ﻻ ﺣﺒﻴﺒﻲ ﻛﻮﻡ ﺗﺠﻲ ﻭﻳﺎﻳﻪ
ﻭﻳﻦ ﻧﺮﻭﺡ ﻛﻌﺪﺕ ﺭﺍﺳﻦ
ﻧﺮﻭﺡ ﻟﻠﻨﺠﻒ ﻧﺰﻭﺭ ﻋﻤﻚ
ﺻﻔﻨﺖ ﺑﺎﻭﻋﺘﻠﻬﺎ ﺍﻱ ﺍﺭﻭﺡ ﺑﺲ ﻣﻮ ﺗﺒﺠﻴﻦ ﻫﻨﺎﻙ
ﻻﻻ ﻣﺎﺍﺑﺠﻲ ﺑﺲ ﺍﻗﺮﺍﻟﻪ ﻗﺮﺍﻥ
ﻣﻴﺨﺎﻟﻒ ﻃﺒﻴﺖ ﻟﻐﺮﻓﺘﻲ ﺑﺪﻟﺖ ﻭﻃﻠﻌﺖ ﻟﻜﻴﺘﻬﺎ ﻻﺑﺴﻪ ﻭﻣﺒﻮﺷﻪ
ﻧﻨﻪ ﻟﻴﺶ ﺗﻠﺒﺴﻴﻦ ﺑﻮﺷﻲ
ﻣﺎﻣﺎ ﺣﺒﻴﺒﻲ ﻏﻴﺮ ﻋﺪﻩ ﺍﻟﺰﻡ ﺍﺭﻳﺪ ﺍﺭﻓﻊ ﺭﺍﺳﻪ
ﻣﺎﺷﻲ ﻃﻠﻌﻨﺎ ﺟﺎﻧﺖ ﻣﻦ ﻳﺼﻴﺮ ﺑﺼﻔﻬﺎ ﺭﺟﺎﻝ ﺗﺘﻮﺟﻪ ﺑﻴﻪ ﻭﺗﻮﻛﻒ ﻭﺭﺍﻳﻪ . ﻳﺎ ﺍﻟﻠﻠﻠﻪ ﺷﻮﻥ ﺷﻌﻮﺭ ﻛﻤﺖ ﺑﺪﻭﻥ ﻣﺎﺍﺷﻌﺮ ﻣﻦ ﻳﺼﻴﺮ ﺭﺟﺎﻝ ﻛﺪﺍﻣﻨﺎ ﺍﺧﻠﻴﻬﺎ ﺑﻀﻬﺮﻱ . ﻋﺮﻓﺖ ﺍﻧﻲ ﻣﻦ ﺍﻟﻴﻮﻡ ﺻﺮﺕ ﺭﺟﺎﻝ ﻟﻨﻨﻪ ﺻﺮﺕ ﺍﻟﻬﺎ ﻛﻠﺸﻲ ﺑﺤﻴﺎﺗﻬﺎ ﻧﻨﻪ ﻣﺠﺒﻴﺮﻩ . ﻣﻦ ﺭﺍﺡ ﻋﻤﻲ ﻛﻠﻬﺎ ﻋﻤﺮﻫﺎ ٣٦ﺳﻨﻪ ﻭﺣﻠﻮﻩ ﻭﺻﻠﻨﺎ ﻟﻜﺒﺮﻩ ﻭﺑﻘﻴﻨﺎ ﺳﺎﻋﺘﻴﻦ ﻭﻃﻠﻌﻨﺎ ﺗﻤﺸﻲ ﻭﺗﺮﺩﺩ
ﻫﺎﻱ ﻫﻴﻪ ﻭﻳﺎﻙ ﻋﻠﻲ ﻛﻔﻴﺖ ﻭﻭﻓﻴﺖ ﻭﻳﺎﻳﻪ ﻭﻱ ﺍﺑﻨﻲ ﻫﺎﻱ ﻫﻲ ﻭﻳﺎﻙ ﻣﺎﻗﺼﺮﺕ
