#ضحية جنون ابي
البارت (4)
طيف .شرطي اجيبين علاج رفيف كامل
نجلا .عود نشالله بس ماعرف شنو الفايده نذب الفلوس بشط وهيه راح تبقه خبله طول عمرها
طيف .ماحاجيج لان عديمه الحساس
عفتها ونزلت جهزت صحن فواكه خطيه الرفيف شويه يقوي المناعه
وحليب وصعدت
لكيتها تبجي وشابكه دشداشه امي ورده
طيف .حبيبتي لا تبجين نشالله ترجعنه ادعي بس ادعي من الله نلتقي بيها مره الثانيه
وستمريت انظف الكدر عليه اكنس اغسل حمامات تعلمت اسوي جاي
اغسل الماعين بس هيج اني اعرف مو نظيفات بس احسن من الماكو لمهم اجيب علاج شويه شويه طور شغلي
كمت امسح ثريات امرايات
اطلع للكراج انضفه صار تنضيف وسيله انسه بيها همي وشتياقي لماما ورده
بس وين ما اروح لازم رفيف كبال عيني
وينتهي شغلي قبل المغرب لو تقوم القامه جوه مانزل لا اني ولا اختي
حمام اكو فوك وثلاجه زغيره جابتها ماما ورده نظفتها وشغلتها كمت شنو يزود من الغده اصعده من وكت نتعشه بي وصبح انزل الماعين ماخلي اصعد البن ولعصاير والحليب الجاهز اخذه لرفيف اني مو مهم هيه ماعدها مناعه كامت رجليها تورم وتوجعها تكوم تبجي من ورها
الدوه الجابته نجلا ميفيد اضل اني طول اليل كمادات مي دافي وملح وفركلها شويه تهدء وتنام
مرت سنتين واحنه ع هذا الحال بس اليوم كعدنه ع صياح نجلا
نزلت اشوف شكو
لكيتها دك وتلطم ذابيلها تهديد
واحد من الاحزاب النتشرت بهاي الفتره وسوو حمله ضد بنات اليل
كامو اليعرفوها تشتغل يطبون عليها ويكتلوها فكعدت نجلا بالبيت
وكل يوميه كابه العيطه سلمان يريد فلوس شرب منها وهيه هم متكدر اله تكيف كامت تبيع بذهبها طكه ناقص
علاج رفيف بعد ماكو متت قهر
كمت اخليها تطلع ابوك منها فلوس
وطلع للصيدليه البدايه شارع اجيب علاج ورجع ركض بس نتكست حالتها مو مال علاج بعد ابد وكمت اسويلها
اكل زين وعصاير بس لها اني ماكل ولا اشرب علمودها بكل قوتي ردتها تعيش بس هاي ارادت ربي خلتها تموت
طيف .ذكرت هذا كله صار وياي
وفزيت من صفنتي لكيت روحي بحدي بالغرفه ماكو واحد يواسيني
حتاجيت ماما ورده تحضني
تمسح ع راسي اني وحيده
ماعرف شلون اكمل عمري من غير
رفيف بعد شنو اخسر ياربي
امي وخسرتها توام روحي وماتت
احس روحي هيج فارغه زياده ع مجتمع ربي خلقني وكالي اتعذبي هذا مصيرج
انتي ضيريبه جشع وطمع سلمان
انتي ضريبه غدر وسكر وزنه نجلا
همه سبب همه سبب كلشي
احجي وعدل بشعري ورا اذني
اني لازم اصير قويه
اي علمود ماما ورده
خذلتها بختي ماعرفت احافظ عليها
لازم اثبت اني تربيه ورده مو نجلا
طلع سابع مال رفيف
وعبالك ماصاير شي
سكرهم وغناهم نفس شي
اصلا زاد منقص اني اعرف اذا الوحد شخص مات كدامه يتعض يخاف هنا ابد
شايلين الحساس من رئيسي
YOU ARE READING
ضحية جنون ابي (منقذي)
Romanceخلي يدج بديه لاتخافين شنو ماثقين بيه خليتها واني اباوع ع عيونه استمد منها اماني مثل العاده لقد جَردوك من ألوانك تلك التي قضيت طفولتك تمزجُها لترسم عصافير و فراشات، لقد غمسوا أحلامك في الوحل ثم كدسوها على كتفيك حتى تحولت إلى أخطبوط رهيب، واذا به...
