النوگ الحمر

بارت 27

الفصل السابع والعشرين
#النوك_الحمر
#بقلم مريم السعدي

يس- ---- عذرا لدنيا لست فيها. عذرا لنفسي دونك عذرا لحياتي الجديده كيف احيا بدونك كنت لاشي واصبحت كل شي بحياتك كيف تريدين ان احيا دونك اماه
مشت بيه السنين مشيه الممسوس
لاادري شوكت وين وكعد حضي
تكسرلي الخواطر كسره المنحوس
ولا كمره فرحت جن ما ركض نبضي
بلا ام رجعت لااب يكسر عليك
ولا انه الدريت سماي من ارضي
يس- رجعنا للبستان واختنك بيه الهوى وثجصلت للباب وعبدالله ايده على كتفي يصبر بيه
عمي براك فاتحه كول يا الله وانه بضهرك انه وياك واهلي بعد حنا نصيرلك اهل بس كويلي روحك ابو فرحه
يس- يحجي واني عيوني عالدرب وصلت للباب مال بيت ولمحت كرسيها المتحرك ووكفت رحلي كمت مااسمع معقوله اطب للبيت ماالكاها مااكدر مااكدر تركته ومشيت للساكيه لحكني رحت بالساكيه بالزويه مغلقه باربع جهات بالخوص العالي والساكيه تلعب البطات بيها وبيها مكان فتحه دخول بس كعدت اكو مثل الكعده منادر خفيفه وارتجيت بوجده من النخلات اجه السيد بصفي يحجي واني ماسمعه
فصلت تماما اتخيلها مدفونه اتخيل الضلمه الهي بيها وكفت صليت حسيته ورايه وكف صليت صلاه الوحشه ورجعت كعدت يحجي يحجي واني ممو صدك ماسمعه ولاباوعله بس صافن فرغ دماغي من كلشي شوي وخله بيدي ملاص حليب دافي باوعت بعينه تبسم هز راسه
شربه عمي اشربه كوي عودك
شربته ونطيته الملاص علكم نزل من حليب رجيت راسي عالنخله تركني السيد واني تمددت كل التذكرته شون نزلتها للمبر الودتني للفرح والونسه وديتها للمقبره. بيدي هاي بيدي غفيت بتعب وافز من احس بضيق
ربي هون عليها ضغطه القبر يااارب ربي دخيلك روحي فرفحت وطلعت بجيتي بقهر مكدرت اسكت لحد ماوذن وكفت اصلي وكفه مابيه كوه وكفت حسيت احد ورايه يصلي
كملت التفتت السيد كمل صلاه وكعد يمي ضل يحجي واني بس اباوع بعينه
عمي تسمعني جاي تفهم علي
هزيت راسي بهدوء اباوع بعينه لاا
بقه صافن تنهد وكام من يمي تمددت انام حسيت احد يكعد بي فتحت عيني شفته عرفان بس شفته بجيت نصيت راسي خجلان حضنني ويصبر بيه واني منين اجيبه للصبر كومني وياه ناصبين الفاتحه والناس تجي تعزي واني بهدوم الدفن عرفان كال
ابو فرح فوت بلد
السيد صاح
عوفه خللي براحتو
كعدت مابيه حيل وكفه بعد اجو عزو العالم واسمع بجي وعويل النسوان وروحي تلوب بس صوت فرح براسي يدك كمل العزه سويته يوم واحد حيل مبيه وماعدي احد هنا وخلف الله عالسيد ذبح ذبيحه بثواب روحها ووزع كومه اكل للعالم وابوعوف وعرفان وياه كعد يمي عرفان يحجي واني حجايه اركز بيها والثانيه تطوش من بالي كال
مقدم على لجوء وحيروح يسافر تركيا بينما يطلع وحتى جهاله يداوموت هناك مدام كملو سادس كال بعد شهر اسافر واني بس صافن بعينه نتر بيه
ابو فرح قوي روحك انت رجال موصغير نصيت راسي كال
بنتك محتاجتك ميصير هيج صارلك اربع ايام بيتك مطابه
اخاف اطب. ماالكاها بي احجي وي روحي من يومها كطعت الكلام مااكدر احجي بس صافن اريد استعيد نشاطي اري. اوكف على حيلي مدااكدر ومستسلم فصلت عن الكون كله اعتزلت العالم السيد يوميه بليل يجيني يحجي ويايه واني مااسمع بس عقلي وكف ساعه النزلتها بقبرها وترجف روحي
