الوقت كان ليل كتير
وهي لحالها بالبيت
راحت على المطبخ بدها تشرب مي ...
لما فتحت التلاجة , سمعت صوت حركة بالبيت
ارتعبت البنت , وركضت عدرج المطبخ , وحملت سكينة بأيدها ....
وصارت تصرخ وتحكي مين هوون ....
بس الصوت سكت , وما عاد في حركة بالبيت ...
مشت شوي شوي لغرفتها ...
باب الغرفة مسكر , وهي تركتو مفتوح , وقعت عالارض من خوفها
وصارت تبكي ....
بيتهم ما كان بيت عادي .... حكتلها ستها مرة انو كتير شغلات كانت تتحرك ببيتهم
وكتير مرات سمعو اصوات غريبة ...
بس هي كانت قوية كتير , ولأول مرة بتخاف هيك
فتحت باب غرفتها شوي شوي ,,,
ما فيها حدا , وشباك الغرفة مفتوح
حكت يمكن الهوا سكرو , مسكت موبايلها
ونزلت عالفيسبوك
" شكلها دارنا مسكونة "
صارو الكل يتمسخرو عليها , ويحكولها انتي شو بتحكي , شو يعني مسكونة
صارت تمزح مع صاحباتها وتحكي القصة
فجأة سمعت صوت اشي وقع ...
حطت ايدها عقلبها وبلشت تقرأ المعوذات
رن عليها حبيبها
بحكيلها اه يارا شو قصة البوست
حكتلو ولك عم بسمع اصوات غريبة ,,,, وهلئ في اشي وقع وانا خايفة كتير
حكالها وين اهلك , لي مو طالعة معهم ....
حكتلو كنت نايمة وصحيت وما لقيت حدا ....
وهي تحكي معو انقطع الخط ....
وسمعت كمان مرة صوت بالدار ... صارت تصرخ تحاول ترنلو ما في تغطية
وأصوات بكل البيت
شوي وصارت تصرخ بأعلى صوت عندها
بس انا حبيبي ميت ,,, كيف أتصل علي ,,,, كيف حكيت معو
وصارت متل المجنونة تبكي
مسكت موبايلها , ما في أي اتصال من حدا ..
وهي متأكدة انو حكت معو ...
صارت تطلب برقمو , والرقم من سنتين خارج التغطية ....
حكت معقول انا بحلم , معقول انا نايمة ....
شكلوو كان حلم ,, خليني ارجع انام أحسنلي
حطت راسها عالمخدة ....
وغفت شوي , وصحيت على صوت تلفونها
أه حبيتبي شو نمتي ؟!
شووو مين انتاا , انا حبيبي مات زمان !
حكالها مالك يخوثة , وينتا متت انا ؟!
صارت تقرص بحالها وتحكي اكيد انا بحلم ,
يحكيلها مالك بتقرصي بحالك مجنونة انتي , أي حلم هاد
حكتلو وشو عرفك بشو أنا بفكر آه ؟
قلها حبيتبي وهبلة وبعرفها ؟
سكرت الخط بوجهو , حكت شو هالليلة هايي ؟؟
في اشي عم بصيررر
لاززم اتصل على ماما ...
حاولت تتصل على امها " خارج التغطية "
ابوها "خارج لتغطية "
اخوها الكبير " خارج التغطية "
قررت تطلع من البيت وتروح عند جيرانهم !
الساعة 1 ونص , وبنت بتمشي بالشارع , ورايحة عند جيرانهم لانها خايفة
بتدق الباب عليهم , بسرعة وبتحكيلهم الحقوني !
بس كمان جيرانهم ما بيردو على الباب ....
صارت تحكي مشان الله افتحو الباب , انا رح اموت , في اشي بدارنا غريب
فتحتلها ختيارة كبييرة الباب , وحكتلها فوتي !
فاتت لارا على الدار , وصارت تحكي للختيارة القصة
الختيارة صافنة فيها , وفكرت البنت انجنت , ومش مصدقة كلامها ,,,
بتحكيلها شوي اتصل على ابني علي واحكيلو يجي يشوف القصة ؟؟؟
بتحكيلها وحبيبي اسمو علي !!!
بس مات frown emoticon
حكتلها خدي يخالتي اطلبي رقمو لانو انا ما بعرف اتصل علي ؟
مسكت وهي تطلب بالرقم ... هاد نفس الرقم الي معها ,,, نفس رقم حبيبيها
صارت تحكيلها مييييين انتيي ؟؟؟
حكتلها مالك يخالتي انا ام علي , حكتلها بس علي مات , كيف عم تعطيني رقمو اتصل علي
حكتلها انتي اتصلي ورح يجي ؟ ما عليكي
وقررت تتصل علي من تلفون امو
رد علي بكل هدوء وحكالها اه يما شو بدك ؟؟؟
اخدت الختيارة التلفون من ايدها وحكت معو ..
حكتلو تعال لارا حبيبتك عندي وخايفة كتير ,, وما في حدا ببيتهم !
حكالها يلا 5 دقايق وباجي
وبعد 5 دقايق رن جرس الدار
قالتلها قومي افتحي الباب هاد علي ...
لارا من الخوف لا قادرة تتحرك ولا قادرة تحكي ...
وهي لسا مقتنعة انها بتحلم .؟
وانو كل الي بصيرحلم ....
سمعت صوتو من عالباب , شافت خيالو من الشباك , ركضت لعند الختيارة وصارت تصوت
وتحكي هاد جني مش علي لا تفتحيلو وتعيط
