النوگ الحمر

بارت 1

ﺳﻜﺘﺖ ﻭﺩﻣﻮﻋﻲ ﺗﺠﺮﻱ . ﻭﻫﻮ ﻫﻢ ﺳﻜﺖ ﺑﺲ ﺍﺣﺲ ﺍﻛﻮ ﺣﺠﻲ ﺑﻜﻠﺒﻪ ﺧﺎﻓﻲ ﻭﻳﺨﺎﻑ ﻳﺤﺠﻲ ﻛﻤﺖ ﺍﺧﺎﻑ ﺍﻛﻮﻟﻪ ﺍﺣﺠﻲ ﺑﻌﺪ ﺷﻜﻮ ﺍﻛﺘﻔﻴﺖ ﺑﺎﻟﻜﺎﻟﻪ . --- ﻣﺮﺕ ﺍﺭﺑﻊ ﺍﺳﺎﺑﻴﻊ ﻭﻃﻠﻌﺖ ﺍﺭﺑﻌﻴﻨﻪ ﻭﺭﺣﺖ ﺯﺭﺗﻪ ﻭﺭﺟﻌﺖ ﺫﺑﻴﺖ ﺭﻭﺣﻲ ﻫﻨﺎﻙ ﻋﺘﺐ ﻭﺍﻟﻢ ﻭﻓﺮﺍﻙ ﺣﻴﻞ ﺍﺫﺍﻧﻲ ﻓﺮﺍﻛﻪ ﻭ ﺑﻌﺪﻩ ﺍﻟﺠﺎﻥ ﻳﻮﻣﻴﻪ ﺍﻟﻌﺼﺮ ﻳﻤﺮﻟﻲ ﺳﺎﻋﻪ ﺯﻣﺎﻥ ﻭﻟﻮ ﻳﻠﻌﺐ ﻭﻱ ﻋﻠﻲ ﻃﺎﻭﻟﻲ ﻭﻳﺮﻭﺡ . ﻣﺘﻮﻗﻌﺖ ﻣﻨﻪ ﻣﺘﺰﻭﺝ ﺑﺲ ﺣﻘﻪ ﺍﻟﺸﺮﻋﻲ ﻫﺬﺍ
ﻣﺮ ﺷﻬﺮﻳﻦ ﻭﺍﻧﻲ ﻧﻮﻋﺎ ﻣﺎ ﺣﺎﻟﺘﻲ ﺍﺳﺘﻘﺮﺕ ﻭﻛﺪﺭﺕ ﺍﺗﺎﻟﻒ ﻭﻱ ﺻﺪﻣﺘﻲ ﻭﺑﻴﻮﻡ --- ﻭﺍﻧﻲ ﺍﻏﺴﻞ ﺑﻜﺮﺍﺝ ﺑﻴﺖ ﻋﻴﺎﻟﻲ ﻭﺍﻧﺪﻛﺖ ﺍﻟﺒﺎﺏ ﻃﺒﻴﺖ
ﻋﻤﻪ ﺍﻟﺒﺎﺏ ﺗﻨﺪﻙ
ﺍﻱ ﻳﻤﻪ ﺷﻮﻓﻲ ﻣﻨﻮ
ﻋﻠﻲ ﻣﻴﻘﺒﻞ ﺍﻓﺘﺤﻬﺎ ﻭﺍﻟﻠﻪ
ﻫﺎ ﺯﻳﻦ ﻫﺴﻪ ﺍﺷﻮﻑ ﺍﻧﻲ
ﻃﻠﻌﺖ ﻋﻤﺘﻲ ﻭﺭﺟﻌﺖ ﻛﺎﻟﺖ
ﻧﺴﻮﺍﻥ ﻋﻠﻴﺞ ﻳﻤﻪ
ﺗﻮﻗﻌﺖ ﺍﺣﺪ ﻣﻦ ﻣﻨﻄﻘﺘﻨﺎ ﻳﻌﺰﻭﻧﻲ ﺑﺎﺑﻮﻳﻪ ﻃﺒﻮ ﻧﺴﻮﺍﻥ ﻣﺎﺍﻋﺮﻓﻬﻢ ﻻﺑﺴﻴﻦ ﺍﺳﻮﺩ ﻭﺑﻴﺪﻫﻢ ﻃﻔﻞ ﻳﺮﺿﻊ ﺍﺑﻦ ﺧﻤﺲ ﺳﺖ ﺷﻬﻮﺭ ﺻﻔﻨﺖ ﻋﻠﻴﻬﻢ ﺍﺧﺬﻭ ﻣﻦ ﺧﺎﻃﺮﻱ ﻭﻛﻌﺪﻭ ﻳﺤﺠﻮﻥ
ﺫﻛﺮﻭ ﻣﺼﺎﻋﺐ ﺍﻫﻞ ﺍﻟﺒﻴﺖ ﻭﻋﺬﺍﺑﻬﻢ ﻭﺻﺒﺮﻫﻢ ﻭﺫﻛﺮﻭﺍ ﻋﻠﻰ ﺻﻠﻪ ﺍﻟﺮﺣﻢ ﻭﺍﻧﻲ ﻣﺜﻞ ﺍﻻﻃﺮﺵ ﺑﺎﻟﺰﻓﻪ ﺑﺲ ﺣﻤﺎﺭ ﺧﺪﻭﺩ ﺍﻟﻄﻔﻞ ﺟﺬﺑﺘﻨﻲ ﻭﻻﻋﺒﺎﻟﻚ ﺍﺑﻦ ﻫﺎﻟﻌﻤﺮ ﻧﻀﺮﺍﺗﻪ ﺗﺨﺒﻞ ﺍﺧﺮ ﺷﻲ ﺣﺠﺖ ﺍﻟﺒﻨﻴﻪ ﺍﻟﺒﻴﺪﻫﺎ ﺍﻟﻄﻔﻞ