مكابل الساكيه خطيه محسن يوميه يجيب صينيه الامل اكل لكمه منها وادفعها وياهو الحي يحاجيني السيد ينهد بي ويصيح
خللو بحالو
مرت ايام ولااني الطاب لبيتي ولااني اني الاحجي كلمه بليل اكوم عالبستان اذب حيلي بي حتى اتعب وانام بدون ماافمر امي شديصير بيها هسه
مخليت شي مسريتها حتى شتلات جذرت ووزعتها بترتيب شتلات برتقال ونارنج قلمت الاشجار ورتبتها بس المعمل ماطبله كمت اسبح بالديوانيه وارحع لمكاني محد يحاجيني ولاحاجي احد السيد سبوع يله نزل كام يدز ابو محمد ومحسن بداله وكمل الاسبوع واني المنفصل عن الدنيا كلها ارجع انام بالساميه بالمضيف الخارجي الحو طيب ماحس لاحر ولابرد الكه هدومي محضره بالديوانيه اسبح واطلع عالبستان يوم يومين شهر عرفت انه فرح راحت وي خالتها لان تاذت كلش ووحدها واني عفتها والسيد يوميه يجيني يمي بليل كام ميحجي بس يكعد يمي واني اباوع عالساكيه نوبات يقره قران ارتااح حيل بده يحجي ويايه واني ماحاوب بس اباوع بعينه يسكت ويجر حسره كام من يمي وتركتني شوي واجه
ووياه اخته مدري شصار بيه نصيت راسي واحس بيها ريحه ننه لان جانت تداريها كعد السيد بصفي كال
عمي ولو داضايكك بس ناس رادو يتطمنون عليك
بقيت منصي راسي وكف كال
انه اخليكم ببحيدكم اخضو راحتكم
وتركنا وراح كعدت بقرب نص متر بس نفسها ينسمع لزمت راسي اريد اصحى لدنيتي تعبت هاي راحت ارتاحت من مرضها. تلمها ياسين راحت لعلي كافي بقت ساكته التفتت عليها مبوشه
نصيت راسي
اذا تردين اخذي راحتج
بقت كاعده وساكته عفتها بقيت مرحي راسي عالشجره وهي كاعده على ركبها متحركت ابد ساعه ساعتين حسها مطلع تمددت مكدرت بعد كمت اغفي شوي وشفتها كامت اخذت العبايه مال سيد الجان متلفلف بيها وغطتني وراحت السيد منتضرها غمضت وغفيت ساعتين بس وفزيت على صوت ننه
ماما ضلوعي توجعني روحي لابت صليتلها قريت قران وكمت عالبستان نضفته حد ما نفسي انكطع شفتهم طبو المراح وطلعو والحليب بيدهم رحعت كملت شغلي عبالك مويس قبل عبالك بله احسلس ومشاعر. عبالك مو اني ابدا وصار السيد يوميه يجيب يمي اخته ساعتين وتروح متحجي ولااني الاحاجيها حد ما مرت اربعين امي ورحتلها شي بيه برد رجعنا بنفس اليوم
رجعت للساكيه ارتاح. حسيت احد ديجي التفتت شفتها كعدت يمي صرت ماارتاح اذا متجي بقيت ساكت مادري شكول بس هالمره هيه حجت وريحت كلبي كالت
الحجيه جانت تكول ادعولي اموتن بلجن ارتاح. وهي مره صايمه مصليه وربك غفور رحيم تضن تتعذب بعد هالعذاب الشافيته
التفتت باوعت عيونها شالت الوشاح والبوشي
يروحي مدري شصار بيها بقيت اباوع بوجهه اريد راحتي رغم كلبي دك سريع بس مقبوض حيل كالت
اللي عدها وليد نفسك ماتخاف اهي ربت والنعم من التربيه صافي دمك مامخبوط بحرام اللي متروس حنيه على اوخيتك عجل على اميمتك شون تصير
بقيت ساكت نصيت راسي غمضت عيني وكفت تروح احه السيداخذها وراحت تمددت انام وكلامها ريحني
ثاني يوم ردتها تجي تاخرت السيد اجه وكعدت يمي يشوف بعيوني لهفتي عليها بقه ساعه واني اسبح وكام شوي وجاب اخته وراح
