نصفي العقيم ( مكتمله )

بارت(١٤)

خطبوني غصب ولغيرك نزفيت ..
وحفرو گبري لمن عقدو القرآن ..
جبروني وصحت احضرني يالعباس..
انا الوحيده وعگلهم ترست الديوان ..
تجرعت السم بكل رشفة فرح شربوها من فنجان ..
عذاب سنيني وحلم عمري الكتلوه بالخذلان ..
گلبي ينزف دمايه على الراح ..
وعلى حبنا البريء الدفنوه بالبستان ..
لازم عيوني تذرف دموع المسعد الفرحان ..
وانا دمعي ينزل جن منتظر دفان ..
تلاشى منه السعد گلبي وخيم عليه الاحزان..
وطش مستقبلي من طشو الچكليت ..
وركبه ونص گعد كل جرح نايم چان ..

_______________________

روايـة "نصفي العقيم"

البارت الرابـ١٤ـع عشر...

للكاتبه : يُمنا نـآصر
_______________________

قراءه ممتعه ..

"رجعت نظراتي تتنقل عليها بخوف ... باوعتلي وهي تشرب الكهوه وتطلع صوت من تشرب .. رفعتلي حاجبها .. وكانه تعيد تهديها ..

" حجه ابويه ، هاا يابه كولي اذا ماموافقه ارفضه ..

غمضت عيوني اريد اتهرب من نظراتها بلعت ريگي احسه مثل الموس بي يوجعني .. كدرت انطق ووجهت كلامي اله ..

كتله وشفايفي بيض ترجف " ئـئـئئئـ ااااييي

"موافقه يعني ؟

"ماگدرت انطقها واكله موافقه هزيت راسي ورحت اركض لغرفتي

.. ورواء ماصدگت كامت تهلهل وفرحانه طبگت الباب بقوه حتى اگطع صوت الهلاهل وماسمعه .. هالصوت الي ثار على روحي  مثل الرصاص .. حتى يخترق جدران قلبي الموءود..

كعدت بالگاع وصرت ابچي والطم على حالي .. هاي تاليتي انزف للغريب  ، لا يربي لاااا ..  دخيلك ماگدر والله يجوز اموووت اذااصير لغيره الطم على خدودي واخرمش بيهن  واني منهاره  ، مجرد فكرة انو اكون زوجه لشخص غيره اني اتخبل انهار

.. كمت على حيلي وعيوني ماشوف بيهن من گد البجي مغوشاات .. لزمت التلفون واني صاكه على سنوني اريد احاسب البريء الوحيد من كل الاجرام الرتكبو بحقنا .. ظغطت على رقمه وايدي ترجف بقيت ادك ورى كومه مكالمات جاوب وهو يجلي صوته ..

اول ماگال الووو نفجرت بوجها ..

"هااا كيفت كيفت راح اصير لغيرك افرح يالا افرح

"شبييييج شبييج شكووو شصاير ..

"كتله واني بقمة غضبي ، الصار اليوم موتوني ودفنوني بالحياة ، الصار راح ازوج غيرك .. الله يلعني ويلعنك ويلعن اهلي وياهم گلبي بيوم الحبك الله ياخذني حتى ارتاح من حبك المأسوره بي .. لييش مجاوب ولك هااا ليييش مجاوب ..