عشق الامير

بارت الاخير 💔

اول شي صباح الخير ..
ثاني شي خلصو شغلكم
ثالث شي ابتعدو عن الضوضواء والازعاج وتحظرو لقراءه البارت مع فنجان قهوه ساده ..

بارت مكون من

10500 

كلمه .. تعبت بيه 😢😂

خل نبدي

يوم جديد ..

حياه جديده ..

سنه جديده ..

مرات منعرف شنو الله ضاملنه

ومنعرف شنو ممكن تضرنه تصرفاتنه

ومنعرف شنو رح نواجه وشلون رح نتعب وشلون رح نكوم من جديد

حياتي جانت كلش حلوه برغم سلبياتهه اللي بديتهه من ارتباطي بمصطفى لعمليتي لخسارتي لابويه لوفاه جدي لمشكله اخويه ويه بنيه تقرب لحبيبي .. لقرارات غلط اخذتهه ..

بس جانت فرحتي بهاليوم ..

اليوم زواجي من امير ..
فرحه متنوصف ..
احس نفسي فراشه طايره بالجو ..

كعدت الصبح .. ساعه تقريبا ب ٨ونص اخذت حمام سريع نشفت شعري شلون ماجان باوعت بوجهي بالمرايه .. قبل مارجع لامير جانت حالتي مثيره للشفقه ..

عبالك من ذوله المتسولين بالشوارع هسه صايره مرتبه .. جسمي مرتب وحليانه وتغير واضح مو شلون ماجان ..

لبست بلوز ابيض وسويتر ابيض وبنطرون وبوت جوزي ربع .. لفيت الشال وطلعت

اول مافتحت باب غرفتي شتغلت الهلاهل امي ونسوان خوالي وعماتي جوه والبنات كلهن .. نزلت،وتلكني بوس وشبك موتني 😤😒 كوه فكيت منهن ..

عباس وين ؟؟

امي .. مادري طالع

فاطمه .. وين طالع

امي .. مادري ياماما ..هوه اجه جابنه وراح ..

فاطمه .. دكيت عليه مغلق اوووف منك خابرت معتز ..كال يم الحلاق ..كتله اوك

جتي رقيه همين عود تهلهل وشبكتني .. كلهم فرحانين ماكو مغثه .. مهند رايح يجيب ام سما ومرام وايات من البصره لانه ذوله رجعو .. بس هديه وسما بقن يمنه ..

اللي يهوس واللي يصفك .. صدك عرس وفرح مو هيج .. كالت امي يله نروح للصالون ماضل وكت .. وهنه كلهن ويانه .. طبعا حجز يوم كامل ..يعني بس احنه بالصالون ..

صعدت .. اخذت بدلتي وحذائي .. المسكه والتاج عباس جابهن .. بقن يمه خابرته انوب همين مغلق .. يالله منك عباس ..

يله مو مهمات هنه عادي علما اكمل ..

ساعه ٤تبدي الزفه

بعد وكت ..جوز يتلكانه مناك .. طلعنه بسام اخذنه .. والباقين كلمن رجلهه وداهه عمامي اجوي ..