ضلت يمي كاعده واني اباوع للساكيه اريد الخنكه تروح اريد اللوبه على امي والاشتياق يروح مداامدر بس من تجي ارتاح اكثر
اول كلمه حجيتها واني اباوع عالساكيه
ليش تاخرتي
التفتت تبتسم شالت بوشيها
تبيني اجيك اوكت النوب انه حاضره بالتريده
غمضت عيني واني ماعرف شريد اخاف ادير وجهي عليها شديصير بيه مادري بقت ساكته من سكتت شوي وراحت كمت عالبستان يجبيومها للصبح منمت البستان كلبته كله واحس التعب املني بس مداكدر انام للثمانيه الصبح انضف بالمعمل لان تاركه عالعمال لاعبين بي جوله كربته مرب وشغلت المكاين وتمددت ارتاح دك تلفوني عارف
الو
ها يابه الله يساعدك شون صرت
زين الحمد لله احسن فرح وين اريد احاجيها
فرح تريد تروح لامها
شوون شنو تروح لامها طينياها بله
الو بابا
هلو حبيبتي بس كتلها هلو بجت بصوت عالي
بابا حروح لامي
بابا اني راح اجي اخذج
لابابا ماريد ابقى بذاك البيت مااتحمل واختنكت من الحبسه حرجع لماما
روحي شاطت ليش هيج بابا ليش
بابا الله يخليك لتزعل واني احاجيها شًوكت ماريداشوفك
سكتت وصرت نار جاربت بنتره
اذا رحتي لامج تنسيني فرح ماريدج بعد
بس صوت بجيها اسمعه سديته منها واحس راسي حيطك كمت اركع بحيطان المضيف اريد يسكن مااكدر اتحمل بعد خسرت كلشي المن عايش بعد
عبد الله- من اليوم التوفت حبوبتها وانه ليليه اسمع ونينها واطرش ام عوف لو اوخيتي عليها تبات عدها وابوها ضايع ولاتكول عمره بالاربعين والسباعيه مالتو يطلعها بشغلو ليليه يطلع يكلبو البستان كلاب لايخلي زرع حددو باشجار البرتقال ولا يخلي تكلم ولا يخلي تنضيف ورش المراح والنوك يغسلهن مايهدهن الا واوهو جنازه حدما راحو بيت عديلو وكال رايح اخضها وياي وخضوها والبيت فرغ وراعيه مايرضى يرد يبات بيه والفروخ تلوب جن تدور عليها مر الشهر وابو فرحه حالتو تازمت لكيتو محموم عالساكيه
وركضت بي للبيت صاير جنه وركه شجره من خفيته نومتو بفراش المرحومه عبن محطوط بالهول ودزيت على اوخيتي تساويله كمادات على ما اروحن لبيت الدوه وارد ن ليه وام عوف بعد يمها
بريسم- رد لزمان اول رد لكلبي لهفته
لاتضل مهموم لزم طولك واسند عودته
انخى الله ورسوله وكل اهل بيته وعدته
هذا حيلي الباد بيدك شدته
لا تحير دليلي يلي من صغري مشتته
احاجي ببيوت شعر بيني وبين نفسي ام عوف وسمعها الثكيل متسمع واتمنى يسمعني انه بت شيوخ انه علويه ودعوتي تنرد حاشه ربي وهيبته
ربي بجاه كلمن عده جاه وكفه على حيله رد عليه قوته
خليت الكماده على جبينه فز فك عينه بهدوء وتعب كضبها وشالها راد يكعد وانسند عالحايط وارتجى
بكيت اعاين مثل طفله على ابوها دمعت عيوني موبديه بلعت ريك يعاين بالوجوه راد يكوم وكفت مبتعده ناطيته مجال شرب مي التفتلي ورجع لفراشه عاين وتلمس الوساده وعيونه عالفراش والتعلاكه يمكن يدور عباتها او شي من اثرها كال بتعب حيل
اريد انام اذا تردون روحو
لا انه ضاله جاوبت بهدوء ومنتهيه خجل التفت كال
زين والله مبيه شي اخذي راحت
بكيت اعاين عالكاع مايدري اهو عده رحتي لون ما رد لحيله حيلي وياه يبيد واطلع انه صدك كراطه زلم
كال
بس سدو الباب وراكم
وكفت ام عوف طلعت والتفت عليه شاورتني كالت