ﺣﺒﻴﺒﻪ ﺍﻧﻲ ﻗﺒﻞ ﺍﺭﺑﻌﻴﻦ ﻳﻮﻡ ﺗﻮﻓﺖ ﺍﻣﻲ
ﺻﻔﻨﺖ ﻋﻠﻴﻬﺎ ﻟﺰﻣﺖ ﺍﻳﺪﻫﺎ ﺍﻟﻤﺮﻩ ﺍﻟﻠﻲ ﺑﺼﻔﻬﺎ ﺣﺠﺖ
ﻧﺴﺮﻳﻦ ﺍﻧﺘﻲ ﺗﺪﺭﻳﻦ ﻭﺍﻟﺪﺝ ﺟﺎﻥ ﻣﺘﺰﻭﺝ ﻗﺒﻞ ﻭﻓﺎﺗﻪ ﺑﺴﻨﻪ
ﺍﻱ ﺩﺭﻳﺖ ﺑﺎﻭﻋﺘﻠﻬﻢ ﻣﺘﻔﺎﺟﺎﻩ ﻛﺎﻟﻮﺍ
ﺯﻳﻦ ﺗﻌﺮﻓﻴﻦ ﺍﻟﻤﺮﻩ ﺍﻟﻤﺎﺧﺬﻫﺎ ﻣﻨﻮ
ﻫﺰﻳﺖ ﺭﺍﺳﻲ ﻻ
ﺯﻳﻦ ﺗﻌﺮﻓﻴﻨﺎ ﻣﻨﻮ
ﻻ ﻭﺍﻟﻠﻪ
ﺣﺒﻴﺒﺘﻲ ﺍﺣﻨﺎ ﻧﺴﻮﺍﻥ ﻋﻢ ﺍﻟﻤﺮﻩ ﻭﻫﺎﻱ ﺍﺧﺘﻬﺎ ﺍﻟﺠﺒﻴﺮﻩ
ﺻﻔﻨﺖ ﻫﺰﻳﺖ ﺭﺍﺳﻲ ﺍﻫﻼ ﻭﺳﻬﻼ
ﻛﺎﻟﻮ
ﺍﺣﻨﺎ ﻫﻢ ﻓﻜﺪﻧﺎ ﻣﺮﺕ ﺣﻤﺎﻧﺎ ﻭﺍﻡ ﻣﺮﺕ ﺍﺑﻮﺝ ﻗﺒﻞ ﺷﻬﺮ
ﻫﺰﻳﺖ ﺭﺍﺳﻲ ﺍﻟﺒﻘﺎﺀ ﺑﺤﻴﺎﺗﻜﻢ
ﺣﻴﺎﺗﺞ ﺍﻟﺒﺎﻗﻴﻪ ﺣﺒﻴﺒﻪ ﻣﺘﺤﻤﻠﺖ ﺭﺍﺣﺖ ﻭﺭﻩ ﺑﻨﺘﻬﺎ
ﺍﻱ ﺍﻟﻠﻪ ﻳﺮﺣﻤﻬﺎ
ﺑﻘﻴﺖ ﺻﺎﻓﻨﻪ ﺷﻴﺮﺩﻭﻥ ﺫﻭﻟﻪ . ﻛﺎﻟﻮﺍ
ﺯﻳﻦ ﺗﻌﺮﻓﻴﻦ ﺍﻧﻪ ﻭﺍﻟﺪﺝ ﻋﺪﻩ ﻭﻟﺪ ﻣﻨﻬﺎ
ﻫﻨﺎ ﻭﻛﻒ ﺷﻌﺮ ﺭﺍﺳﻲ ﺷﻨﻮﻭﻭﻭ
ﻭﻛﻔﻮﺍ ﻭﻱ ﻭﻛﻔﺘﻲ ﻳﻬﺪﻭﻥ ﺑﻴﻪ ﺍﺟﺘﻲ ﺍﻟﺒﻴﺪﻫﺎ ﺍﻟﻄﻔﻞ ﻛﺎﻟﺖ ﻫﺬﺍ ﺍﺧﻮﺝ ﻭﺍﻧﻲ ﻋﻴﺎﻟﻲ ﻣﺪﻳﻘﺒﻠﻮﻥ ﺍﺑﻘﻲ ﻳﻢ ﺟﻬﺎﻟﻲ ﻭﻣﺎﻋﺪﻱ ﻭﺍﻟﻘﺮﺍﻥ ﻟﻮ ﻋﺪﻱ ﺍﺑﻘﻲ ﻫﺬﺍ ﺻﺎﺭ ﺍﺑﻨﺞ ﺗﺮﺩﻳﻦ ﺗﺬﺑﻲ ﺑﺪﺍﺭ ﺍﻻﻳﺘﺎﻡ ﺗﺮﺩﻳﻦ ﺗﺮﺑﻲ ﻣﻌﻠﻴﻨﺎ
ﺑﻮﺳﺘﻪ ﻭﺧﻠﺘﻪ ﺑﺎﻳﺪﻱ ﺗﺒﺤﻲ ﻭﻃﻠﻌﺖ ﻭﺍﻟﻨﺴﻮﺍﻥ ﻃﻠﻌﻦ ﻭﺭﺍﻫﺎ ﺑﻘﻴﺖ ﺷﺎﻳﻠﻪ ﺍﻟﻄﻔﻞ ﺻﺎﻓﻨﻪ

