خلف أسوار القدر.

البارت الثالث عشر

الخذلان وألاستغفال
أصعب ما قد يواجهه ألانسان
خاصة إذا كان من أشخاص كنت تظنهم
أمانك وتراهن على حبهم
كنت تظن أنكِ قادرة على محاربه الدنيا
معه
لكنه خذلك وحاربك بأقذر سلاح غدر مخفي هو الاستغفال
____________
نهله: الو حسين

حسين : أشلونج نهله عمي لارا اشلونهم
نهله:الحمد لله

حسين : أخذت رقمج من هيا عندي الج خبر حلو كلت خلي ابشرها

نهله: خير حسين

حسين: والله بنت عمي رفعتي رأسنا الف مبروك معدلج هسه طلعته حبيت اكون اول واحد ابشرج

نهلة: اني ميته وهو بس يحجي ما اكدر انطق
حسين: ٩٨ الف مبروك دكتورتنا

نهله : والله شش شكرا ههه شكرا اروح ابشرهم

الحمد لله الكل فرح امي هلهلت ولارا حبيبتي تبجي وتحضني

ابو فردوس الحمد لله الحمد لله عفيه بنتي مراح تعبج رفعتي راسنا

بعدين خابرتني فردوس حبيبتي باركتلي
وإبراهيم
بعد شهر دخل الفرح بيتنا من حادثه لارا

لارا
أصعب شي بالدنيا أن تكون عاجز

ولو أهلى ممقصرين بس راح أطك اللي مصبرني عبدالله حنانه كل يوم يراسلني
ويحجي يريد يسمع صوتي

اليوم دنروح للمستشفى اشيل الجبس من رجلي ويشوف الدكتور العمليه

من سوالي اشعه اشوف وجه اتغير

الدكتور : شوفي بنتي بعدج صغيرة

ولازم تحملين اشويه تحتاجين علاج طبيعي وراها عمليه حتى تتعدل مشيج

اني مصدومه وسامان يحجي ويا الدكتور
بالاخير عرفت لازم عمليه كبرى
طلعت من المستشفى على كرسي متحرك

ابو فردوس :الحمدلله بنتي اكو أمل إذا ماكو شنسوي

رجعت للبيت ماأريد اشوف أحد
بس دكيت على عبدالله أحسه نفسي اريد اشكيله
بجيييت
عبدالله: حبيبتي لارا احجي

عبدالله بعد مااكدر أمشي دكتور يكول علاج وعليه كبرى
عبدالله:
لا ياعمري أن شاء الله تمشين وتربين جهالنا
بس خلي عندج امل اني وياج ياعمري
دموعج تخنكني
ثاني يوم قررنا نرجع

سامان حلف الا هو يوصلنا اعرف يحس بتأنيب الضمير
وصلنا للبيت جتي فردوس وبيت ابو عبدالله وبيت عمي

كم يوم ناس رايحه جايه
نهله طلع اسما طب عام بغداد
اني هالسنه سادس مقبلت اداوم معنوياتي صفر

اشكد حاولو ا مداومت
نهله عرفت عندي علاقه ويا عبدالله

حذرتني منه
أتحديتها بانو يحبني

بس مرات من نكون واثقين من شي
القدر يضحك بالخفاء

عبدالله قلل اتصالاته بحجه مشغول ويدور وظيفة واني من حبي الجبير معميه عيني

أخابره مرات يرد ومرات لا
حسيته يتهرب كل مره أنطي عذر
يمكن الوظيفه الجديدة شاغله عني

فردوس احلى أيامي عيشتها وحبيبي و أهله كلش زينين ويحبون

اشتغل بالمطبغ ويا عمتي انسانه بمعنى
الكلمه وعمي رجال محترم وحنين
محسسوني غريبه بينهم

ورا كم شهر حسيت بدوخه ولعبان نفس رحت حللت طلعت حامل
عمر: حاتي الف مبروك عمري فداج
انطيتيني احلى هديه بحياتي

فردوس : الله يحفظك النا حبيبي عمر فرحانه كلش
عمي وعمتي من سمعوا بالخبر العصر ذبح ووزع للجوارين

وصهيب فرحان لأن يصير عم
بس فرحتي تكمل من تمشي لارا
اشوفها تذبل يوم عن يوم
_________
نور
أملي جا ب سيف يوكف وياي بس هو
مسافر مرت ابويا تريد تستعجل بزواجي
جتي للغرفه
عيني أكول ليش متريدي أبن عمتج
مثل الحيه منحس بيج
ام العلاقات

شنو علاقات ترى أموت نفسي من أيدج
لوما اخاف الله

ومن يعرفوج بيت ام رضا وجايه تخطبج
شنو والله ماادري بس هو دكتور بالجامعة
والله بخت مال وجاه وإذا مطلق أني أريد تنولين
أحنا انطينا موافقتنا وباجر العقد مالتج

نور :يازمن عايشينها أحنا ما أقبل

أم سيف : غصب ماعليج توافقين بس رفضي شوفي شأسوي بيج

نور: سكتت أعرفها ظالمه وأريد أخلص
صح آه جنت واكفة فتره الامتحانات ابجي سألني وأني ردت بس واحد احجي ال يمكن راد يساعدني
راح أوافق عليه يمكن طوق نجاتي من ظلم مرت ابوي وإهمال بابا