حبوبه ضللي هذا هم بيتج بعد خافن لا الرجال هوون على جيزته منج عبن امه وراحت المن رايدج بعد
حجي مثل السيف جان بس اهوو الصح اهو رادني بس لخدمه امو وانه علويه وبت شيخ الساده انه ردت اخدم بيتي ورجلي موبس خدمه بعيوني احطو بس مااكدر اهينن روحي ازيد من هيج لبست عبايتي ونزلت البرشي طلعت قبلها سدت الباب وراي كالت
انه اكولها ضلي لايهون ثاري طلعت زبكت كبلي
ام عوف انه مو بله كرامه مايريدني لايريد انه بعد المايريدني ماريدو صوتي نوعا ما عله اوخوي طلع علو حسي صاح
هسسسسس صوتكم مااهيسه امشن جوه علويه وينج
عيني اوخوي
تعالي صوبي شنهو الصار كليلي
حجيتله كال بالتامرين بي يجرالج
كتله حدما اهو يطلبني انه خدامه بيتي اكونن
هاذ هو
باسني من راسي كال
انه بايت عده الليله هالزلمه ماهد اخوج بوكعته وانه بعد اردن الطاك عشر طوك اسمحيلي علويه
اخذ العلاج وراح وانه ضليت بحيره امس ردتلي الهواجس انه منحوسه
لثاني يوم الفجر وداني ابوعوف للمراح ورد سمعت المكاين تشتقل والفلح نايمين عجل ياهو الشغلاها باوعت لبو عوف كتلو تانيني راده لك كال
بس ابو فرحه بالمعمل
عجل رايحه اخظ وياي دبه من الحليب بدربي اخضته ورحت طبيت للمعمل شفتو يمسح بي بالممسحه لمعو وصل للباب شافني توهك ودنج
وانه وبوشيتي وابو عوف اليتنه وراي كتله
حجايتين وهاذ هو --البيننا ان هونت عليه هاي نيشاني بدينك ياتفتشل ولاجنك مشيت علي واللي طلبتي لخاطرها. راحت لدار حكها وارتاحت وريح خاطرك انت بعد الله يوفقك
جنت احجي وصوتي يرجف واحس روحي جلمه تنفهم وجلمه لا مدنج من احاجي من سمع كلامي رفع راسه وفك عينه وانه والبوشي على وجهي ردت من عده وعد بس مانطاني نزعت نيشاني وخلتو عالدبه وطلعت
انه انه نفسي ماعرفت نفسي شون منوين اجت هاي الصلافه انه من اوخوي الاصغر مني اخافن واستحي معقوله سويت كل هذا معقوله انه السويته رجعت للبيت مابجيت بس طيت لروحي وعد ماريدن زلمه بحياتي النوب
يس- مدري شبيها ليش هيج كالت اني مقصر ادري صدمتني كلش يعني لان كتلها اخذي راحتج يعني عبالها علمود ننه جبتها واني بداخلي موعلمودها وبي اني اريد اتزوج ووموعاد طلعت بريسم هاي اللي اكثر وحده تمناها كلبي بس اني بوضع احس. روحي خسران كلشي بنتي وامي ماكو شي عايش لاجله فقط عباده رب العالمين روحي طالعه من روحي شي منتزع مني باقي بس خيال هيج احس روحي شسوي ماريد تروح مني وماريد تزعل ولو عاشت ويايه هسه حعذبهع احس روحي مومستعد ابد
كملت شغلي للمغرب اليوم مكعدت كل شجره من اقلمها وازكيها وازرعها احس انزرعت وياها نفس جديده بيه. الطين من اكلبه ويتنفس احس روحي اكلب بذكرياتي العشت بيها واني اكلب منشغل بكلام عمي علي احاني ضوه قوي وراح التفتت السيد يطملي صوره مبتسم
ابتسمت تقربت مني باسني من جتفي
الكوه عمي
هله سيد
ادري شني ماتتعب
لااني هاي راحتي،
اني بعد كلتلهم اهي كاعه واهو المسوول عنها وهو مخير يهتم بيها لو لا
اتي مرتاح هيج
اخظ كل راحيتك.
بقيت اباوعله تنهدت سيد اريد اجيكم اليوم خطار كال وعدل يشماغه مضيق عينه
يا كل الهلا العتبه النا والحوش الاك
متقصر كول وفعل.
