تريد تبدل حتى تروح لأهلها واني وراها وهي تبجي وتكول ضيع نفسه
بعدني اريد اجاوبها دكت عمتي على حوراء
كالت حوراء - هاي أمي أكيد تريد تكلي على فرقد
ردت على الموبايل بس انتبهت عليها وجهه ينطي ألوان وهي أي وينه هسه ورجعت
تكول بس اريد اعرف فرقد حظه وين نايم بيا مكبره
ظليت أنتظر تغلق الموبايل بس أحس اكو شي لأن إني كلبي يلوب غلقته
وجان تكول دارين - ابنج واكع من الدرج وهو هسه بالمستشفى الجمله العصبيه
كالت هيجي لو روحي شاغت لله وطلعت من يمها أركض واني أبجي اصيح واعيط يمه ابني
راح من لوعة كلبي طلعت للشارع بدون نعال وبملابس البيت أركض بالشارع واصيح
واكول يمه ابني مات يمه مات وما شفته
وحوراء تركض ورايه وبيدها العبايه
وتصيح عليه ولج تعالي بس البسي عبايه والناس كلها تباوع علينه
وكفت انطتني العبايه ونعال واحد ما اعرفه
كال - ها خاله ام كرار خير اكو شي أمري
كالتله - والله ابن اخويه واكع من الدرج وهسه بالمستشفى ونريد نروح أله
كال - هسه خاله بس أطلع سيارتي وأجي أوصلكم
راح الولد يجيب سيارته واني أبجي و اركض وحوراء تركض ورايه شويه وطبكت يمنه سياره
وطلع نفسه الولد الي كال راح أجيب سيارتي
صعدنه ويا واني روحي محتركه على ابني ودموعي تجري
وحوراء تكلي - أن شاء الله زين أدعي يكون بخير انتي امه
واني أدعي واكول يالله سبحانه الذي لا يضر مع اسمه شيئآ احفظ ابني وين ما يكون ربي لا
تحرك كلبي بي والله ما عندي غيره أخذ من عمري على عمره
كال الولد أن شاء الله ما بي غير العافيه أختي انخي قاضي الحوائج والله ما يردج
ظليت أدعي وانخي واحس طريق المستشفى شطوله إلى ما وصلنه والله نزلت أركض
مثل المخبله اجتي حوراء سألت واحد واكف بالباب اذا هسه جابوا طفل واكع من الدرج
كاللها - دخلي على الطوارئ وشوفي دخلوا طفل هسه
دخلنه ونسأل على الطوارئ صارت باب كدامنه دخلنه من جزعنه منعرف احنه دخلنه على
الطوارئ ونسأل على الطوارئ
كال الدكتور هي هاي الطوارئ
كتله - دكتور فدوه ابني وينه
البارت هدية لعيون آحلى متفاعلين
Start from the beginning
