الهم من صغري
بقلمي لل كاتبه شمس
البارت واحد ﯙ اربعون / الجزء الثاني
___________________________________
رهف ....
سمعت صوت قوي ب الشارع مبينه صارت عركه خفت كلت اكيد هذا جود عرف مكاني و اجه يكتلني
اجتي انصار تركض
انصار : لج الحكي واحد ب الباب دا يصيح يكول مرتي جوه
ضربت ع خدي
رهف : لج انصار هذا جود اخاف يذبحني
انصار : باعي طلعي هسه و واجهي كبال الكل اذا كتلج ـاٌذا حجه عليج أسـڪــتي تمام
رهف : لججج انصار ما تعرفي هذا مخبل مخبل يموتني خاصتاً أنتــوا ما يعرفكم و هوه شكاك
كعدت بــ الكاع افكر
شويه و اختفى الصوت
راحت انصار و رجعت
انصار : مبين يعرفنا لان شاف احمد سلم عليه
رهف : اجتي ام احمد دخلت لل غرفه
ام احمد : انتي بــ امانتنه راح ادز هديل وياج
رهف : لا خاله الله يخليج هال مره يحجي غير حجي
ام احمد: بــ امانتنه كتلج طلع صديق احمد اني حجيت ويا و فهمته كلشي
و هسه راح يجي يحجي وياج
كلبي وكع من كالت راح يجي يحجي وياج ، خفت أڪــثر بس لا هوه الغلطان خلي هوه يعتذر
تقويت و كمت افكر بــ اشياء احسن ، لان كلما افكر بــ اشياء احسن راح تصير اشياء احسن و العكس صحيح
ضليت اقره ايات و استغفر
اجتي انصار
انصار : يصيحوج ب المضيف باعي ما موجود بس اخوي ﯙ امي و رجلج هم تمام لا تستحين
لبست عباتي و دخلت انصار ورايه
كعدت
كان ديوان كلش جبير و بي صوره الامام علي ؏ــليه السلام
ادعي بــ كلبي حتى الله ينجيني من عنده و ما يسويلي شي
كانت عيونه نااار حمر و يغزرني ﯙ ام جود كاعده يمه
، نزلت عيني كعدت ادعي
الرجال حجه ﯙ هوه مدنگ راسه
احمد : بويه اني ما اعرفج و لا ادري بيج أصــلاً موجوده ب البيت سئلت امي كالت من كرايبنه ، و لو ادري بيج انتي منهزمه من رجلج زعلانه جان من زمان رجعتج لان عيب هل تصرف اني ما ارضاها ـلاَا على مرتي ولا على خواتي ههــل شي ، بس ما يصير تجين ل بيت غريب و انتي ام تعرفيهم طلعوا بيت مو خوش ، المهم
اريد اسمع منج انه اريد ارجعكم اليوم و بعد مـَـاڪو زعل
نزلت دموعي ، صحيح كلامه و الله
حجيت و اني امسح بــ دمعي
رهف : و الله يا خويه كلامك ع راسي !!
بس شنو اسوي كل وحده تشوف رجلها بــ ههــل منضر تعرف البيت و تطلع ، اي وحده ما تقبل أشــوف رجلها مسافر ويا وحده غريبه و مجذب عليها عود هوه على الاساس مسافر ويه اصدقائه ، اني أصــلاً ابوي انطاني الهم لان جان عنده كومه ديون ، و الله عاملني معامله الجلبه حشاك بس حبيته و جبتله بنيه ، حتى امي ماتت و ما رضه اروح ل فاتحتها ، و خالتي طلع متواصل وياها و ما كايلي ، ضربني و هاني بس حبيته ﯙ هوه صار زين وياي ﯙ وعدني انو ما يزعلني و يمد ايده عليه بس خان الوعد ، اني اكتفيت منه بعد هاهيه ، شنو ضامنلي يمكن يطلع متزوج
YOU ARE READING
الهم من صغري
ChickLitحقيقيه 100%. يقول علي بن أبي طالب في قصيدته "أما والله إنَّ الظُلم شؤمُ" ] أما والله إنَّ الظُلم شؤمُ وَلاَ زَالَ المُسِيءُ هُوَ الظَّلُومُ إِلَى الدَّيَّانِ يَوْمَ الدِّيْنِ نَمْضِي وعند الله تجتمعُ الخصومُ ستعلمُ في الحساب إذا التقينا غَدا عِنْ...