طبيت سبحت وتغديت ورحتلهم بالليلببالي فرح خليها عد امها مرتاحه طبيت بعد السلام وي السيد فاتحته
سيد خجلان منك بس بيتي فارغ واني اريد اعيش
عمي منو كال لاتعيش الا من خقك تعيش احسن عيشه
هزيت راسي نصيت ورحعت رفعته
بله امر عليك رايد العلويه تشوف البيت ولو ماعرف شون عقايدكم كولي التامر بي وانه اسوي
عمي ماترهم يخوك ماترهم لون ساوينه شي تسمعه العالم يكلون. جا. ماجانو متزوجه كبل
وان سواوينه لاجلها بعد اميمتك مادايرتلها سنه
هزيت راسي كال
الليله لو الباجر بالجثير اطرشها ومايكون خاطرك الا طيب
زين يابه ماشي عفته مترهص ورحت للبيت اختنكت بمجرد طبيت مكدرت ابقى وحدي طلعت كبلي للمضيف و للساكيه نمت وحسيت الفجر على صوت الديج وهم كمت على شغلي هالمره ازيد من كبل والبستان كدمااداري كدما يطيب اثره وخضره والسيد مافد يوم كال هاي ليش عبالك صار صدك بستاني بيومها وره مكملت شغل المعمل رحت للمشتل شتريت بذور خضره معدنوس وبطنج وريحان وزرعت يم السواكي تعبت طبيت الديوانيه ملكيت هدومي كلت بس افوت للبيت اخذها واجيدهنا اغسل مااتحمل ابقى اكثر بعد. رحت للبيت شفت الماع مال طرامي مغسوله توقعت غاسلين البيت طبيت للمطبخ لمحت شحاطتي بالباب نضيفه عبالك مغسوله ذبيت نعال البستان ولبستها رفعت راسي الجربايه مشيوله من الهول وبمكانها قنفه اوكرويته يسموها والهول مرتب باوعت عالطباخ لكيت جداري صغار ٢ توقعت محضره كلشي ورايحه مشيت بالهول اريد ريحتها لننه لكيت راسن الفوطه مالتهايم سجادتي تقربت منها شميتها بعمق خليتها بجيسها حتى متروح ريحتها فرشت السجاده اصلي وسجاده عمي كدامي موبيدي اخذتها عاده كملت ودعيت الله يحفظ بنتي ويلرد ملبي ويغفر لامي هاي اذا عدها ذنب كمت شلت السجاده البيت كدما نضيف ومرتب اخاف اتحرك بي واخربطه ركعتها بمكانها التفتت وانصدم
بريسم بالبيت كاعده ورايه عالقنفه منصيه راسها وعلى راسها شال اسود جانت لابسه شي عريض مثل العبايه بس مفتوحه وجواها دشداشه طويله لونها خمري انصدمت وجمدت بمكاني
وهي ايدها تفرك بيدها اللخ من الخجل وكفت بعد دقايق وخلت بيدها الهدوم عالقنفه مرتبه وعافتني وراحت للمطبخ تعدل بهدومها عبالك حتوكع من الخجل قرص وجهه الصافي اللي اتمنى تنطيني من صفاءه لحياتي اخذت الهدوم فشلان من ريحتي من الصبح بالبستان والمعمل طبيت سبحت وصافن شكرللها الشال ليش لابسته شوكت تنزع العبايه شوكت شومت شومت
شوكت تصير الي هالتفمير خلاني اضرب على كصتي شون حعاملها شو بانكساري خاف اكسرها وااذيها بدون ماحس على روحي خاف من اوصللها واتذكر ننه وتروح كل مشاعري طلعت واني انشف براسي وكفت كدام المرايه اباوع ورايه غرفه نومي تقربت الفراش مرتب ومخلين تيبلامات نازكه مطفيه كلشي وعالكتهن باوعت بالنرابه روحي
شباقي بيه شعري الابيض اللي يم حسنها ابين عجوز
لو
وجهي التعبان من التعب والدمع اللي منشف
لو ضعفي اللي بين عضام صدري لان مااشتهي اكل لونفسي اللي انداست من انولدت لليوم
وراها كسره باثر كسره
عمي علي
وراها اذيه دعاء وغدرها بكل مره انطيها فرصه واخرتها ال---
ةلو مرضه امي وصفيتي بله بيت ولااخ الاستند عليه ولا عمرولاخال ولااب
واخرتها موتته امي المات بيه شي وراها وختمتها فرح من تركتني وكانما تكولي
انت متت ويامن ابقى بعد بقيت اباوع لروحي
