فالفيديو اوبينينغ تع باك دور......(تع باور راينجرس اذا حبيتو نقول هكا بش تعرفوها)كل واحد وين كان بصح تشان كان هنا.....كامل قالو صدفة يعني كامل كان علابالهم بلي خيرو ممبرز عالزهر و كل واحد وين حطوه بصح نو نقولك الحقيقة وراء هادي؟؟
Oops! This image does not follow our content guidelines. To continue publishing, please remove it or upload a different image.
الحقيقة وراء كي خيروه غير هو من كامل الممبرز و حطوه فالصحرا...هي: ؛ ؛ ؛ انو راه فادرار غلط فالطريق كي كان جاي لدارنا، تراني مانعرفش لونغلي بزاف و لكوريين مشي كامل سامعين بدزاير و مايعرفوهاش كامل تسما غلط هبط فليبيا قلتلو:"معليش افونصي برك شويا تلقى حدود...لتم الدزاير"(شغل غير ليبيا لي عندها حدود مع الدزاير روح برك)، و مشا حتى تصور و بعتلي و قالي:"هاني هنا دركا منين نروح"، قلتلو:"تحرش بيا الصحرا كامل تتشابه ابعتلي لوكالزاصيون تاعك"، بعتلي وين راه اپي پري و كي وصلتني لقيتو دخل للحدود تع الدزاير و راه يدور يحوس فأدرار، قلتلو بلي مانقدرش نشوفو مالهيليكوبتر كلش صغير حتى جبدلي لعلام.......اقصد ماقدرتش نشوفو مالدّرون تاعي لي فيه كاميرا (لوكان ماكسرتش لهلكوبتر تاعي كي كنت مقلقة و رميتو فلبحر لوكان رحت جبتو من ليبيا و ركبتو معايا و فريناها عندنا شحال) المهم،موراها بعتلو لاپوس بش يدير طرواجي بش ياكتيفي جيپياس و مايهبلنيش.....اعطيتلو جيزي هيا فيها ليزوفر ملاح و رخاس ترانا زوالية......اومبعد قالي: "نلحق منا لنص ساعة ولا ل7يام"، قلتلو:"اوكي بيبي نسناك نبدا ندوزن فالسميد نديرلك محاجب تاكل روحك مشي غير صباعتيك موراهم"، قالي:"واطذهال مكالاه ماناكلش"، قلتلو:"يا لحمار تعبير مجازي تسما ماكلتي بزاف بنينة"، قالي:"اباباااااااااا تعرفي طيبي لهاد الدرجة!"، قلتلو:"Cooking like a chef i'm a 5 star انا Michelin،علاش وش كنت حاسبني؟"؛ قالي: "كنت نسنا انا نوصل لداركم و نعلمك تقلي لبيض"، قلتلو:"ارواح برك و انا نعلملك لمرة لجاية كفاش تحس كي تاخد كفوف و كفاش تهدر مع السيدات"(بلابوس تع جيزي 100دج ايليميتي صينون لوكان عندي شحال ملي كملت لهدرة مكانش بيروطابا قدامنا بش نفليكسي زيد مكانش دراهم..... اصلن كي يوصل يرومبورسيلي يمات لاپوس تراها جاتني غالية)، قلتلو:"لمحاجب نخليهم للعشا"، قالي:"و لفطور؟"، قلتلو:"بن عمييييي تخمم غير على كرشك ماتعرفش تقول توحشتك و ني حاب نجي نشوفك و كدا؟"، قالي:"خسارة عليك بيبي هادي بلا مانقولك تعرفيها"، قلتلو:"طز يامصر"، قالي:"وش دخل مصر؟"، قلتلو:"ليزونيتي راحو غير فجياحتك علاش هكا"، قالي: "لغتكم بيزار وش نديرلك"، قلتلو:"نتوما لي لغتكم مافيها والو اصلن مزيا درت ايليميتي صينون لوكان فليكسيت 2300دج....علاجالك خلصت 100دج و زدت الفرنك فوقها!!"، قالي:"خلاص كي نجي نرجعلك دارهم"، قلتلو:"هكا نحبك" *و واو راني نحكي من نيتي للان و كتبت هادا كامل بصح مادخلنيش نكمل*.... قلتلو: "مانخليهالكش فقلبك حا نديرلك فالطفور شخشوخة"، قالي:"عاوديها عاوديها"، قلتلو:"ايه شخشوخة وش فيها؟؟؟"، قالي:"هادي تبان اسم تع شخصية تع تاريخ ولا كش مصطلح تع جغرافيا لي انا خباش و ماقدرتش نحفظهم ولا مافهمتهمش كي سييت نكوپييهم مالطابلة"، قلتلو:"كي تاكلها تبلع ماتزيدش تكريتيكي". اومبعد قاعد يسيي يقولها و انا نعلملو و كانت كلها مجرد محاولات فاشلة حتى قالي:"نتي محاربة حوجك"، قلتلو:"وش تسنا من بنت لافريك و تضل تهدر مع رنرن و حورة و جربومة (ديديكاس لتشان بايصد خخخخخ) و نهار كامل و هوما يمنشرو فيك"، قالي:"وشنو!!!"، قلتلو:"حقا عمري طولت حتى جيپياس و ماعرفتش تستعملو!!!راحت لانترنات هكك برك"، قالي:"معليش دوك نفليكسي"، قلتلو:"وين تفليكسي فخلا يماك حاشاها عجوزتي جيسيكا لي جابتك فالدنيا و نحبها،راك فصحرا حا تفليكسي بالرمل؟