البارت هديه لعيون آحلى متفاعلين
هسه أحس مرتاح يا حب يا غرام
شوف وجهي وشوف صحتي شلونها
أصدقاء وياي شبان وبنات
العدها واحد ميت يسلونها
على طول الوكت يحجولي نكات
روحي صعبه وعجزوا يضحكونها
مدري بيه الخلل متعلم عليك
مدري هيه الناس مدري شلونها
دارين - جنت بالمطبخ ويا حوراء اشتغل وياها وأسلي نفسي حتى ما أفكر بس وين الي حياته
جحيم مثل حياتي شلون ما يفكر واني دوامه تاخذني ودوامه ترجعني على واقعي المر
أفكر بأبني الي أخذه فرقد منا وهو يصرخ ويبجي لو اني الي اطلكت وكعدت وما عندي أحد
اروحله لو اهلي الي ما اندل أراضيهم وين لو فرقد الي أخذ كلبي وعلقني بي وبعدين
داس كلبي برجله وازوج عليه ويصدك الناس كلها وما يصدكني طلعتني حوراء من دوامة
أفكاري وهي
تكول - اكلج دارين انتي هم تفكرين توافقين على طارق ترى اكلج من هسه اذا ازوجتي
طارق فرقد ابد ما يعوفكم والله يخليج تموتين ما شوفين بروقي
كتلها - شوفي حوراء الي شفته ويا فرقد كرهني بالزلم كلها اريد بس ينطيني ابني وكل شي
ما أريد منه والله لو اكعد بالشارع والناس تتصدق علينه ولا العيشه ويا فرقد تدرين صار
عندي إشباع من الضرب والإهانة والسب والغلط والمعاير كافي بعد ما اتحمل ليش
اتحمل وهو مزوج قبلي ورجع ازوج بعدي واغتصبني وعذبني وسجني عنده بعد شيريد
ضيعني ويكلي ما اشوف غيرج لا لو أموت ما أبقى بعد يمه
كالت - يعني تريدين تقبلين بطارق يعني تريدين تحركين كلب فرقد وقمر
كتلها - لا ما اريد اي أحد بعد اريد بس ابني لا فرقد ولا طارق
بعدنه نحجي دك الموبايل
ردت حوراء والي عرفته أخت طارق
كالت حوراء - عزه العزاني وين هو هسه وحالته شلونها صخام الصخمك فرقد ضيعت عمرك
هسه اريد اعرف شراح يحصل هسه ينام بالسجن
اني من كالت ينام بالسجن تقربت عليها
كتلها شكو بس كولي فرقد صاير عليه شي
هي غلقت الموبايل وكامت ادك على وجهه
وتكول - ولج فرقد ضارب طارق طلقه وهسه طارق حالته حرجه بالمستشفى يعني فرقد
ضيع نفسه لأن ضاربه بمسدس الدوام وطارق هم ظابط بالجيش وهي راحت تركض لغرفتها