ﺍﺑﺎﻭﻋﻠﻬﺎ ﻛﻠﺴﺎ ﺧﺎﻑ ﺗﺒﺤﻲ ﺑﺲ ﺿﻠﺖ ﺳﺎﻛﺘﻪ ﺣﺠﻴﺖ ﻭﻳﺎﻫﺎ ﻣﻦ ﻃﻠﻌﻨﺎ ﻣﻦ ﺍﻻﻣﻴﺮ ﺟﺎﻭﺑﺖ ﺑﻬﺪﻭﺀ ﻭﺭﺟﻌﻨﺎ ﻭﺍﻧﻲ ﻣﺨﻠﻴﻬﺎ ﺟﻮﻩ ﻛﺘﻔﻲ ﻭﻫﻲ ﺷﻮﻱ ﺷﻮﻱ ﻧﺎﻣﺖ ﻋﻠﻰ ﺻﺪﺭﻱ ﻭﺍﻟﻄﺮﻳﻖ ﻛﻠﻪ ﺍﺑﻮﺱ ﺑﺮﺍﺳﻬﺎ
ﺣﺒﻴﺒﺘﻲ ﻧﻨﻪ ﻣﺎﻋﺪﻱ ﻏﻴﺮﺝ ﺍﻣﻮﺕ ﺍﺫﺍ ﺻﺎﺭ ﺑﻴﻪ ﺷﻲ
ﻣﺎﺑﻴﻪ ﻳﻮﻡ ﻟﺘﺨﺎﺍﻑ
ﺍﻧﻲ ﻋﺪﺝ ﻣﻮﺟﻮﺩ ﻟﺘﺨﺎﻓﻴﻦ
ﻻ ﺣﺒﻴﺒﻲ ﺍﻧﺖ ﺭﺟﺎﻝ ﺍﻟﻤﻦ ﺍﺧﺎﻑ
ﻧﻨﻪ ﻣﺎﻋﺪﻱ ﻏﻴﺮﺝ ﺍﻧﻲ ﻭﺍﻟﻠﻪ ﻣﺤﺴﻴﺖ ﺑﻴﺘﻢ ﻟﺘﻴﺘﻤﻴﻨﻲ ﻫﺴﻪ
ﻻ ﻣﺎﻣﺎ ﻟﺘﻜﻮﻝ ﻫﻴﺞ ﺣﺒﻴﺒﻲ ﻟﺘﺒﺠﻲ
ﺭﻓﻌﺖ ﺭﺍﺳﻬﺎ ﻭﺗﻤﺴﺢ ﺑﺪﻣﻮﻋﻲ
ﻟﺘﺒﺠﻲ ﺍﻣﻲ . ﻟﺘﺒﺤﻲ ﺣﺒﻴﺒﻲ ﺍﻧﺖ ﺭﺟﺎﻝ
ﺍﻱ ﻫﺬﺍ ﻫﻮﻩ ﻣﺎﺍﺑﺤﻲ ﺑﻌﺪ ﺍﺧﺮ ﻣﺮﻩ
ﺟﺮﺕ ﻧﻔﺲ ﻭﺑﺎﻭﻋﺖ ﻋﺎﻟﺸﺎﺭﻉ ﻛﺎﻟﺖ
ﺑﺎﺟﺮ ﺭﺍﺗﺐ ﺍﻟﺘﻘﺎﻋﺪ ﻣﺎﻝ ﺍﺑﻮﻳﻪ ﺷﻮﻥ ﻣﻨﻮ ﻳﺠﻴﺒﻪ
ﺍﻧﻲ ﺍﺭﻭﺡ ﺍﺟﻴﺒﻪ
ﻣﺘﻨﺪﻝ ﺣﺒﻴﺒﻲ
ﻻﻻ ﺍﻧﺪﻝ ﺍﺳﺎﻝ ﻭﺍﻧﺪﻝ
ﺧﻮﺵ
ﻧﻨﻪ ﺑﻌﺪ ﺍﻧﻲ ﺍﺗﺴﻮﻙ . ﻭﺷﺘﺮﻳﺪﻳﻦ ﻛﻮﻟﻴﻠﻲ
ﺻﺎﺭ ﻣﺎﻣﺎ ﺻﺎﺭ
ﻣﺮﺕ ﺍﻳﺎﻡ ﺻﻌﺒﻪ ﻣﻜﺎﻥ ﻋﻤﻲ ﺣﻴﻞ ﺧﺎﻟﻲ ﻟﺤﺪ ﺍﻻﻥ ﻣﻦ ﺍﺻﻠﻲ ﻻﻧﻪ ﻫﻮ ﺍﻟﻌﻠﻤﻨﻲ ﻋﺎﻟﺼﻼﻩ ﺍﻓﺮﺵ ﺳﺠﺎﺩﺗﻪ ﻛﺪﺍﻣﻲ ﻭﺍﺻﻠﻲ ﻭﺭﺍﻫﺎ . ﻭﻣﻦ ﺍﻛﻤﻞ ﺍﻫﺪﻳﻠﻪ ﺳﺒﺤﻪ ﺍﻳﺎﻡ ﺍﻓﻮﺕ ﻟﻠﺤﻤﺎﻡ ﺣﻮﻩ ﺍﻟﺪﻭﺵ ﺍﺑﺠﻴﻲ ﻟﺤﺪ ﻣﺎﻛﻮﻝ ﻛﺎﻓﻲ ﺍﻳﺎﻡ ﺗﺪﻣﺮﺕ ﺑﻴﻬﺎ ﻋﻄﻠﻪ ﺍﻟﺜﺎﻟﺚ ﻣﺘﻮﺳﻂ ﺻﺎﺭﺕ ﻋﻠﻴﻪ ﻋﺬﺍﺏ ﻧﻨﻪ ﺗﻤﺮﺿﺖ ﻭﺻﺮﺗﻠﻬﺎ ﺍﻫﻞ ﻛﻤﺖ ﺍﻧﻀﻒ ﻭﺍﻣﺴﺢ ﻭﺍﺭﻛﺐ ﻭﺍﺭﻭﺡ ﻭﺍﺟﻲ ﻋﻠﻴﻬﺎ ﺍﺳﺎﻝ ﺷﻮﻥ ﺍﺳﻮﻱ ﻫﺎﻟﻄﺒﺨﻊ ﻭﺗﻌﻠﻤﻨﻲ ﻭﻫﻲ ﺑﺎﻟﻔﺮﺍﺵ ﺟﻨﺖ ﻣﻦ ﺍﺭﻭﺡ ﺍﺗﺴﻮﻙ ﻓﺮﺣﺎﻥ ﻣﺮﻩ ﺯﻳﻨﻪ ﻭﻣﺮﺭﺭﺍﺕ ﻣﺴﻮﺍﻙ ﺗﻌﺒﺎﻥ ﻣﺮﻩ ﻋﻦ ﻣﺮﻩ ﻛﻤﺖ ﺍﻋﺮﻑ ﺍﺳﺘﻨﻜﻲ ﻭﻫﺬﺍ ﻳﺮﺧﺺ ﻭﻫﺬﺍ ﻳﺨﻠﻴﻨﻲ ﺍﺳﺘﻨﻜﻲ ﻭﻫﺎﺫ ﻻ ﻭﻛﻤﺖ ﺍﻋﺮﻑ ﺍﻟﻮﻛﺖ ﺍﻟﻠﻴﺼﻴﺮ ﺑﻲ ﺍﻟﻤﺴﻮﺍﻙ ﺭﺧﻴﺺ ﺍﺭﻭﺡ ﺑﻲ ﺍﺗﺴﻮﻙ ﻭﺍﺭﺟﻊ ﻭﻛﺎﻣﺖ ﻧﻨﻪ ﺑﺴﻼﻣﻪ ﻭﺭﺟﻌﺘﻠﻲ ﺍﻟﺤﻴﺎﻩ ﻭﺑﺪﺕ ﺍﻻﻋﺪﺍﺩﻳﻪ . ﻧﻨﻪ ﻭﻱ ﺭﺍﺗﺐ ﺍﻟﺘﻘﺎﻋﺪ ﺍﻟﻲ ﻫﻮ ﻛﺎﻓﻲ . ﺑﺲ ﻧﻮﺑﺎﺕ ﻳﻌﻮﺯ . ﺭﺟﻌﺖ ﺟﺮﺕ ﺍﻟﻤﻜﻴﻨﻪ ﻭﺷﻐﻠﺘﻬﺎ ﺑﺮﺩﺍﺕ ﻋﻠﻰ ﺟﺮﺍﺟﻒ ﻛﺮﻭﻳﺘﺎﺕ ﻋﻠﻰ ﺩﺷﺎﺩﻳﺶ ﺷﻮﻱ ﺷﻮﻱ ﺍﻧﻌﺮﻓﺖ ﺑﺬﺍﻙ ﺍﻟﻮﻛﺖ ﺟﺎﻥ ﺍﻟﺨﻴﺎﻁ ﺯﻳﻦ ﺷﻐﻠﻪ ﻭﻣﺘﻘﺒﻞ ﺍﻧﺸﻐﻞ ﺑﺎﻱ ﺷﻲ ﻏﻴﺮ ﺩﺭﺍﺳﺘﻲ
