربه في مستشفى براتب قدرت اشتري شقه ، بس اطريت ارجع السودان بشكل عاجل بسبب ابوي و حالته الصحية ، و قرر يعرس لي من صاحب اخوي...
و انا اصغر واحده .
اختي سبأ 32 تقريبا 😅 متزوجة من سته او سبعه سنه عندها يمنى و رغد ، شغاله معلمه إنجليزي و فرنسي و طب اسنان .
راجلها ( عامر) بنعرفه لي قدام
اخوي ( مؤيد) عمره 24 سنة مهندس معمار شغال معا ابوي... ، اتزوج معاي في نفس اليوم و مرته اسمها ( مرام) حامل في الشهر الخامس
و اخيرا انا 😂
ابوي (امجد) عنده شركات للبناء...
امي (مروه) محاميه قضاء
و دي هي اسرتي 😂😂 صغيره موش
طيب نكمل
.............................................................
......
دقيت الجرس فتحت لي الباب يمنى
_ يمنى حبيبتي كيفك
- تمام ( و جرت تلعب 😂)
دخلت الشنطه و قفلت الباب ناديت للشغاله و قلت ليها : امي و سبأ وين
قال لي : في الشغل ما جو لسع ، اجيب ليك عصير برتقال
قلت لها : لالا جيبي لي مويه في غرفتي انا طالعه عليها
قالت لي : انتي لي وشك كدا مورم و مجرح و يديك ورمانه و محمره كدا . ما يكون...( قطعتها) جيبي لي مويه ما عندي حيل اتكلم 😵
_ طيب حاضر اطلعي و بلحقك
_ طيب ماشي...
دخلت غرفتي و ختيت الشنطه و طلعت العبايه و رقت في السرير اه و دخلت في التفكير بس مآب ( الشغاله) جات داخله
_ اشربي المويه و ح اعمل ليك مساج بزيت لشعرك شوفي بقي عامل كيف امسكي
فعلا شربت مويه و رقت في رجولها و عمله لي مساج و نمت في سابع نومه 😂😂
يلا يا جماعه الوقت أتأخر و انا عندي شغل بره تصبحو على خير
#يتبع
