ماذنبي ؟

بارت 2

- من الصعب أن تجد شخصاً لا يتغير ابداً 🖤،

#مٌرَيـﮯمٌ الُمٌوَسِوَيـﮯ
:
:
:
البارت الثاني
مرال: بعد ما خلصت الفاتحة مالت بابا وماما اجة عمو دك الباب دخل  للصالة سمعة يكول لخالتي
: لازم تطلعون من هاذ البيت والكم اسبوع لمن تلمون غراضكم وتفرغونة الي
سحر : ليش خوية هو بيت اختي
:واذ بيت اختج ما الج حق بية
سحر:  اذا اني ما الي حق الأطفال هم الهم حق هو بيت ابوهم
: ابوهم الله يرحمة قبل لا يموت باع البيت الي
سحر: شلون 😨
:هاذ الصار
سحر: نشالله
مرال:  بعد ما راح عمي قررنة نسكن بيت خالي بس خالي شرط على خالتي تنطية نص راتبهاوخالتي  وافقت ( للعلم خالتها سحر معلمة )   و ---------------
:
:
علي:  اخذت مهند وفهد للمول ورجعت للبيت الكل نايم اني هم صعدت بدلت لبست تشيرت و برمودة ونمت كعدت الصبح بدلت ونزلت  لكيت الوالدة ومهند وريتاج وكلتلهم صباح الخير
الكل: صباح النور
تريكت ورحت للدوام وطبعن اول ما طبيت الشغل فوك راسي
:
:
مرال: ( بعد مرور سنين)
كعت الصبح سويت ريوك وكعدت مروان طبعا مروان كبر وصار عمرة 15 ويدرس صف ثالث متوسط واني صف سادس ابتدائي وبطلني خالي من المدرسة
تريكو وطلعو للدوام وسويت غدا وطبعن زوجة  خالي تتأمر علية شوية واجت خالتي سئلها خالي
: ها شنو اليوم جاية من وكت
سحر: خوية طردوني اليوم من الدوام
:شلون
سحر: وما اكدر ادفع كل شهر لأن بعد ماينطوني راتب
:مشكلتج هاي اني اريد كل شهر ما اكعدج بلاش اني ما ناقصني
سحر: خوية افهمني مين اجيب كل شهر 250
: الج مهلة يومين تلمين غراضج وتطلعين من البيت
سحر: الله يهديك خوية
مرال : خالة بعد يومين وين نروح خالي ما يقبل نبقى يمهم
سحر: يمة سمعيني زين بيبيتج الله يرحمها مسجلة بيت بأسمي وهسى ما عدنة حل واحد أنو نروح نكعد بذاك البيت
مرال: الله كريم شوية اجة مروان من الدوام صبيت الغدة وكعدو تغدو ونوب غسلت الماعين ورحت نمت شوية كعدت لكيت خالتي تضم  بلغراض رحت سبحت ومشطت وكعدت اضم وياها خلصن اليومين ونتقلنة و ---------------
:
:
علي: كملت شغل ورجعت للبيت صعدت فوك رتاحيت شوية وبدلت
ونزلت سلمت على الوالدة تغدينة وشربت جاي وصعدت نمت الساعة ب 4 كعدت سبحت ونزلت طلعت وية جماعتي لمن صارت الساعة ب7 رجعت للبيت صعدت صليت ونزلت لكيت الوالدة كاعدة رحت سلمت عليها وبست راسها
علي: شلونج يوم
زمرد: (الام) الحمدلله بخير انتة شلونك
علي: على الله
زمرد:يمة ما ناوي تتزوج
علي: الله كريم
زمرد: يمة مو راح يصير عمرك 30
علي: يمة هسى توى صار 26 بعد وكت
زمرد: يمة الله يهديك
علي: تعشيت وشربت جاي ورحت للشط و--------
:
:
مرال: طبعا البيت بية غرفة جوة ومطبخ وحمامات وصالة زغيرة والطابق الثاني بية غرفتين وصالة بدينة نضف بية لمن صارت الساعة 11 بليل خالتي نامت وانة كلت المروان
مرال: مروان حبيبي روح نام خاف نعسان
مروان: لا ما نعسان انتي نامي ارتاحي
مرال: اوك رايحة انام رحت بس حطيت راسي على المخدة بسرعة نمت لأن تعبانة------------
:
:
علي :رجعت بدلت و نمت كعدت الصبح بدلت ونزلت تريكت ورحت للدوام
بعد ما خلص الدوام رجعت للبيت
صعدت بدلت وصليت ونزلت تغديت ورحت غسلت السيارة ولعبت رياضة شوية صارت الساعة ب 4 صعدت بدلت ورحت للشط وضليت اسحب جكارة ورا جكارة لمن صارت الساعةب 6:30 رجعت للبيت صليت ونزلت لكيت مهند يلعب بهمام( ابن كرار )  اجاني همام يركض شلتة وبستة بخدة ونزلتة شلونك مهند !شخبارك
منهد: تمام بخير انتة شلونك
علي: بخير فهد شخباره
مهند:زين بس خطية ابو شاد وياة دائما يجي يرزلة كدام اصدقائه مرات يخجل
علي: هاذ شلون بية يعني مو ابنة باجر اني احاجية و ----------

حبايبي خلص البارت اعرف قصير بس نشالله اعوضكم بلبارتات الجاية ❤️💋
:
: