"အဟီး..."
သွားဖြီးကာ စီနီယာ့ကို မော့ကြည့်လိုက်သည်။ စီနီယာက ဘာမှပြန်မပြောဘဲ ဘယ်ကတည်းကထုတ်လိုက်မှန်းမသိသော တစ်ရှူးကိုကိုင်၍ တမှူးရှေ့ဒူးတစ်ဖက်ထောက်ထိုင်ချကာ ခြေဖမိုးကို ညင်သာစွာသုတ်ပေးလာသည်။ မထင်မှတ်ထားသည့်အပြုအမူကြောင့် တမှူးတစ်ကိုယ်လုံးခပ်တောင့်တောင့်ဖြစ်သွားသည်။
"ဟာဗျာ...စီနီယာ၊ ငရဲကြီးကုန်တော့မှာပဲ"
တကယ်တမ်း တမှူး စီနီယာ့ကို ကြည့်ရသည့် ရည်ရွယ်ချက်က လက်ထဲမှ မုန့်ထုပ်နှင့် အအေးဘူးကို ကိုင်ပေးခိုင်းရန်သာဖြစ်သည်။ ဒါကို စီနီယာက သူ့ကိုသုတ်ခိုင်းသည်ဟု နားလည်မှုလွဲသွားသည်။
"ပြောင်သွားပြီ"
ထိုစကားကို စီနီယာက ချက်ချင်းထမလာဘဲ ထိုင်လျက်မှပင် မော့ကြည့်လျက်ဖြေသည်။ မျက်ဝန်းညိုများနှင့် ဆုံမိချိန် အအေးဘူကို ကိုင်ထားသော လက်များက ဆတ်ကနဲ့ တုန်ယင်သွားသည်။ ယခုအခြေအနေက အများအမြင်တွင် တစ်မျိုးဖြစ်ကောင်းဖြစ်နေနိုင်သည်။ ထိုတစ်မျိုးကို တွေးမိချိန် တမှူးရင်ဘက်ထဲ၌လည်း တစ်မျိုးဖြစ်သွားသည်။
"ထ...ထတော့လေ စီနီယာ"
"အင်း"
စီနီယာက ဖြည့်ညင်းစွာထရပ်သည်။
"စေးကပ်ကပ်ဖြစ်နေလား ၊ ရေနဲ့ဆေးမလား"
"အာ...ရတယ် ၊ အဲ့လောက်မလိုပါဘူး"
အသံမတုန်အောင် သတိထားနေတာတောင် အနည်းငယ်တုန်ချင်သွားသည်။ အခုရက်ပိုင်း စီနီယာ့အနားနေရတာ နှလုံးရောဂါရလောက်အောင် ခဏခဏရင်တုန်နေမိသည်။ စီနီယာပဲထူးဆန်းနေတာလား။ တမှူးပဲ ထူးဆန်းနေတာလား။
နှဖူးထက်မှ အနွေးဓာတ်တစ်ခုကို ပြန်လည်ခံစားမိတော့ ယောင်ယမ်း၍ မျက်လုံးမှိတ်မိသည်။ တမှူး အတွေးတွေ ထိန်းချုပ်ဖို့လိုနေပြီ။
**************
"တမှူး...ငါနင့်ကို မေးစရာရှိတယ်"
ဝသုန့်၏ နိဒါန်းပျိုး စကားကြောင့် မေးပေါ်လက်ထောက်နေရာမှ စိတ်ညစ်ညစ်နှင့် စောင့်ငဲ့ကြည့်လိုက်သည်။ တမှူးအခုရက်ပိုင်း အတော်လေးခေါင်းရှုပ်နေသည်။ ညဘက် Jayy နှင့် စကားပြောလျှင်တောင် အရင်လို စိတ်လွတ်လပ်လွတ်မပျော်တော့။ စိတ်က ကျောက်ခဲဆွဲထားသလို လေးနေသည်။
YOU ARE READING
I ADORE YOU. (COMPLETED)
RomanceI adore you.....💙 Type- Romance,Drama Started date - September 3, 2020. End date -December 6,2020. Cover photo crd from pinterest.
Chapter-24
Start from the beginning