ﻧﻨﻪ ﻭﺍﻟﻠﻪ ﻓﻠﻮﺱ ﺍﻟﺮﺍﺗﺐ ﻛﺎﻓﻴﻪ
ﻣﺎﻣﺎ ﺍﻟﺘﻬﻲ ﺍﻧﺖ ﻣﻌﻠﻴﻚ ﺍﻗﺮﻩ ﺍﺭﻳﺪ ﺗﻌﺒﻲ ﺑﻴﻚ ﻳﻄﻠﻊ
ﻭﻓﻌﻼ ﺟﻨﺖ ﻟﻴﻞ ﻭﻧﻬﺎﺭ ﺍﻗﺮﺭﻩ ﺍﻻﻭﻝ ﻋﻠﻰ ﺻﻔﻲ ﻭﺍﻟﻌﺎﻟﻢ ﺻﺎﺭﺕ ﺗﻌﺮﻓﻨﻲ ﻣﻦ ﺍﻃﺐ ﻭﺍﻃﻠﻊ ﻭﻓﺠﺎﻩ ﺑﻴﻮﻡ ﻣﻦ ﺍﻻﻳﺎﻡ ﺩﺍﺍﻣﺸﻲ ﻭﻟﻤﺤﺘﻨﻲ ﻣﺮﻩ ﻋﻴﻮﻧﻬﺎ ﺭﺻﺎﺻﻴﻪ ﻭﺧﺪﻭﺩﻫﺎ ﺣﻤﺮ ﻭﺳﻤﺮﻩ ﺑﻘﺖ ﺻﺎﻓﻨﻪ ﻋﻠﻴﻪ ﻭﺑﻨﻴﻪ ﻭﻳﺎﻫﺎ ﺗﻄﻠﻊ ﺑﺎﻟﻤﺘﻮﺳﻄﻪ ﻛﺎﻟﺖ
ﻣﺎﻣﺎ ﻫﺬﺍ ﻳﺸﺒﻪ ﺧﺎﻟﻮ ﺍﺣﺴﺎﻥ
ﻭﺍﻟﻤﺮﻩ ﺑﻘﺖ ﺻﺎﻓﻨﻪ ﻋﻠﻴﻪ ﺗﻘﺮﺑﺖ ﻣﻨﻲ ﻛﺎﻟﺖ
ﻳﻤﻪ ﺍﻧﺖ ﻭﻳﻦ ﺑﻴﺘﻜﻢ
ﻛﻮﻟﻲ ﺧﺎﻟﻪ ﺍﻟﻤﻦ ﺟﺎﻳﻪ ﺗﻔﻀﻠﻲ
ﺍﺑﺘﺴﻤﺖ ﻛﺎﻟﺖ
ﻫﺬﺍ ﺑﻴﺖ ﺣﺠﻲ ﻋﻠﻲ ﻟﻮ ﺷﺎﻟﻮ
ﻻ ﻫﻮ ﻫﺬﺍ ﻣﻐﻠﻄﺎﻧﻪ ﺗﻔﻀﻠﻲ ﺍﻟﻤﻦ ﺭﺍﻳﺪﻩ
ﻛﺎﻟﺖ
ﺍﻧﺖ ﺍﺑﻨﻬﻢ
ﺍﻱ ﺍﻧﻲ ﺻﻔﻨﺖ ﻋﻠﻴﻬﺎ ﺧﺎﻟﻪ ﺍﻧﺘﻲ ﺍﻟﻤﻦ ﺭﺍﻳﺪﻩ
ﻳﺎﻳﻤﻪ ﺍﻧﺖ ﻳﺎﺳﻴﻴﻦ
ﺻﺎﺣﺖ ﻭﺑﺠﺖ
