بعدت عليه وقالت:
_أجيو دخلو مرحبا بيكم..
ابتسمو ودخلو للصالة اللي كانت مجهزة على أصولها.. ومرتبة ومقادة.. گلسو في الصالة وهوما معانقين كيحيدو الشوق ديالهم.. حتى ناضت مليكة باش تجيب أتاي والحلويات.. بينما سوزن غطير بالفرحة أما واحد الگوڤيرنور غير حاضي إيناس وكيفاش كتحرك وهي غطير بالفرحة..
ابتسم جنب وهو مكرهش ينوض يهرب بيها فشي مكان وهوما غير بوحدهم.. قاطع أفكارو الخبيثة دخول مليگة وهازة في ايدها بلاطو ديال أتاي والحلوة وقالت بفرح:
_مرحبا بيكم.. هدا أحسن نهار في حياتي هو كتشفت بنتي وختي باقين حدايا..
ابتسمو بجوجات وقالت إيناس:
_ولكن امليكة عمرك عاودتي ليا عندك ختك..
گلست مليكة وقالت:
_كنتي باقا صغيرة.. ومبغيتش نصدعك بمشاكلي..
دلات إيناس شفايفها وقالت:
_واخا.. إذن مبقيناش صحابات حنا مخاصمين..
ضحكو كاملين على طفوليتها وشدتها مليكة عنقتها وتمخشات فيها وهي كتبوس راسها بحنان ودمعيات الفرحة كينزلو..
حتى سمعو الباب تحل وهزو ريوسهم باش يشوفو شكون وكان بات إيناس اللي كان حال فمو وعينيه غرغرو وقال:
_ب بنتي..
ابتسمت إيناس بفرح وقالت وهي كتجري عندو حتى تمخشات في حضنو:
_بااااابااا..
خشاها عزيز عندو كثر قال وهو هاز راسو للسما:
_الحمد لله.. الحمد لله اللي رجعتي ليا كبيدتي..
بعدها عليه وباس راسها بشوق كبير وهو مشبعانش منها.. حتى جراتو معاها للصالة وهو يتصدم صدمة العمر.. ياله بغات تدوي إيناس وهو يقول بصدمة وعينيه خارجين:
_ساوزان..!!
ابتسمت إيناس وقالت:
_إذن حتى نتا كتعرفها ابابا..هادي خالتي الحنونة..
زاد عزيز خرج عينيه وقال:
_سوزن نتي باقا عايشة..
حركت راسها باه وبان الحزن على وجهها وقالت:
_اه اسي عزيز..
_ولكن فين كنتي هاد سنين كاملة..؟
على إثر سؤالو شافت في ولدها وتبادلو نظرات الحزن وقالت:
_هادي قصة طويلة اسي عزيز ودبا ماشي وقتها..
حرك عزيز راسو بتفهم وقال:
_على خاطرك ألالا سوزن..
أصلا عزيز مكانش كيعرف سوزن ولعمرو تلاقا بيها كن مواحد النهار عاودت ليه مليكة وخوات همها عليه وديك الساعة وراتو صورة ديالها وهو حست معتقداتو أنها ميتة داكشي علاش تصدم مني شافها...
ثم دار وشاف في إيناس اللي كتبقلل في عينيها ومفاهمة والو وقال بابتسامة:
_ونتي اسلعفانة سرطك شي حاسوب من هدوك اللي كنت كنشري ليك.. باينة غاشي موصيبة منهم ابتاسمات على كلامو وعنقاتو وهي كتقول:
_وصافي ابابا.. نسااا..
