عشك أبن الغربية

بارت 19

هالة: هسة يجي ديصلي ... تعال ماما يوسف يمي ..
ولك كبران .. مابيه اشيلك .

يمه يمه شلون خدود حلوات ..

يوسف : هههه لا ماما لاتبقين تكَرصين بخدودي ..

هالة: ولك صاير نحيس ..
كَوم افتح الباب دا يندك ...... يمه فدوة لطولك

طليعة: اي يلكَطمه وانتِ شوكت تخلفين .. لو ناويه تبقين هيجي ..
انه اريد ولد

هالة: الله كريم غير رزق الله ..
احجي بيني وبين نفسي  ان شاء اجيب بنية

علا: سلام عليكم ..شلونكم ...

ام حسين: وعليكم السلام ... هلة يمه وحدج جيتي ...

علا : لا هيا هم جتي وياي ..

احمد: خيرر شكو جايات انتن وجهالجن .. ترة العرس وخلص .. هساع ندري توم يعني حته جيتجن سوه

علا: الي يسمع يكول عدنه عشر جهال .. هو انه عندي هلواحد ...
وهيا اثنين بعد شكوو ..

احمد: شكَاوة  تعالي اموني حبيبي ..

هالة: اجني علينه علا وهيا  ..
علا عدها ولد واحد اسمه  ايمن .. عمره سنتين ..

وهيا عدها ولد اثنين .. خطاب .نفس عمر ايمن... وعلي اصغر منه .

احمد: هاي شبيهة امك ..

ايمن : آوبه ..
احمد: اي والله عوبه . وام لسان ..

هيا: هاي شبيك علينه .. اليكول جايين بيتك ..

احمد: عجل بيت منو  .. مو انه كَاعد بي ..

هيا: هاك خطاب شنو شايل بس ايمن ..

احمد: جيبي  همزين ماطالعين عليجن .. طالعين فقرة ع ابهاتهم ..
ولا انتن ... ما تنجرعن .
خطوبي انه منو

خطاب : انتَ عموو .
احمد: عمه يعمي ابو تحسين .. انه خالك ..مو عمك ..شكول اذا امك هيا وخالتك علا الثولة ..

علا: راح ازعل وارجع ..

احمد:.وزعلتهم   .. الله ومحمد وعلي وياج .. عود سدي الباب وراج ..

حسين: يول احمد شبيك عليهن .. معليجن بي .. هلة بيجن .. شوكت ماتجن الباب مفتوح  ويستقبلجن ..

علا: كفوو هذا اخونه .. ابو هلا ومرحبا مو مثل غير ناس .. يتباجون ..

احمد : بعد بعد تلوكَي ..  .. ترة بنته من هسه محجوزة لابني وانه ناهي عليهه ..

حسين : ول انه ما انطيك بنتي.. خاف ابنك يطلع .. يحب البنات .... ويتعبني وياه..

احمد: ديله موزين لالكين واحد  يقبل بتكم .. اشو الاب .يجلط المجلوط ... والام بترة ... عاد شون تطلع ..

.......

فرات: يمه يمه وينج ..

ام حسين: هاا يمه احدر هين ..