مكانش بيروطابا فالصحرا يا بغل"، قالي:"شبيك عنيفة ليوم خخخ"، قلتلو:"حباستك حا تهبلني"، قالي:"كملتي عليا"، (مزالني بالايلليميتي) قالي:"هايا سيريو وشبيه مزاجك تقلب؟"، قلتلو:"توحشتك🥺"، قالي:"زدتي كملتي عليا كتر"، قلتلو:"هادا كامل بش تاكل شخشوخة!!!"، قالي:"مزالكي مع هاد لكلمة!!!"،انا سكتّ حتى فهم روحو و حشم، قلتلو:"لوكان جيت انا لعندك لكوريا كيلعادة و نوصل تمتم و ماتصراش هادي كامل الدراما و خلاص،اصلا ني مقلقة راك فصحرا يعني وحدك فلخلا نخاف تجي وحدة نعشي ناكل فالشخشوخة وحدي و زيد نتا مربي فلوسطرالي و كوريا يعني عايش فلحرير دوك تسوفري و تحصل و نا نحصل بيك،لوكان انا اوموان محاربة الصحراء نوريلك التشرد و العيش فالادغال و التسوفيج و التحرحير و العيش في المناخ و العالم القاسي و سورتو الفقر و السعادة"، قالي:"بهاد التشبيه تقوشي جوزتي طفولتك كي ماوغلي و كي كبرتي تحلبتي سافرتي بصح طاحت بيك الطيارة و كي خرجتي منها و بدون سابق انذار بدات الحرب و شاركتي فالحرب العالمية الاولى و الثانية و الباردة،اصلا اسمعي هاديك تع تجي وحدة تعاوديها مانرومبورسيلكش الزوانت"، قلتلو:"ها خلاص ني زميت فمي و بلعتو👀"، قالي:" بلاكي تعاوديها هادي تع وحدة انا نغزر فيك غير نتي"،حتى طرطقتلو فوجهو و بلت مالضحك، قالي:"وشبيك سيريو"، قلتلو:"ياجدك خاطيني الرومنسية،اصلا كريييينج"، قالي:"جيت حا نجي نعلملك تقلي لبيض فينالمون تبانلي نعلملك الرومانسية و التمعشيق"، قلتو:"بلاك و تغلط فاميلتي يرموك فالسينيغال مشي غير فادرار"، قالي:"ياخي مايفهموش لغاتي بين زوج🙃🙃🙃"، قلتلو:"اهاااه هنا صح😏😏😏"، قالي:"فهاد الامور نصيب الحل"، قلتلو:"و تزيد تهدر،هادا فش تصلح،ديجا مزال باش تجي دركا؟"، قالي:"هادا كامل وحش(يعني توحاش،كي توحشتو)"، قلتلو:"افهم وحدك تعرفني مشي رومانسية"، قالي:"روحي برك انا تان توحشتك و مدابيا نوصل بصح نقولك عفسة بصح ماتتقلقيش"، قلتلو:"تلاقيت وحدة!!!!!!!!"، دارلي👀👀👀👀👀👀👀👀👀👀👀👀 قلتلو:"خلاص مانعاودهاش"، قالي:"خلاصتلي الطرواجي اصلا ماشفتش اثقل منها فحياتي"، قلتلو:" مرحبن بك مع اتصالات الجزائ-وشنووووووو!!! كفاش خلصت طرواجي تمتم نخدم عليك انا؟فلستني اصلن تبانلي ندبرلك هاديك الوحدة دبر راصك دير معاها وش تحب و توريلك الطريق ولا تفليكسيلك المهم دراهمي مايروحوش غير فالزوانت"، قالي:"وشنو!!!" قلتلو:"والو عمري نحبك محمح خلاصلي ايلليميتي"، قالي:" ايلليميتي مايخلاصش يا بڨرة علاش فبالك سماوه هكا؟"، قلتلو:"ماما عيطتلي بش نغسللها لماعن"، قالي:"راكي فالبلاد و يماك راهي فولاية وحدوخرة لي اسمها ألڤي،تروحي 600كلم بش تغسلي لماعن نتي؟"، قلتلو:"خرا خلاص دوك نفليكسيلك باي و هاديك الولاية اسمها ألجي يا البغل مشي ألڨي"، قالي:"ااااخلايا هادي هي الدجيي!!!(للجماعة لي تعرف هاد الفيديو)"، قلتلو:"روح برك ايه اسمها هكا اصلن عييتلي مخي هايا صاحا بيزو باي" و كوپيتلو فوجهو.
الرومانسية↖️ توظيف الكلمات "قلتلو و قالي" ↖️↖️↖️
______________~~~~~•~~~~~______________
ڥوالا هادا كان مختصر لواش صرا في هذه اللحظات الرومانسية جدن، تحبو نزيد نحكي كتر على مغامراتنا و حياتنا الرومانسية المثيرة للإشمئزاز مكانش كامل مشكل👀👀👀(هادي اذا قريتوها حتى للهنا اصلن)
^•^Well,I Hope U Enjoyed This تفاهة💁🏻♀️^^
_______Tell me your opinion in the______ _______comments , i would really_______ __________appreciate that ^3^___________
___Tell Me If You Want To See More____ __and suggest me a topic or a content___ __u want me to make a theorie from it__ ________________🙂🙂🙂_________________ _______(If I Even Can Post Another______ ______________Time Lmao)_______________
________✨See You Next Time!!!✨______ _________(If There's A Next Time________ ________'cause I'm too lazy XDDD)_______
