جمال و اخلاق و شخصية و رزن حبيته و عشقته و كلت لو هو لو لا ..
اني حلووه و مقاصرني شي و شكم مره بمره حاولت اجذب أنتباه شهاب الي بس هو ابد ما معبرني جنت شكد انقهر و اضوج و مرات ابجي ..
جانت حاسه بهذا الشي خالتي و سئلتني و كالت بس لا تحبين شهاب ولج ..
جاوبته و بكل جرأة كتله : اي خاله احبه و اعشكه ..
هيا ضحكت و كالت : يوم الهنه الي اشوفج بدلة العرس و زلمتج شهاب ان شاءالله من قسمتج يا يمه ..
شكد فرحت من سمعت خالتي هيج تحجي و اجاني اصرار أنو اخلي شهاب يحبني ..
مره طك الصبر بيه و رحت يمه لكيته كاعد بلحديقة
كتله أحبك اشوف هذا ضل صافن بعدين كام يخزر بيه و يصيح : ولج ما تستحين و تكولين هيج ماعندج مستحى احجيكتله بخنكه : ليش ما استحي شسويت ترى كتلك احبك ماسويت شي ..
؛وشنو هذا حلووو لعد البنية ترخص نفسه عدنه من هيا تبادل و تعترف امشي روحي و انسي الي صار هسه و اني هم راح انسه و لا جنه جايه و حجيتي هيج
كتله و دمعه بطرف عيني : بس
حجه بحده : زهراء امشي لا تخليني اتصرف تصرف ما يعجبج
مشيت و خانكتني العبرة .. بس ما يأست اعترفلته مره ثانيه و هنا ظل يصيح و لعب بيه لعب و كال لأمه علي و من ساعته شفت شهاب ثاني
كام حتى حجي ما يحجي وياي و كالب خلقته عليه و حتى اذا يريد شي ما يكلي يكل لاخته مو مثل قبل
بيومه تندمت لو ساكته احسلي و بقيت حبي بكلبي و لا اخسر شهاب
و مره من المرات صادف عزيمة عند بيت عمي ابو محمد اني اصيحله عمي لان صدك اعتبرهم عمامي ..
فا رحنه و مدري شصار و طلعت بره و جان اشوف شهاب و جوري واكفين سوه و يضحكون
واسمعه يكلله :و العباس اموت عليج شعندي غيرج
وهيا مدنكة راسه مستحية .. عفتهم و اني مصدومه شبت نار الغيرة بكلبي و كرهت بيومه جوري و حقدت عليه ..
وصرت وحده ثانية اناينة احقد على حوري و أكرهه
وكمت ما اجي يمهم هواي وصرت هواي اسوي مشاكل حتى اتعارك وياها ..حتى هيا حسيت بيها كامت تكرهني و مااطيقني من وره المشاكل بس تستاهل ..
حسيته هيا السبب بلي يصير وياي .. حسيت انو هيا منعته انو يحبني و ما يبادلني الشعور
اخذته مني و بعد مايرجعلي كرهته و حقدت عليه و اريد اسوي اي شي ويخرب عليهم ..وحتى كلت الخالتي ام غسان لان مجانت تحبهم كتله على علاقتهم ..
وفعلا ضلت تصيح و تهدد و كالتله ما دخل جوري بت افراح لبيتي ..
وصارت عركة و هوسة بس ادخل عمي ابو غسان و كال بت اخوي وخوش ما اختار ومعليج انتي ..*
![](https://img.wattpad.com/cover/219903954-288-k424300.jpg)
البارت الرابع
Bắt đầu từ đầu