"هاي الله مكنج بيهة ....
جبتيني وشمرتيني ....
ولاكلفتي نفسج# وكلتي بنتي شبيهة ..
ولادگة موبايل ولاطارش يدك باب ..
جاماگلتي بنتي مربطه من ايديهة ..
مارف كلبج علي من اخذ الضربات ..
ماخدج حمر من حمرة خدية ..
لج عفتيني ييمه بنص حرب الحزاب..
وبين الشماته الكرهتج ولتنتقم بيه ..
ذنبج حرمني العيشه ويه الناس ..
وماضلة كرامه ولاحلف بيه ..
كلهة تكول امچ سبب الحزان ..
واني بگلبي غصة واصرخ شعليه ..
احمل اخطاء الغير وانهان واتعذب ..
وانتي مكضيه وقتج بلايه مر جيه ..
وانتي مگضيه وقتج بلايه مر ولاجيه..
🥀💔
بقلم المبدعه تبارك الدلڤي user37790510
_______________________
روايـة "نصفي العقيم"
البارت الحادــ١١ـي عشر...
للكاتبه : يُمنا نـآصر
_______________________
قراءه ممتعه
"باوعلي بعيون كلها حب وعشق صادق گالي .. بغداد حظري نفسج راح تصيرين حرم حسان ..
"باوعت علي واني الموضوع شبه طخ عندي .. كتله بحماس ممزوح بفرح واندفاع لعشقه .. شنو يعني ؟
" جر نفس طويل وگال بهدوء ، بغداد تتزوجيني ..
" گلبي تسارعت دقاته حتى حسان يمكن سمع تضاربه .. بين رهبه وخوف وحماس وحلم حلمته من زمان بداء يتحقق .. واللمل زاد عندي انو حسان ينتشلني من احضان مرة ابويه القاسيه .. ويحتويني ونكون اسره سويه .. مجرد فكره خلتني احلق للبعيد ..
ابتسمت بوجها ونزلت عيوني بخجل منه وارتباك وكانه داكوله اي ..
"ضحك وگالي ها بس لا ترفضيني ..
"ليش اني من دون البنات
" سحب نفس وكال .. من اول يوم شفتج شفت لغز عجيب بيج وعيونج دائماً تحمل بجوفها حزن عميق .. عيونج الزرقاء مثل لون البحر احسها تخفي لؤلؤه بداخلها سر ..
شفت الضياع والحسره دوم ماخذه جزء من شخصيتج .. وبصراحه عجبتيني بشكل كلامج المكسر من تحجين عراقي .. ثگلچ ورزانتج من شفتح حتى ويا البنات ماتحجين ولا ضحكين
.. كلشي بيج جذبني وأسر حواسي كلها .. واخر شي اجت رصاصة العشق الي صابتني بيها عيونج .. متشوفيني دوم اكلج عيونج چتاله .. لان ذبحتني وصرت اريدج جوهره بس اني اشوفها احتويج من عيون الكُل وماخلي اي احد يشوفج غيري ..
"لمعت عيوني بفرح وابتهجت روحي من كلامه كانما كان ديغنيلي مو ديحجي ..
لكن سرعان ما هالابتسامه اختفت من تذكرت انو اني امي داعشيه وسرت الخوفه والرجفه بداخلي .. اذا عرف معقوله يعوفني او يستنكف مني .. والله صعبه عليه اكوله امي داعشيه كلش صعبه .. بس كلت اترك الامور على مجراها احسن حل ..
أنت تقرأ
نصفي العقيم ( مكتمله )
ChickLitروايه عراقيه واقعيه ١٠٠٪ نِصفٌ سليم ونصفٌ عقيم نصفي يُعاني مشكله العقـم ..! وهَـل مُصطلح العقم يقتضي فقط على عدم الانجاب ام ينحدر تحت مُسميات اعمَـق .. رياحٌ عاتـيه ، وامـطارٌ غزيره ، ومسالكٌ وَعـره وفتاة خرجت فـي طُرقات الحياة مُجرده من ذو...