ﻋﻤﺮﻱ ١٩ ﺳﻨﻪ ﻣﺘﺰﻭﺟﻪ ﻣﻦ ﺳﻨﺘﻴﻦ ﻭﻣﺎﻋﺪﻱ ﻃﻔﻞ ﻭﻛﺎﻋﺪﻩ ﻋﺪ ﻋﻴﺎﻝ ﺑﻘﻴﺖ ﺻﺎﻓﻨﻪ ﻛﻠﺒﻲ ﻭﺟﻌﻨﻲ ﻣﻨﻀﺮ ﺍﻟﻄﻔﻞ ﺍﻟﺒﺮﻱﺀ ﻣﻠﻴﻦ ﻛﻠﺒﻲ ﻻ ﺑﺎﻟﻌﻜﺲ ﺯﻳﺪﻧﻲ ﺣﻘﺪ ﺫﺑﻴﺘﻪ ﻋﺎﻟﻘﻨﻔﻪ ﻭﺻﺮﺕ ﺍﻋﺼﺎﺏ ﻣﺪﻱ ﺍﺧﻨﻜﻪ . ﻣﻔﺮﺣﺎﻧﻪ ﺍﺑﺪ ﻛﻮﻥ ﻋﺪﻱ ﺍﺥ ﺍﺑﺪ ﺍﺑﺪ ﻃﺐ ﻋﻠﻲ ﻋﻠﻰ ﺻﻮﺕ ﺍﻟﺒﺠﻲ ﻣﺎﻝ ﻃﻔﻞ ﺍﺷﺮﺗﻠﻪ ﺑﻐﻀﺐ
ﺍﺧﺬﻩ ﻭﺟﻮﺭﻩ ﺑﺎﻟﺸﺎﺭﻉ ﻻ ﺍﻗﺘﻠﻪ ﻭﺍﻟﻠﻪ
ﺍﺫﻛﺮﻱ ﺍﻟﻠﻪ ﺣﺮﺍﻡ ﻃﻔﻞ ﺻﻐﻴﺮ
ﺩﺍﻛﻮﻭﻭﻟﻚ ﻭﺩﻱ ﺩﺍﺭ ﺍﻳﺘﺎﺍﺍﻡ ﻣﺎﺭﻳﺪﺩﺩﺩﻩ
ﺍﻭﻙ ﻣﺎﺷﻲ ﺍﻫﺪﻱ ﺍﻫﺪﻱ ﻫﺎﻱ ﻫﻲ ﻣﻮﺩﻱ ﻋﻠﻜﻴﻔﺞ
ﺍﺧﺬﻩ ﻋﻠﻲ ﻭﺭﺍﺡ ﻭﺭﺟﻊ ﺑﺎﻟﻠﻴﻞ ﻣﻦ ﺭﺍﺡ ﻟﺤﺪ ﻣﺎﺍﺟﻪ ﺍﺟﻲ ﻭﺍﺗﺬﻛﺮ ﻛﻼﻣﻪ ﺍﻣﺎﻧﺘﻲ ﻋﺪﺝ ﻳﺎﺑﻮﻳﻬﻬﻬﻬﻬﻪ ﺷﺴﻮﻳﺖ ﺑﻴﻪ ﺷﺴﻮﻳﺖ
ﻣﺮ ﺷﻬﺮ ﻭﻣﺎﻓﺪ ﻳﻮﻡ ﻣﺘﺬﻛﺮﺗﻪ ﺣﺘﻰ ﺑﻠﻴﻞ ﺍﺳﻤﻊ ﺑﺠﻴﻪ ﺑﺎﺫﻧﻲ ﻭﺭﺟﻌﺖ ﻋﻤﺘﻲ ﻟﻨﻔﺲ ﺍﻻﺳﻄﻮﺍﻧﻪ
ﻣﺘﺤﺒﻞ ﻋﺎﻛﺮ ﺳﻨﺘﻴﻦ ﻭﻧﺺ ﻣﺎﻛﻮ ﻃﻔﻞ ﻭﻋﻠﻲ ﻳﺘﺨﺒﻞ ﺍﺧﺮ ﺷﻲ ﻛﺘﻠﻪ
ﻭﺩﻳﻨﻲ ﺩﻛﺘﻮﺭﻩ ﺧﻞ ﺍﺷﻮﻑ ﺭﻭﺣﻲ ﻣﻮ ﻃﻠﻌﺘﻬﺎ ﻟﺮﻭﺣﻲ ﻭﻓﻌﻼ ﺭﺣﺖ ﻭﺍﺗﻔﺎﺟﺎ ﺑﺎﻧﺴﺪﺍﺩ ﺍﻟﻘﻨﻮﺍﺕ ﻋﺪﻱ ﺗﺸﻮﻩ ﺧﻠﻘﻲ ﺯﻋﺖ ﺍﻟﺪﻧﻴﺎ ﻭﻋﻠﻲ ﺗﺎﺫﻯ ﻣﻴﺪﺭﻱ ﻳﺼﺒﺮﻧﻲ ﻟﻮ ﻳﺼﺒﺮ ﺭﻭﺣﻪ ﺑﻴﻮﻣﻬﺎ ﺭﺣﻨﺎ ﺑﺘﻨﺎ ﺑﻜﺮﺑﻼ ﻭﺑﻘﻴﻨﺎ ﺍﻟﻤﻮﺿﻮﻉ ﺑﻴﻨﻨﺎ ﻣﻜﻠﻨﺎ ﻻﺣﺪ ﺑﺲ ﺿﻞ ﺑﺒﺎﻟﻲ ﺍﻟﻄﻔﻞ ﺍﻟﻠﻲ ﺫﺑﻴﺘﻪ ﺑﺪﺍﺭ ﺍﻻﻳﺘﺎﻡ .
