قصة ساعة الشهيد صفاء رحمه الله
بهاء السراي، أحد أخوة الشهيد صفاء السراي يروي قصة الساعة التي كان يرتديها الشهيد
"چنت احچي ويّه زيد، صاحب صفاء من أهالي النجف، گلي: بهاء، هاي الساعة اللي ناشرها على صفحتك سالفتها سالفة! گتله: احچيلي.. گال: مرة چنت يم صفاء وطلعنا الصبح للميدان، أكو حجي عمره چبير يبيع ساعات قديمة، رحنا يمه وشفنا ساعة لبسها صفاء وعجبته، فسأل الحجي: الساعة ابيش؟ گله: بـ ١٠ آلاف دينار. صفاء انطاه الفلوس وسأله: اليوم شو ما عندك ساعات بس هذني! گال: والله صفاء عفت الجهال يم البسطية ورحت للحمامات ورجعت لگيت نص الساعات بايگيهن. باوعت على صفاء كلش ضاج، چان عنده ١٠ آلاف و١٠٠ دولار، هاي المية مداينها من جماعته. گال مشينا شوية وصفاء گلي خلي نرجع للحجي. رجعنا للحجي، صفاء گله: انطيني الـ ١٠ آلاف! الحجي عباله صفاء يريد يرجّع الساعة، گله: صفاء اخذها بـ ٥ آلاف عادي! صفاء گله: لا بس انطيني العشرة. الحجي انطاه العشرة، وصفاء شال الـ ١٠٠ دولار وانطاها للحجي گله اعتبر الساعة مشتريها منك بـ ١٠٠ دولار. والله الحجي ضل يبجي من الفرحة!
أخوي صفاء خسارة گلش جبيرة".
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
