***
လူသတ်သမားရဲ့ လက်ထဲ မရှု့မလှ ခံနေရတဲ့ အဖေကို ကြည့်ရင်း ဘာလုပ်ရမည်မသိ။အဖေက ထွက်ပြေး စေချင်တာကြောင့် ၊ဆောင်းစက်နဲ့ နှင်းစက်တို့ မောင်နှမနှစ်ယောက် နောက်လှည့်မကြည့်ဘဲ ပြေးရလေသည်။
အဖေ့အတွက် ၀မ်းနည်းသလို၊ ကလေးတွေပီပီ လူသတ်သမားက သူတို့ကိုမိသွားမှာလည်းကြောက်ရပါသည်။
ဆွေမျိုးအသိုင်းအ၀ိုင်းမရှိတဲ့ သူတို့အတွက် ၊သူတို့အဖေ မရှိရင် ခို၀င်ပြေးစရာ ရိပ်မြုံလည်းမရှိတာမို့ ၊ အခုအချိန် ဆောင်းစက်ရဲ့ အားကိုးရာက နှင်းစက် ၊ နှင်းစက်ရဲ့အားကိုးရာက လင်းထက်၊ နှင့် သူငယ်ချင်းကြီး ဝင်းလွင်သာ ရှိပါသည်။
"ကိုလင်း... ၊ကိုလင်း.."
နှင်းစက်က ဆောင်းစက်လက်ကိုဆွဲကာ လင်းထက်ဆီသို့ အားကိုးတကြီး ပြေးလာခဲ့သည်။
သမင်မျက်၀န်းညိုညို နဲ့ သမင်ညိုမလေးက မျက်၀န်းမှာလည်း အရည်ကြည်ပိုးဥတို့ တွဲခိုလို့ ခြေဖဝါးနုနုမှာလည်း ဖိနပ်ရယ်မပါ။ နှုတ်ခမ်းတို့ကလည်း တုန်တုန် ယင်ယင် နှင့် လင်းထက်နာမည်ကို တသသခေါ်နေပုံမှာ လင်းထက်ရဲ့ ရင်ထဲကို ဆို့နစ်သွားစေသည်။
"ဘာ...ဘာဖြစ်လာလို့လဲ နှင်းစက် "
လင်းထက်က အထိတ်တလန့်နဲ့ နှင်းစက်ကိုမေးနေတုန်း ယိုင်လဲသွားတဲ့ ဆောင်းစက်လေးကို ဖမ်းပွေ့ရပါသေးသည်။
"အ အ အဖေ့ကို လူ လူတစ်ယောက်သတ်နေလို့ "
"ဟင် ဘယ်မှာလဲ "
"အိမ်မှာ ..."
နှင်းစက်တို့အိမ်က လင်းထက်တို့နဲ့ တစ်လမ်းကျော်သာကွာတာမို့ သူ့ဆီသာအရင်ဦးဆုံးပြေးလာမိသည်။ အခုမှသတိရတာက ရဲကိုအကြောင်းကြားဖို့ ။
"လုပ် လုပ်ပါဦး ရဲ...ရဲကိုအကြောင်းကြားပေး အဖေ့ကို ကယ်ပါဦး "
နှင်းစက်ရဲ့ စကားကိုကြားတော့ လင်းထက် ဘာလုပ်ရမယ်မှန်းမသိ၊ ရပ်ကွက် လူကြီးတွေသာ အကြောင်းကြားပေးရတော့သည်။
YOU ARE READING
ဆောင်းစက်ရိပ်ခို (completed)(U+Z)
RomanceOWN CREATING BY OWN IDEAS INCLUDES OWN CHARACTERS...