ﺷﻬﺮ ﻭﺧﺎﺑﺮﺗﻨﻲ ﺧﺎﻟﺘﻪ ﻣﺎﻋﺮﻑ ﻣﻨﻴﻦ ﻣﺎﺧﺬﻩ ﺭﻗﻤﻲ ﺭﺩﻳﺖ ﻣﺴﺘﻐﺮﺑﻪ
ﺷﺘﺮﺩﻳﻦ
ﺣﺒﻴﺒﺘﻲ ﺑﺲ ﻛﻮﻟﻴﻠﻲ ﺍﺑﻦ ﺍﺧﺘﻲ ﻭﻳﻦ ﻓﺪﻭﻩ ﻟﻌﻴﻨﺞ
ﺗﺤﺠﻲ ﻭﺗﺒﺠﻲ
ﺫﺑﻴﺘﻪ ﺑﺪﺍﺭ ﺍﻻﻳﺘﺎﻡ
ﺻﺪﻙ ﺟﺬﺏ ﻳﻤﻪ ﻳﻜﻠﺒﻲ ﻟﺞ ﺷﻮﻥ ﺍﻧﻄﺎﺝ ﻛﻠﺒﺞ . ﺍﺧﻮﺝ ﻫﺬﺫﺍ ﺍﺧﻮﺝ
ﻣﺎﺍﻋﺮﻑ ﺷﺴﻮﺕ ﺑﻴﻪ ﺣﺠﺎﻳﻪ ﻭﺣﺪﻩ ﺑﺲ ﺻﺪﻗﺎ ﺍﺛﺮﺕ ﺑﻴﻪ . ﺑﻘﻴﺖ ﺳﺎﻛﺘﻪ ﺳﺎﻟﺘﻨﻲ ﻋﻦ ﺍﺳﻢ ﺍﻟﺪﺍﺭ ﻭﺳﺪﺗﻪ ﺑﻘﻴﺖ ﺍﺗﺼﻔﻦ ﺍﺟﻪ ﻋﻠﻲ ﻭﺣﺠﻴﺘﻠﻪ ﻣﺤﺠﻪ ﺑﺲ ﻳﺒﺎﻭﻉ ﺑﻌﻴﻨﻲ ﻭﺑﻠﺸﺖ ﺿﻐﻮﻃﺎﺕ ﺍﻣﻪ ﻭﺧﻮﺍﺗﻪ .
ﺗﺰﻭﺝ ﺑﺖ ﺧﺎﻟﺘﻨﻪ ﻫﺎﻱ ﻣﺘﺨﻠﻒ ﻭﺍﻟﺪﻛﺘﻮﺭﻩ ﺷﻜﺎﻟﺖ ﻣﻜﺎﻟﺖ ﺧﺒﺼﻮﻫﺎ ﻟﻠﺪﻧﻴﺎ ﻭﻋﻠﻲ ﻳﻮﻣﻴﻪ ﻣﺘﻌﺎﺭﻙ ﻭﻳﺎﻫﻢ ﻭﻳﻄﺒﻮﻥ ﻋﻠﻴﻪ ﻣﻦ ﻳﻄﻠﻊ . ﺻﻴﺎﺡ ﻭﻋﻴﺎﻁ ﻭﺍﻧﻲ ﺗﻌﻠﻤﺖ ﺍﺳﻜﺖ ﻛﻠﺸﻲ ﻣﺎﺍﺣﺠﻲ ﻻﻥ ﺍﻃﻠﻊ ﺍﻟﺨﺴﺮﺍﻧﻪ ﺍﻟﻮﺣﻴﺪﻩ ﺗﺎﻟﻲ ﻳﻄﻠﻌﻮﻥ ﻭﻳﺴﻜﺘﻮﻥ . ﻣﺮ ﺷﻬﺮﻳﻦ ﻭﺍﻟﺜﺎﻟﺚ ﻭﻳﺎﺩﻛﺘﻮﺭﻩ ﺍﺭﻭﺡ ﻳﻜﻮﻟﻮﻥ ﻣﺎﺍﻛﻮ ﺍﻣﻞ ﺍﻟﻲ ﺑﺎﻟﺤﻤﻞ ﺍﻳﺴﺖ ﺍﺑﺠﻲ ﻭﻋﻠﻲ ﻳﺒﺠﻲ ﻭﻳﺎﻳﻪ ﻟﺤﺪ ﻣﺎﺗﻌﺒﺖ ﻭﻛﻠﻤﻪ ﺍﺧﻮﺝ ﺗﺮﻭﺡ ﻭﺗﺠﻲ ﺑﺒﺎﻟﻲ ﺗﺎﻟﻲ ﺯﻫﻜﺖ ﻣﻨﻬﻢ ﻭﻣﻦ ﻣﺸﺎﻛﻠﻬﻢ ﻭﺻﻠﺖ ﻟﺤﺎﻝ ﺍﻣﻪ ﺗﻀﺮﺑﻨﻲ ﻻﻥ ﻣﺎﺍﺧﺬ ﺑﻨﺖ ﺍﺧﺘﻬﺎ ﻭﻣﻦ ﺍﺻﻔﻦ ﻟﺤﺎﻟﻪ ﻋﻠﻲ ﺷﻨﻮ ﺫﻧﺒﻪ ﻳﺼﺒﺮ ﻫﺎﻱ ٣ ﺳﻨﻴﻦ ﻋﻠﻰ ﺯﻭﺍﺟﻨﺎ ﻣﺮﺕ ﻭﻫﻮ ﻋﻤﺮﻩ ٣٠ ﺳﻨﻪ ﻳﺤﺒﻨﻲ ﻭﻣﻌﺘﺒﺮﻧﻲ ﺑﻨﺘﻪ ﻭﻣﻮ ﻣﺮﺗﻪ ﻭﺍﻧﻲ ﻣﻦ ﺻﻐﺮﻱ ﺣﺒﻴﺘﻪ ﺣﻴﻞ ﻭﺑﺲ ﺧﻄﺒﻨﻲ ﻛﻠﺖ ﻟﺒﺎﺑﺎ ﺍﺭﻳﺪﻩ ﻣﻮﺍﻓﻘﻪ ﻭﺍﻥ ﻛﺎﻥ ﺍﻛﺒﺮ ﻣﻨﻲ ﻭﻫﻮ ﻫﺎﻟﻮﺍﺣﺪ ﻋﻠﻰ ﺧﻤﺲ ﺑﻨﺎﺕ ﺑﺲ ﻣﺎﺍﺗﺤﻤﻞ ﻭﻗﻊ ﺯﻭﺟﻪ ﺛﺎﻧﻴﻪ ﻋﺰﺯﻩ ﺍﻣﻮﺕ ﺗﻌﺒﺖ ﻣﻦ ﻋﻴﺎﻟﻲ ﺍﺧﺮ ﺷﻲ ﻛﺘﻠﻪ
ﻭﺩﻳﻨﻲ ﺑﻴﺖ ﺍﺑﻮﻳﻪ
ﻭﻳﻦ ﺍﻭﺩﻳﺞ ﻣﺨﺒﻠﻪ ﺍﻧﺘﻲ
ﺣﺒﻴﺒﻲ ﺗﻌﺒﺖ ﺍﺭﺣﻤﻨﻲ
ﻧﺴﺮﻳﻦ ﺣﺒﻴﺒﺘﻲ ﺍﻧﺘﻲ ﺑﻴﺖ ﺍﺑﻮﺝ ﻓﺎﺭﻍ ﻭﺑﻲ ﻛﻮﻣﻪ ﺫﻛﺮﻳﺎﺕ ﺷﻮﻥ ﺗﻜﺪﺭﻳﻦ ﺍﻧﻲ ﻟﻮ ﺷﻔﺖ ﺩﻣﻌﻪ ﻣﻨﺞ ﺍﺗﺨﺒﻞ
ﻻ ﻣﺎﺭﺍﺡ ﺍﺑﺠﻲ ﺑﺲ ﻭﺩﻳﻨﻲ ﻫﻨﺎﻙ ﺍﻫﻠﻚ ﻣﻴﺘﺤﻤﻠﻮﻧﻲ . ﺑﻌﺪ ﻭﻻ ﺍﻧﻲ ﺍﻻﻛﺪﺭ ﺍﺗﺤﻤﻠﻬﻢ ﺍﺭﺣﻤﻤﻤﻨﻲ
ﺑﻘﻪ ﺳﺎﻛﺖ ﺻﺎﻓﻦ ﺑﻮﺟﻬﻲ ﻛﺎﻝ
ﻭﺍﻣﻲ ﻭﺧﻮﺍﺗﻲ ﻭﻳﻦ ﺍﻋﻮﻓﻬﻢ
ﺟﺮﻳﺖ ﻧﻔﺲ ﺑﺘﻌﺐ ﻫﺰﻳﺖ ﺭﺍﺳﻲ
ﺑﺎﻭﻉ ﺍﺑﻘﻰ ﻳﻮﻡ ﻳﻤﻲ ﻭﻳﻮﻡ ﻳﻤﻬﻢ
ﺷﻮﻥ ﺗﺒﺎﺗﻴﻦ ﻭﺣﺪﺝ ﺷﻮﻥ ﺍﻋﻮﻓﺞ ﻣﺎﺍﻛﺪﺭ
ﺍﻟﺠﻴﺮﺍﻥ ﻳﻤﻨﺎ ﻭﻣﺜﻞ ﺍﻫﻠﻲ ﺧﺎﻟﻪ ﺭﺟﺎﺀ ﻳﻮﻣﻴﻪ ﺗﻜﺎﺑﻠﻨﻲ ﻭﺗﻜﻌﺪ ﻣﻦ ﻭﻓﺎﻩ ﻣﺎﻣﺎ ﻣﻌﺎﻓﺘﻨﻲ
ﺧﻠﻴﻬﺎ ﻫﺴﻪ ﺧﻞ ﺍﻓﻜﺮ ﺑﻴﻬﺎ
ﻣﺎﺷﻲ