ضحك وخشاها فيه كثر وهو غيطير بالفرحة حيث أخيرا رجعت ليه كبيدتو.. گلسو كاملين وشربو أتاي في الصالة في جو زوين ديال الضحك حتى كل واحد مشا بحالو.. عزيز مشا للخدمة حيث كان عندو واحد لقاء مهم.. أما سوزن ومليكة مشاو للكوزينة باغين يطيبو للغدا مع بعض باش ينساو شوقهم للبعض.. الگوڤيرنون طلع لواحد لبيت لفوق كان مجهز زوين ونقي وإيناس لبيتها اللي لقاتو گاع مطرف ومقاد حسن من اللول وگاع الأشياء باقا وحتى حاجة متحيدات.. ابتسمت ودخلت كتقلب فيه وتحسس فيه عاجبها حتى جات عينها في القبية ديالو اللي كانت معلقة.. هزاتها وبدات تشم فيها وهي كطير بالفرحة.. لبساتها فوق الكسوة وقداتها وخرجات من البيت طالعة لفوق عندو.. حتى وصلت دقت ودخلت نيشان.. حتى لقاتو مسرح فوق الناموسية عاري من الفوق وناعس.. ردت الباب وقربت بخطى بطيئة حتى وصلت حداه ونزلت على ركابيها وهي كتشوف فيه بحب وإعجاب شوية بدات كتحسس لحيتو الخشنة.. وعنقو ووجهو كامل وهي كتحرش بيه حتى قربت شفايفها وباستو بوسة خفيفة في فمو وناضت راجعة حتى حست بيه جرها من ايدها ولاحها فوق الناموسية حداه حتى خلاها مشرعة عينيها ابتسم وقال:
_أشنو كنتي كديري..؟
_دورت عينيها وقالت:
_اا.. والو.. غير.. مااما غتكون كتعيط ليا دبا.. وناضت هاربة لكن كان أسرع منها جرها من خصرها حتى طاحت فوقو.. وايديها بين راسو ووجهها حدا وجهو.. وسع ابتسامتو وهز ايدو هبط ليها القب من على راسها وخشا أناملو ورا راسها وقربها أگثر وقبل ماتحرك حط شفايفو على شفايفها كيقبلهم بلطافة وكيلتدد بمداقهم..
وكيف العادة خاصو حتى يحس بيها تخنقت عاد طلقها وهي كتنهج حدا وجهو وهو كذلك.. وهو غير حاضيها مكرهش يلتاهمها دابـا.. دغيا عاقت براسها وناضت بسرعة خارجة من الغرفة وهي كضحك غير بوحدها بالفرحة حتى وصلت لبيتها حيدت الجاكيط وخرجت عندهم للكوزينة جالسة معاهم فرحانة بهادشي اللي واقع..
وصول الليل
في هاد الوقت كانت العائلة تعشات وكل واحد مشا لبيت باش يرتاحو ويحيدو التعب.. كانت مليكة كالسة في السطح وكتأمل النجوم وكتحمد الله على هاد النهار الزوين وعلى فمها الإبتسامة اللي مبغاتش تحيد حتى حست بشي واحد گلس حداها لتافتت باش تشوف حتى لقات إيناس كتشوف فيها بابتسامة ولمعة ديال الشوق في عينيها بادلتها ابتسامتها وتلاحت عليها معنقاها وكتبوس بشوق كبير وكتقول:
_الله على رويحة شحال توحشتها..!!
ضحكت إيناس وخشات وجهها في عنقها وقالت:
_وكون تشوفي أناا.. شحال توحشت هاد الريحة المميزة..
بعدت عليها وكملت:
_دابا عاد فهمت علاش ديما كنت كنشم في خالتي سوزن ريحتك وكنشوف فيها غير عويناتك..
ابتسم مليكة وقالت بتساؤل:
_علاه نتي فين كنتي هاد الأيام كاملة؟
جاوبتها إيناس وقالت بتردد:
VOCÊ ESTÁ LENDO
فتاة الهكرز
Açãoسلام.. كنقدم ليكم هاد القصة الخفيفة اللي كاتوفر على أحداث بسيطة ومتسلسلة وفي فترة زمنية صغيرة وغالب أحداثها كاينين على أرض إيطاليا كنتمنى تعجبكم وإلى معجباتكمش غير سمحوليا حيث هادي أول مرة كنكتب فيها شيحاجة وكنتمنى أرائكم
الجزء 15
Começar do início
