عشك أبن الغربية

بارت 19

حسين: لوتيه لاتتحرشين .بيه .. تعرفين النتيجه ..

هااالة : ههههه رومنسيتك العراقية شلون انساها ...
يله فدوة احجيلي   والله الفضول قاتل ..

حسين : ام لسان .. انه مو كُتلج بيتنه الي بغداد احترك ..

جان بيت بكَر  بنفس الفرع  مالتنه...  عاد هو انطانه بيته نكعد بي  لان احنه  جنه مخبوصين ..ومنا ام يوسف توفت .

وهو وريان راحوا اجروا  شقة الهم كعدوا بيهه..

بعيدين .. ردنا نأجر بيت ونطلع هو ماقبل .. وحلف علينه نبقى ...

كَال انتوا عائلة وين تلكون هساع بيت  يكفيكم  بهل الظروف ..  ظلينه كَاعدين  ... بيتهم سنه كامله .

وبعد هواي مواقف مسويلنه ماتنعد ..

هالة: خطيةة شكد خوش ناس ..همزين احمد تزوج ريان ..
ومال سالفة فرات عمتي سولفتلياها ..

من فرات رايح للانبار وبعد ميكدر يطلع ... عاد رايح هو واحمد كوة جايبنه

حسين : اي الحمدلله صارت من نصيبوا ..

بهذاك الوكت ردت انجلط ... منا انه ودوني للموصل دوام .
ومنا فرات عاصي بالانبار .. واحمد وبكَر راحوا علية ..

ظليت لاليلي ليل ولا نهاري نهار ...    انوب امي متخربطة بالمستشفى ..  الحمد ع كل حال..
ايام سودة    عشناها راحت  لاردت ..

بكَر اخونا الي ماولدتة امي

هالة: اللهم آمين ... الحمدلله ع كل حال ...

فعلا ربُ اخ ٍ لك لم تلده امك.. انطبقت عليه هذه العبارة  ..
يله حبيبي كَوم صلي ...
و اني راح اطلع يمهن ..

حسين : توهة تريد تكوم وجريتهه من ايدهه .. نومته بصفي ..

عجل هذا الحجي كله ...  وبس حبيبي ..

هالة: هههه اكو احلى  من حبيبي .. وكَلبي .. وكلشي انتَ ..
بسته من خدة .. يله يبعد   انياط ...ووتين قلبي .. خل نكوم ..

حسين::ههههه والله لامو ورايه صلاة جان عرفت شغلي وياج ..
اشتعلوا عشيرتج ع الحجي .. كَومي يابه كَومي ..

هالة: هههه لاكلشي اله عشيرتي ... 

  غلطان دليم مايشتعوا... .. لان همه من الاصل  مشعولين  بالعصبية ..

حسين: هاا يولي شو هيج صار الحجي ..
مو هو انه ادري بيج لازم تجفصينهه ..... ما تخلينهه تمر سلامات. 

هالة: يبوو زله لسان والله ... خل اطلع قبل لا يزل  لساني اكثر ..

طلعت من الغرفة لكيت طلوع وعمتي كَاعدات يشربن جاي  . ويوسف يلعب يمهن .

مساء الخيرر

ام حسين: هلة يمه مساء النور ..عجل حسين وينوا ..