بنيه مضلومه وتعبانه حرامت تكون الي بس هي صارت الي لازم احيا لخاطرها طلعت واني ادكم بالدشداشه اللي انتبهت اخر شي انها مكويه وصلت للمطبخ لكيتها صابه الاكل ومنصيه واكفه بخجل بالزوايه تفرك بيدها والله اني خجلان اكثر منها المثلج يستحق احسن مني كعدت واني ساكت اكل وهي بقت واكفه ورايه شفت صابه بس الي اكلت وكملت صبت الجاي خلته عالطبله مالهول يعني كوم اكعد بالهول كمت وشفتها لملمت المطبخ بسع متباوعلي ولبسها العريض كانما تحتشم مني كملت الحاي وصافن على طولها وحركتها الهادئه تذكرت الحلقه كمت طلعتها من محفضتي شفتها تنشف ايدها وره غسل المواعين واني حاير بامري
شون انطيهيا هيج ماريد اجرحها تقربت للمطبخ نصت راسها وعدلت شالها ليش معتبرتني غريب يحز بكلبي هالاحساس
وناطيها كل المجال خليها براحتها تنزع خجلها واني براحتي ابرد من حزني وعزائي حد الاكتفاء تقربت وصلت تقريب الشبرين بعد عنها منصيه حيل لدرجه مدشوف اي شي من وجهه شكد اعشق خجلها. وخوفها
لزمت الحلقه بين ايدي افر بيها بين اصبعين منزل ايدي مرتبك انتبهت بوبو عينها تحرك تجاه ايدي ورجعت نصت شلت ايدي شفتها قبضت ايدها بخجل
تقربت من ايدها غمضت تريدتبعدها لزمتها احس بالنبض من يدك بين ايدي والدفو صعد لراسي حنانه
شنو هالايد الناعمه عبالك مابيهن عضم تلمستها برزانه اخذت اصبعه اريد احجي طبك صوتي جليته
احممم
ايديها ترجف بيدي واخذت اصبعها لبستها بهدوء مغمضه قوي وترتعش بيدي تمنيت احرها لحضني اكثر مره تمنيت شي يخص غريزتي بحياتي ملها هاي المره بس ردت احضنها احس برجفتهع واهدائها واحس بيها هدات بيد يمكن اموت وراها
كحيت ورجعت حجيت
احمم هاي الحلقه متنزع من ايدج بعد ا
هزت راسها منصيه بخجل. بقيت لازم ايدها بيدي تركتها بعد ماحسيتها عركت ابتعدت تركتها ترتاح من التوتر والارتباك عفتها وانهزمت مني للغرفه الثانبه وانسدت الباب جريت نفس بعمق مغمض
يابووويه شون احساس رجف كللبي يااياببه شي بيه احتيي من جديد شي بده ينبض بالحياه كعدت اتوزن وي روحي وسمعت السيد
صاح
يا الله ياساتر ابو فرحه موجود. وينها العلويه
ها تفضل سيد تفضل
طب صاح يا الله وباوع للبيت مبتسم وباوعلي كال
عمي عساك دوم مرتاح
خلاك الله
الامانه ورصلت عسى ماعلي كصور
لاحشاك سيد مكفي وموفي
للطيب والوفي عمي اصيرن جسر له
دااحجي ودك تلفوني عرفان
الو ها عرفان
ابو فرح فرح خابرت تبجي وتصيح الحكلي هسه تروحلها
وكفت رجليه رخت
ويبنها
بيت ام خالد الجوارين مالتكم الحجيه الجانت تدير بالها عالمرحومه تتذكرها
اي اي رايح هسه اجيبها
بس دير بالك من الطريق فدوه لتخلي بالي عدك
بس دير بالك من الطريق فدوه لتخلي بالي عدك
يعني هسه هي ببيت خاله رجاء
اي اي عدهم والمره البيه كالت عدي بس خابر ابوها لان مدري شبيها ماتت بجي
لاحول ولا قوه الا بالله عرفان مادري شون اشكرك هجيت لترميا ومخلصت من عدنا رايحلها هسه
السيد عبد الله - عمي شجاك ياواشك لا تطيح
عبد الله فرح مخابره خالتها نيته بحي مدري شبيها من البارحه فكري يمها وكلبي ناغزني اروح اجيبها واجي. عينك عالمعمل والفلح ماطول عسى ماارجع الفجر
عمي لوين رايح بحيدك تعاب وياي ابوعوووف حجيي ابو عوف
بلي سيد بلي
عينك عالبستان عدنا شغيله ببغداد نفضها ونرد علويه طالعين نحنا باتي عد ام عوف لايضلج بال
سد الباب واني ارتب بهوياتي بجيبي خاف ناسي شي وطلعنا كبل بالبيك اب النيسان وكلسا يسال
عمي ماكالولك شفيها تبجي
عبد الله كلشي مادري عرفان بس كلتله خلي بابا يجيني لو اكتلها لروحي-----

يتبع.....