ﻣﺮﺕ ﺷﻬﺮﻳﻦ ﻭﻛﺒﺖ ﻣﺸﻜﻠﻪ ﺟﺒﻴﺮﻩ ﺭﺍﺣﺖ ﺍﻣﻪ ﺧﻄﺒﺘﻠﻪ ﺑﺪﻭﻥ ﻣﺘﻜﻮﻟﻪ ﺣﺠﺖ ﻭﻱ ﺍﺧﺘﻬﺎ ﻭﻛﺎﻟﺘﻠﻬﺎ ﺍﺟﻴﺒﻬﺎ ﺑﺒﻴﺘﻲ ﺣﺎﻟﻬﺎ ﺣﺎﻝ ﺫﻳﺞ ﻭﻫﻲ ﺍﻡ ﺍﻟﺒﻴﻴﺖ ﺍﻧﻲ ﻋﻘﻞ ﻣﻀﻞ ﺑﺮﺍﺳﻲ ﺗﺨﺒﻠﺖ ﻋﻴﺎﻃﻲ ﻭﺻﻴﺎﺣﻲ ﻭﻋﺮﻛﻪ ﻣﺮﺗﺒﻪ ﻭﺧﻮﺍﺗﻪ ﺿﺮﺑﻮﻧﻲ ﻭﺍﻧﻲ ﻃﻠﻌﺖ ﻗﻬﺮ ﺍﺑﻮﻳﻪ ﻭﻋﻘﻤﻲ ﻣﻠﺨﺘﺘﺘﻬﻢ ﺩﻣﻴﺘﻬﻢ ﻭﻟﺒﺴﺖ ﻋﺒﺎﺗﻲ ﻭﺍﺧﺬﺕ ﺫﻫﺒﻲ ﻭﻃﻔﺮﺕ ﻣﻦ ﺍﻟﺒﻴﺖ ﻟﺒﻴﺖ ﺍﺑﻮﻳﻪ ﺍﺟﻪ ﻋﻠﻲ ﻣﻔﺮﻓﺢ . ﺑﺲ ﺷﺎﻓﻨﻲ ﻛﻌﺪ ﺑﺎﻟﻜﻊ ﻣﻦ ﺍﻟﻬﺒﻄﻪ ﺟﻨﺖ ﻣﻨﻀﻔﻪ ﺍﻟﺒﻴﺖ ﻭﻣﺤﻀﺮﻩ ﺍﻛﻞ ﺍﻟﻪ ﻭﺗﻠﻜﻴﺘﻪ ﺑﻬﺪﻭﺀ ﻭﻫﻮ ﺟﺴﻤﻪ ﻳﺮﺗﻌﺶ ﺣﻀﻨﺘﻪ
ﻋﻤﺮﻱ ﺷﺒﻴﻚ
ﻣﺘﺖ ﻧﺸﻒ ﺩﻣﻲ ﺗﻮﻗﻌﺖ ﻣﺎﺍﻟﻜﺎﺝ ﺑﻌﺪ ﺷﻴﺴﻮﻭﻥ ﻳﺴﻮﻭﻥ ﻣﺎﺭﻳﺪ ﻏﻴﺮﺝ ﺍﻧﻲ ﻧﺴﺮﻳﻦ
ﺍﺑﺘﺴﻤﺖ ﺑﻮﺟﻬﻪ ﺟﺎﻭﺑﺖ ﻭﺍﻧﻲ ﺑﺤﻀﻨﻪ ﺍﺣﺒﻚ
ﻣﻮ ﺑﻜﺪﻱ ﻭﺍﻟﻄﻔﻞ ﻳﺠﻲ ﻭﻣﻮﺟﻮﺩ ﺑﺲ ﻣﻨﺘﻀﺮ ﻛﻠﺒﺞ ﻳﺒﺮﺩ
ﺭﻓﻌﺖ ﺭﺍﺳﻲ ﻋﺮﻓﺖ ﻋﻠﻰ ﺷﻨﻮ ﻳﻘﺼﺪ
ﻛﺎﻝ ﻭﻳﻬﺰ ﺭﺍﺳﻪ ﻣﺒﺘﺴﻢ
ﺗﻜﺴﺒﻴﻦ ﺑﻲ ﺍﺟﺮ ﻭﺗﻠﺘﻬﻴﻦ
ﻧﺼﻴﺖ ﺭﺍﺳﻲ ﻭﻛﺎﻧﻤﺎ ﻛﺎﻥ ﺑﻌﻘﻠﻲ ﺟﺎﻭﺑﺖ
ﺷﻮﻛﺖ ﻧﺠﻴﺒﻪ
ﺍﻟﻴﻮﻡ ﺍﺫﺍ ﺗﺮﺩﻳﻦ . ﺟﺎﻭﺏ ﺑﻠﻬﻔﻪ
ﺭﻓﻌﺖ ﺭﺍﺳﻲ ﻣﺮﺗﺒﻜﻪ
ﺧﺎﻑ ﺧﺎﻑ ﻣﺎﺍﻋﺮﻑ ﻭﻣﺎﻋﺪﻱ ﺣﻠﻴﺐ ﻣﻤﺘﺤﻀﺮﻩ