ﻫﺰﻳﺖ ﺭﺍﺳﻲ ﺷﻮﻫﺎﻱ ﺭﻛﻀﺖ ﺣﻀﻨﺎﻧﻲ ﻭﺗﺒﺤﻲ ﻭﺗﺒﻮﺱ ﺑﻴﻪ
ﺩﻓﻌﺘﻬﺎ ﺑﻬﺪﻭﺀ ﺍﺑﺘﻌﺪﺕ ﺍﺳﺘﻐﺮﺑﺖ ﻛﺎﻟﺖ
ﻳﻤﻪ ﺍﻣﻚ ﻭﻳﻦ
ﺗﻔﻀﻠﻲ ﻫﻤﺴﺖ ﺗﻤﺸﻲ ﻭﺗﺘﻠﻔﺖ ﻭﺗﻤﺴﺢ ﺑﻌﺒﺎﻳﺘﻬﺎ ﻋﻴﻮﻧﻬﺎ ﻭﺍﻟﺒﻨﻴﻪ ﻭﻳﺎﻫﺎ ﺗﺒﺎﻭﻉ ﻭﺗﻀﺤﻚ ﺿﺠﺖ ﻣﻦ ﻋﻴﻮﻧﻬﺎ . ﺑﻬﺎﻟﻌﻤﺮ ﺟﻨﺖ ﺣﻴﻞ ﻣﻌﻘﺪ ﻭﺍﻛﺮﻩ ﺍﻟﺒﻨﺎﺕ ﻣﻦ ﻳﺘﻠﻮﻛﻦ ﻣﻦ ﺍﻓﻮﺕ ﺟﻨﺖ ﺍﻛﺮﻩ ﻛﻞ ﺍﻟﺒﻨﺎﺕ ﺍﻛﻮﻝ ﻛﻠﻬﻦ ﺍﺩﺑﺴﺰﻳﺎﺕ ﻋﺎﻟﻠﻲ ﺩﺍﺷﻮﻓﻪ ﻣﻦ ﺍﻟﺸﺒﺎﺏ ﻭﻋﻼﻗﺎﺗﻬﻢ ﻃﺒﻴﺖ ﻭﺯﺍﻫﻢ ﻟﻠﺒﻴﺖ ﺻﺤﺖ
ﻧﻨﻪ ﺍﻟﻤﺮﻩ ﺑﺎﻭﻋﺘﻠﻲ ﺗﺒﺘﺴﻢ ﺟﺎﻭﺑﺖ ﺍﻣﻲ
ﻫﺎ ﻣﺎﻣﺎ ﺷﻮ ﺭﺟﻌﺖ
ﻧﻨﻪ ﻣﺮﻩ ﻋﻠﻴﺞ
ﺑﺎﻭﻋﺘﻠﻬﺎ ﻭﺻﻔﻨﺖ ﻛﺎﻟﺖ
ﺗﻔﻀﻠﻲ
ﻣﻌﺮﻓﺘﻴﻨﻲ ﻧﺴﺮﻳﻦ
ﻻ ﻭﺍﻟﻠﻪ ﻣﻌﺮﻓﺘﺞ
ﻳﺲ - ﺑﻘﻴﺖ ﺻﺎﻓﻦ ﻛﺎﻟﺖ
ﺍﻧﻲ ﺍﺧﺖ ﻣﺮﻭﻩ
ﺻﻔﻨﺖ ﺍﻣﻲ ﻓﻜﺖ ﻋﻴﻨﻬﺎ ﻛﺎﻟﺖ ﻫﻠﻪ ﺑﻴﺞ ﻛﻞ ﺍﻟﻬﻠﻪ ﻭﺑﻮﺳﺘﻬﺎ ﻭﺑﺎﻭﻋﺘﻠﻲ ﻛﺎﻟﺖ
ﻣﺎﻣﺎ ﺣﺒﻴﺒﻲ ﻫﺎﻱ ﺧﺎﻟﺘﻚ ﺍﺧﺖ ﺍﻣﻚ
ﻫﺰﻳﺖ ﺭﺍﺳﻲ ﻣﺴﺘﻐﺮﺏ ﺍﻭﻝ ﻣﺮﻩ ﺍﺳﻤﻊ ﺑﻴﻬﻢ ﺣﺎﺟﻴﺘﻠﻲ ﻧﻨﻪ ﻗﺒﻞ ﺑﺲ ﻣﺸﺎﻳﻔﻬﻢ ﺑﻘﺖ ﺗﺒﻮﺱ ﺑﻴﻪ ﻭﺍﻧﻲ ﺍﻧﺰﻋﺠﺖ ﺍﺑﺘﻌﺪﺕ
