🐚🧜♀حلم حورية البحر🧜♀🐚
للكاتبة✒️: Victoria kaelin
💜📖الجزء 24💜📖
بقا تيجر فشنايفها بشوية و يقبلها فنفس الوقت حطات يديها على وجهو تتمدو بالأكسيجين من فمها مواصلين التقبيل حتال واحد اللحظة ضورات عليه يديها و بسرعة خيالية حركات ذيلها دافعاه حتى ولاو فسطح الماء تماك فين بدا زياد تيستنشق فالهوااء و يدخلو قدر الإمكان لريتو...
ميوريال مبتسمة: حركة جريئة منك تبوسني وسط الما!!ههه
زياد: تيقولو المخاطرة فالحب عندها طعم خاص
ميوريال: ماتعاودهاش مرة خرى حياتك اهم من هادشي
زياد جرها لعندو حتى حط نيفو على نيفها و عينيه تيتأملو فجمال عينيها و بريقهوم: رغم انها خطيرة الا انه استمتعت بيها
رجع ليها شعرها الفازك ورا ودنها و شدها من وجهها جارها لعندو تيكمل فلي بداه وسط الما و هي سادة عينيها منسجمة معااه حتى طلق منها بشوية...
زياد: نكملو غوصنا؟؟
ميوريال حركات راسها بالإيجاب: اكيييد
دار ديك اللعيبة تاني ففمو و بيديهوم المشادين تخشاو تاني تحت الما غايصين فأعماقو تيكملو فإستكشافو...
فنفس الوقت فالشاطئ الأبيض كانو جالسين صحاب زياد مع صحاباتهوم تيتشمسو...
شكيب: ماعرفت فين مشا زياد
اسامة: حتى انا زعمة السييد من نهار تصاحب تبدل
رضوان: عدرو راه اول تجربة ليه اصاحبي
نيكوليتا: حتى ميوريال اول تجربة ههه
كايسي: لايقين لبعضياتهوم كلشي عندهوم جديد
شكيب: اودي انا فرحان ليه
رضوان: حتى انا ملي غير خرج من داك التعقاد ديالو
اسامة متبع عينيه لوحدة دايزة: ااه بصااح خصني غير نلقا حتى انا و هاني حتى انا تبغيو ليا الخير
شكيب: نتا راك ماعرفت علاياش تتقلب
اسامة: تنقلب على وحدة من النضرة الأولى نقوول هي لي تليق ليا
رضوان شاف فشكيب و ضحكو: هههه بقيتي تما...
نرجعو لعند زياد و ميوريال لي باقيين فعمق البحر..زياد غاص حتى قطف عشب من البحر متعدد الألوان بشكل جميل و قرب من ميوريال حتى حطو ليها على شعرها طلعات فيه راسها بابتسامة و حطات يديها فوق يدو تتزيد تقاد فالعشبة لي فاش حساتها تقادات حييدو يديهوم بجوج...
زياد بتاسم فوجهها بإعجاب اما هي ضمات يديها لعندها فرحانة...
ميوريال: ماعرفتش شحال داز د الوقت ولكن تنضن من الأفضل نطلعو راك ملابسش البدلة على جلدك و وجودك فالما بزاف ممكن يضرك
حرك ليها زياد راسو و مد ليها يدو..شداتها بابتسامة و طلعو هو وياها لسطح..حييد داكشي لي على فمو و اخيرا قدر يدوي...
زياد: وي احسن حتى الجوع جاني
ميوريال شدات فيه:غنوصلنا لشاطئ دابا قبل مايجي داك الراجل
حرك ليها راسو بالموافقة و بسرعة الحوريات الخيالية لي معروفين بيها ولاو فالشاطئ هو خارج من الما تيقطر و هي مهزوزة بين يديه بذيلها الأزرق اللامع حتى حطها فوق الرملة..بعد دقائق اختفى الذيل و رجعو رجيلاتها البيضين بحوايجها لي كانت لابسة من قبل..بقاو تيتسناو تما مشمسين حتى جا الراجل حييد لزياد المعدات و داهوم معاه...
ميوريال ناضت: صافي نمشيو؟
زياد حدر عينيه فالكوكياج لي تيلوحو البحر و لي تيبقا واحل فالرملة و هو يطلع راسو فيها: ااه نمشيو ندوشو هو الأول
ميوريال: واخا
شدها فيديها و رجعو لوطيل..بعدما دوشو تغداو فيه و كل واحد تكا يرتاح...
YOU ARE READING
🧜♀️🐚حلم حورية البحر🐚🧜♀️|مكتملة✨️
Fantasy⛔ممنوع الإقتباس جميع الأفكار من مخييلتي الخاصة⛔ ثالث قصة من سلسلتي "سلسلة فيكتوريا الفنتازية الأسطورية" بعد قصة سارة في بلاد العجائب رجعت ليكوم بالقصة الثالثة من سلسلتنا الفنتازية الأسطورية و هاد المرة بكائن أسطوري لي كلشي تيعرفو سوا كبار ولا صغار،...