ﺑﺴﻴﻄﻪ ﻧﺠﻴﺐ ﻭﻧﺨﻠﻲ ﻫﻨﺎ ﺍﻟﻐﺮﻓﻪ ﻣﺎﻟﺘﻪ ﻭﻫﻨﺎ ﻏﺮﺍﺿﻪ ﻭﻫﻴﺞ ﺍﺳﻮﻱ ﺿﻞ ﻳﻌﺪﺩ ﻭﻛﺎﻧﻪ ﺍﺑﻨﻪ ﻭﺍﻧﻲ ﺳﺮﺣﺖ ﻭﻳﺎﻩ ﻭﺍﺧﺬﺗﻨﻲ ﺍﻟﻠﻬﻔﻪ ﻭﺭﻛﺾ ﺑﺪﻟﺖ ﻭﻃﻠﻌﻨﺎ ﻟﻠﺪﺍﺭ ﻭﺍﻧﺼﺪﻡ ﺑﻌﺪﻡ ﻭﺟﻮﺩﻩ ﻛﺎﻟﻮﺍ ﺍﺧﺬﺗﻪ ﺧﺎﻟﺘﻪ ﻭﺍﺧﺬﺕ ﺭﻗﻤﻬﺎ ﻣﻦ ﺍﻟﺪﺍﺭ ﻻﻥ ﺧﺎﺑﺮﺗﻨﻲ ﻣﻦ ﺍﺭﺿﻲ ﻭﺣﺘﻰ ﻛﻮﺍﺷﻒ ﻣﺎ ﻋﺪﻧﺎ ﺟﺎﻧﺖ ﻭﺧﺎﺑﺮﺗﻬﺎ ﻭﺍﺧﺬﺕ ﻋﻨﻮﺍﻧﻬﺎ ﻭﺭﺣﺖ ﻋﻠﻴﻬﺎ ﺑﻠﻬﻔﻪ ﻃﺒﻴﺖ ﻭﺍﺷﻮﻑ ﺍﻟﺒﻴﺖ ﻣﻠﻴﺎﻥ ﻧﺎﺱ ﻳﺒﺎﻭﻋﻮﻟﻲ ﺑﻌﻴﻦ ﺍﻟﺼﻐﻴﺮﻩ ﻋﻴﺎﻟﻬﺎ ﻭﻫﻲ ﻣﻴﺘﻪ ﺧﺠﻞ ﻭﺟﻬﺎﻟﻬﺎ ﻛﻮﻣﻪ ﺭﺟﺎﻝ ﻋﺎﻁ ﺍﻟﻠﻲ ﻓﻬﻤﺘﻪ ﺣﻤﺎﻫﺎ
ﺍﻧﻄﻴﻬﻴﺎﺍﺍ ﺧﻞ ﻧﺨﻠﺺ ﻓﻮﻙ ﻛﻮﻡ ﺍﻟﻠﺤﻢ ﺍﻟﻌﺪﻱ ﺟﺎﻳﺒﺘﻠﻲ ﻧﻔﺮ ﺟﺪﺩﺩﻳﺪ ﺍﺧﺬﻱ ﻳﻠﻪ ﻭﺭﻭﺣﻲ
ﻣﺎﺷﻲ ﻣﺎﺷﻲ ﺍﺧﺬﺗﻪ ﻭﻃﻠﻌﺖ ﻭﺍﺧﺘﻬﺎ ﺗﺒﺠﻲ ﺍﺑﺎﻭﻋﻠﻪ ﺗﺮﺱ ﺍﻳﺪﻱ ﺩﺑﺪﻭﺏ ﺣﺒﻴﺒﻲ ﺍﺳﻤﺮﺍﻧﻲ ﺍﺷﻜﺮﺍﻧﻲ ﻣﺜﻞ ﺧﺎﻟﺘﻪ ﻭﺧﺪﻭﺩﻩ ﺩﻡ ﺍﺳﻤﺮ ﺣﻨﻄﻲ ﺑﺲ ﻫﻠﻜﺪ ﻳﻨﻜﺮﻁ ﻭﻋﻴﻮﻧﻪ ﺭﺻﺎﺻﻴﻴﻲ ﻳﺎ ﺍﻟﻠﻪ ﺑﺎﻭﻋﻠﻪ ﻋﻠﻲ
ﺍﻟﻠﻬﻢ ﺻﻞ ﻋﻠﻰ ﻣﺤﻤﺪ ﻭﺍﻟﻪ ﻭﻟﺞ ﺍﺑﻮﺝ ﺍﺟﻜﻢ ﻫﺬﺍ ﻃﺎﻟﻊ ﻻﻣﻪ ﻳﻠﻪ ﺑﺎﻋﻲ ﺍﻟﻠﻪ ﻳﺮﺣﻤﻬﺎ ﺍﺧﺬ ﺣﺴﻨﻬﺎ ﻫﺬﺍ ﻳﻜﺒﺮ ﻳﺴﻄﺮﻫﻢ ﻳﻤﻨﻪ ﻭﻳﺴﺮﻩ
