نصفي العقيم ( مكتمله )

بارت (١٠)

عند اطلالته افقد زمام امري .. افقد هدوء اعصابي .. انسى من انا ومن اكون لما انا هنا فبقربه يشعرني بمن حولي وتجعلني نظراتي مكشوفة امامه استرق النظر اليه ادقق في ملامحه الى قسمات ضحكاته التى تشعرني بالامان وتطفئ جمرات صدري .. جمرات اوقدت من حيام لا تعرف الامان ، كلما انظر اليه انظر الى شخص يعني لي اكثر ما اقصد يعني لي الملجأ من همومي .. يعني لي صدرا يدفء برد دموعي ...

_______________________

روايـة "نصفي العقيم"

البارت العاشر...

للكاتبه : يُمنا نـآصر
_______________________

قراءة ممتعه...

دخلت المعهد وبلشت اداوم ... حياة جديده وناس جدد عالم مختلف .. صح جانت الايام حلوه والاجواء هم بس اني ماختلطت باحد يمكن كثرت الصدمات بحياتي خلتني مااثق بعد بأي شخص ، بس الشي المفرحني انو حسان بعده يوديني ويجيبني ترك خط المدرسه وبلش بخط جديد من المعهد .. كله اخاطر يوديني هو ويجيبني ..

عهد خلص الماجستير على خير وگعد بالبيت صار يروح يشتغل عماله بغير محافظات .. بابا مقبل ورزله كله اعينك عندي بالدائره

عصب وردله " وششتغل عندك اني شهادتي مو يم الجيش والشرطه

رواء: هسه شكو قابل متگولي شبيك انته ابوك ورتبته زينه يگدر يوضفك ليش دتروح وتتبهذل بالمحافظات

"اني احب اعتمد على نفسي وبعدين شغل يم ابويه من سابع المستحيلات اشتغل مو اني الي اتعين بغير استحقاقي او انتظر ابويه ينطيني مصروفي اني اروح اشتغل وواطلع مصرفي ..

بابا گله " اني افتحلك محل واكعد بي شتريد اجيبلك بضاعه واملي

"يابه اني عاجبني اشتغل واكون نفسي ماريد احد يسويلي شي خلص افهمو ..

ندار عليه وگال

"بغداد حظريلي جنطه بيها ملابس بس اريد ملابس تعبانه مو جديده حتى اذا تندمر بالشغل عادي ..

" هزيت راسي وگتله صار .. صعدت لغرفته حظرتله جنطه ونزلت كتله جهزتها .. اجه يمي تشكر وگال اريدج تودعيني انتِ ..

"ابتسمتله وكتله انشالله هيمتا تطلع الصبح ..

" بالسته اطلع من البيت

" اوكي توصل بالسلامه انشالله موفق بجاه الحسين .. عفته صعد فوگ وراء دردم شون يگلي اريدج انتِ تودعيني مهتميت لكلامها رحت لغرفتي وگعدت اراسل حسان بقيت احجي وياه للفجر نعست كلش اغفي وهو صوت نفسه يلوليلي بالتلفون
.. اذن واني ساهيه بالنوم والتلفون بعده مفتوح .. گعدت على صوته وهو يگول بحنيه بغدادي گعدي عيني صلي الفجر يلا بويه گعدي ..