ﻧﻨﻪ ﺍﻧﻲ ﺭﺍﻳﺢ ﺍﺗﺴﻮﻙ ﻭﺍﺭﺟﻊ
ﺍﻱ ﺣﺒﻴﺒﻲ ﺍﻟﻠﻪ ﻭﻳﺎﻙ
ﻃﻠﻌﺖ ﻭﻋﻴﻮﻥ ﺍﻟﺒﻨﻴﻪ ﺍﻛﻠﺘﻨﻲ ﻭﺗﺘﻤﻀﺤﻚ .
ﺗﺴﻮﻛﺖ ﻭﺭﺟﻌﺖ ﻟﻜﻴﺘﻬﻢ ﺑﻌﺪﻫﻢ ﺧﻠﻴﺖ ﺍﻟﻤﺴﻮﺍﻙ ﻭﻫﻤﻪ ﻳﺒﺎﻭﻋﻮﻟﻲ ﻛﺎﻟﺖ ﺍﻟﻤﺮﻩ ﺍﻟﻠﻲ ﺗﺼﻴﺮ ﺧﺎﻟﺘﻲ
ﺗﻌﺎﻝ ﻳﻤﻪ ﻳﺴﻮﻧﻲ ﺗﻌﺎﻝ ﻓﺪ ﺷﻤﻪ ﺧﺎﻟﻪ
ﺍﻟﺘﻔﺘﺖ ﺍﺑﺘﺴﻢ ﺑﺨﺠﻞ ﻣﻦ ﺷﻔﺘﻬﺎ ﺑﺠﺖ ﺗﻘﺮﺑﺖ ﺑﺜﻜﻞ ﺑﺎﻭﻋﺖ ﻻﻣﻲ ﺗﺒﺘﺴﻢ ﻭﻛﻔﺖ ﺍﻟﻤﺮﻩ ﺗﺒﻮﺱ ﺑﻴﻪ ﻭﺗﺤﻀﻦ ﻭﺩﻣﻮﻋﻬﺎ ﺗﺠﺮﻱ . ﻛﺎﻟﺖ
ﺷﻬﺮﻳﻦ ﻭﻧﺺ ﺍﻧﺖ ﻋﻠﻰ ﺍﻳﺪﻱ ﻳﺎﻳﻤﻤﻤﻪ ﺷﺒﺴﻊ ﻣﺸﻦ ﺍﻻﻳﺎﻡ ﺟﺎﻭﺑﺖ ﺍﻣﻲ،ﺍﻧﺘﻲ ﻛﺎﻃﻌﻪ ﺍﻡ ﺣﺴﻦ ﺗﻌﺎﻱ ﻣﺮﻱ ﺧﻠﻲ ﻳﺴﻮﻧﻲ ﻳﻌﺮﻓﻜﻢ
YOU ARE READING
النوگ الحمر
Romanceرواية منقولة للمبدعة الكاتبة مريم السعدي من بعد اذن الكاتبه اني انقلها لان احبها وابد ما الگاها كاملة بالوتباد 🙏♥️♥️🥀
بارت 3
Start from the beginning