ﻫﻬﻪ ﻭﺻﻠﻨﺎ ﺍﻟﺒﻴﺖ ﻭﺻﺎﺭﺕ ﻋﺪﻱ ﺣﻴﺎﻩ ﺟﺪﻳﺪﻩ ﻋﻴﺎﻟﻲ ﻣﺎﻭﺻﻠﺖ ﺍﻟﻬﻢ ﺑﻌﺪ ﻭﺧﺎﻟﻪ ﺭﺟﺎﺀ ﺟﻴﺮﺍﻧﻨﺎ ﻣﺮﻩ ﺟﺒﻴﺮﻩ ﺏ٦٠ ﻣﺘﺮﻛﺘﻨﻲ ﻳﻮﻣﻴﻪ ﺟﺎﻳﻪ ﻭﺑﻴﻮﻡ ﺍﻟﻌﻠﻲ ﻳﺒﺎﺕ ﻋﺪ ﺍﻫﻠﻪ ﺗﺒﺎﺕ ﻋﺪﻱ ﻛﺎﻡ ﻛﻞ ﺍﺳﺒﻮﻉ ﻳﺒﺎﺕ ﻋﺪ ﺍﻫﻠﻪ ﻭﻳﺠﻴﻨﻲ ﺛﺎﻧﻲ ﻳﻮﻡ ﻭﺍﻧﻲ ﺗﻌﻠﻘﺖ ﺑﻬﺪﻳﻪ ﺭﺏ ﺍﻟﻌﺎﻟﻤﻴﻦ ﺍﻟﻠﻲ ﺍﺟﺘﻨﻲ ﻭﺍﺷﻮﻑ ﺍﺑﻮﻳﻪ ﺑﺎﻟﺤﻠﻢ ﻣﺮﺗﺎﺍﺡ ﺳﻤﻴﺘﻪ ﻳﺎﺳﻴﻦ . ﻻﻥ ﺍﺑﻮﻳﻪ ﺍﺳﻤﻪ ﻃﻪ . ﺻﺎﺭ ﻛﻞ ﺣﻴﺎﺗﻲ ﻭﻣﻦ ﻳﺠﻲ ﻋﻠﻲ ﺣﺪ ﻣﺎﻳﺮﻭﺡ ﺍﺣﺠﻲ ﺑﻲ ﺯﺍﺩ ﺗﻌﻠﻘﻲ ﺑﻲ ﻭﺑﻌﻠﻲ ﺍﻟﻠﻲ ﺣﺲ ﺗﺠﺎﻫﻪ ﺑﺎﻻﺑﻮﻩ ﺍﻫﻞ ﺯﻭﺟﻲ ﻣﺴﺎﻟﺖ ﻋﻨﻬﻢ ﺑﻌﺪ ﻭﻻﻋﻠﻲ ﺟﺎﺏ ﺳﻴﺮﺗﻬﻢ ﻛﺒﺮ ﻳﺴﻮﻧﻲ ﻭﺍﻧﻲ ﻟﻠﻜﻊ ﻣﺎﺫﺑﻪ ﻭﺧﺎﻟﻪ ﺟﺎﺀ ﺗﺼﻴﺢ
ﻟﺞ ﻳﻤﻪ ﺍﻳﺪﺝ ﻭﻭﻭﻛﻌﺖ ﺫﺑﻴﻲ ﺻﺎﺭ ﺭﺟﺎﻝ
ﻭﻫﻮ ﺑﻌﺪ ﺍﻟﺴﻨﺘﻴﻦ ﻣﻜﺎﻣﻠﻪ ﻭﺍﺟﺎﻭﺏ
ﺧﺎﻟﻪ ﻋﻮﻓﻲ ﺍﺭﺗﺎﺡ ﻭﻫﻮ ﻣﻴﻘﺒﻞ ﻟﺴﺎﻧﻪ ﻃﻮﻳﻞ ﻳﺎﺷﺮﻟﻬﺎ ﺍﺵ ﻋﻠﻲ ﻣﻴﻘﺒﻞ ﺑﺲ ﺍﺷﻴﻠﻪ ﻳﻜﻮﻝ ﻳﺠﻲ ﻳﻮﻡ ﻳﻜﺒﺮ ﻳﺘﻌﺒﺞ
ﺍﺑﺪ ﻣﺎﺍﺗﻌﺐ ﻣﻨﻪ
ﻳﻤﺸﻲ ﻭﺍﻛﺰﻛﺰ ﻭﺍﺭﻛﺾ ﻋﻠﻴﻪ ﻭﺍﺣﻀﻨﻪ ﻭﺍﺷﻴﻠﻪ ﻣﻮ ﺷﻐﻠﻪ ﻋﻄﻒ ﻻ ﻭﺍﻟﻠﻪ ﺍﻋﺸﻘﻪ ﻳﺎﺳﻴﻦ ﺑﻜﻮﻡ ﻭﻛﻠﻠﻞ ﺍﻟﺪﻧﻴﺎ ﻛﻮﻡ ﻫﺬﺍ ﻋﻄﻴﻪ ﺭﺑﻲ ﻭﻭﺍﻟﺪﻱ ﻧﺴﻴﺖ ﻛﻞ ﺣﻘﺪﻱ ﻻﻥ ﺗﺰﻭﺝ ﺍﺻﻼ ﺻﺮﺕ ﻣﻤﻨﻮﻧﻪ ﻭﻳﺎﻫﻮ ﺍﻟﻴﺸﻮﻓﻪ ﻳﺘﺨﺒﻞ ﻋﻠﻰ ﺣﺴﻨﻪ ﻭﺟﻤﺎﻟﻪ . --------
ﻳﺘﺒﻊ
ﺍﻟﻜﺎﺗﺒﻪ
ﻣﺮﻳﻢ ﺍﻟﺴﻌﺪي