القدر لا يسأل (باللهجة الجزائرية)

الحلقةالسابعة و العشرين

كان ياسر يضرب في جورج جبداتو ايلول خرجاتو و قتلو.
ايلول:"انت مريض و لا هبلتي كنت حتقتل السيد لداخل و زيد وش قتلك لمرا ليفاتت انا قتلك قيلني يا خويا مبقيتيش تدخل في عزريني اووووووف كرهتيني من نهار من دخلتي حياتي مشفتش خير ياخا انتقمتي بردتي قلبك بصح مربحتي والو غزل و تيم رجعو المهم قيلني"
آسر:"لاااا مشكون انا لمريض اانت لمريضا انت لهبلتي مشفتيشو كيفاش كان يمشي فيك و زيد يبوسك وش وليتي متاحا للجميع"
و يجيه كف دورلو وجهو
ايلول:"قبل متحكي معايا خمم مليح قبل متهدر كلب حيوان"
و راحت و خلاتو  ركبت في طوموبيل و هوا البورتابل و عيطت لباباها.
ايلول:"بابا انا قررت حروح لالمانيّا و نكمل الخدمة الي تم"
باباه(الي نسيت اسمو):"خير معملتي تسما غدوا تروحي"
ايلول:"لا لا خلاها بعد سمانا"
و كوبات وكملت طريقها للدار.
آسر بعد الي صرا تاكد من مشعرو من ايلول و قرر انو حيرجعها و علابالو انها مهمة مش سهلة بصح لازم يرجعلها و حتى هو روح للدار.
غزل وسلمى اول مروحو رقدو لانهم تعبنين و غدوا حيبدا تنفيذ خطة تع تيم.
في الصباح ناضت غزل طيبت لفطور و نوضت آسر و سلمى باش يقدرو وجدو رواحم و كل واحد راح لخدمتو تيم عيط لآسر و قلة انو لازم اليوم يبدا تنفيذ الخطة.
تلمو الكل في قاعة الإجتماعات تيم آسر مادام فيروز يسرى باباه و ايلول و اسلام نطقت مادام فيروز:"تقدر تقلي عواه مجمعنا الكل ليوم"
تيم:"قررت اني حنلغي الاتفاقية مع آسر عبد الحق"
فيروز:"لالا انت جنيتي علابالك بلي احنا الي حندرو بسبة الغابة الشراكة"
آسر:"يعني انا معنديش مشكل بصح نصحق الموارد الي تفاهمنا عليهم كامل"
فيروز:"تيم خمم مليح اك رح تهدم  كل حاجة تعب عليها باباك و جدك"
تيم:"مممممممممممممم بصح كاين قرار يرضي الجميع الي هو اني نخطب غزل و كفك تزيد قوة الشراكة من علاقة عملية العلاقة عائلية"
فيروز:"و خطبتك بيسرى نسيتاها "
يسرى زعما لعبتها دموع التماسيح
تيم:"علابالك بلي مكنتش موافق و اصلن فسختها قدام الناس لكل نهار الحفلة وش قولتي يا آسر موافق"
آسر:"لكان عليا انا موافق منيش حنلقا احسن منك بصح لازمندلي نصقصي غزل"
يسرى😡😡😡:"و عواه تصقصاها باينا حتوافق خطافة رجالة ق...."
و يعطاها تيم كف طيحا في لرض
تيم:"قبل متحلي فمك و تهدري علاها شوفي روحك انت يا لخماج و هادي الي تهدري علاها اي لالاك و اشرف منك و درك فض الاجتماع و خرج هو و آسر يسرى خرجت مغزلة و راحت عيطت لوحد الرقم.
يسرى:"الخطة تتنفذ اليوم"
و قفلت البورتابل.
غزل و سلمى كانو خارجين من كلينيك بصح حسو بحاجة تحطت على فمهم و مبعد محسو بوالوو.
بعد ساعتين بدااو يحلو في عينيهم لقاو رواحم في مستودع و شافو الباب تحل و دخلو منهم 3 عبادة و الصدما كانت.
يسرى و ريان و واحد ميعرفوشو اول ملقاوهم ناضو راح هاداك الي ميعيفوروشو قرب لغزل و حط يديه على خدها و المسكينة مرعوبا.
ريان:"سلمى خلاها على أقل عرفها بروحك"
سامر:"عندي اكثر من 10 سنين و انا نسنا في اللحظة ادي"
سلمى فاقت من الشوك الي هي فيه و قالت:"درك فهمت هاد الكلب(على ريان) باينا حب ينتقم مني و يسرى عاوناتو حق ما اهنتها كنهار بصح انت شكون و يديك هاديك نكسرهااك ادا حطيتها علاها مرا اخرا"
و بجاها كف
ريان:"هادا على كلمة كلب"
و كف من عند سامر
سامر:"هادا على نكيراك يدك"
المسكينة فمها تجرح و وجهاا تنفخ من قوة الكفوف
ريان:"لدرك مزالك كيف مكنتي وجهك صحيح و لسانك سليط "
سلمى:"و منيش حنتبدل قول وش حاب كيما و لا نقلك غيرخلينا نروحو لانو هك ولاهك اسلام و تيم حيلقونا و لكان عرف بلي خطفتونا يقتلوكم و انا نقلكم خلونا نروحو و منقولولهمش"
ويتصب فوقها بيدون ماء

.
.
.
..
.

.
.

.
.
.

.
. ستووووووووووووووووووووووب الحلقة الخامسة و العشرين انتهت
سلام سلام حبوباتي وش حوالكم اليوم انا حمدلله المهم حبيت نقلكم بلي الروااية ملقاتش مطولة و حبيت نعرف ارائكم فاها و ادا مزلتو حبيت تشوفو روايات اخرى ليا
كالعادة:
20 كومنتات+20 نجمات= الحلقة السادسة و العشرين
أيا بايييي بيزوات 💋💋