نصفي العقيم ( مكتمله )

بارت (٩)

قبل كلشي اريد دقايق من وقتكم تترحمون بيها على شهداء ثورة العشرين 💔

_____________________________
على رموشك كحل ، من حزن ودموع

او على وركة خريفي افراح نديّت

ياعين التشيلك يا شمس آب

اشيلنّك جمر لو الك صديّت

فداك الراح كله ، او انذر الجاي

او عمت عينه اليكلك يوم ضحيّت

يا آخر ملاذ ابشحة الطيب

او بيت انته او فداك ايروح كل بيت

_______________________

روايـة "نصفي العقيم"

البارت التاسع...

للكاتبه : يُمنا نـآصر
_______________________

قراءه ممتعه .،

بغداد: ادنيت اكثر واتي احاول اسمع الهم
حجت رواء

" شوف صگر اني احبك واحترمك انتَ صديق عهد ورابين سوه ومعزتك من معزته بس ترى زودتها حيل هاي ثالث مره تطلب هالطلب وارفض .. والله العظيم اسوي شي اخليك تعض اصابعك ندم كافي عاد زودتها حيل .. ترى اوصل السالفه لغير ناس وانتَ تعرف شنو اقصد .. ماريد اذيك وخلص سد الموضوع واذا نفتح مره ثانيه انفذ تهديدي الك الي كتللك علي المره القبلها ..

بغداد : سمعت الباب نرگع عرفت صگر طلع من البيت رجعت اني لغرفتي وگعدت ادرس والسالفه تدور بالي شعدها مرت ابويه تهدد صگر !

نفضت الافكار من راسي ورجعت اقره ، صرت خامس اعدادي وامتحانات نهائيه عدنه ..

مرت ايامي بين دراسه وامتحانات وطلايب مرت ابويه المتخلص ويايه وشوگ امي الي يعذبني تالي الليل .. حاولت بهالفتره اجنبهم گد ماگدر ومايصيرلي مشاكل بس اخلص امتحاناتي على خير ..

شديت حيلي ودرست بجد رغم مرت ابويه طلعلي كل شويه شغله بس ابقى شايله الكتاب دوم ويايه .. والحمدلله خلصت فترة الامتحانات على خير جاوبت زين ونجحت الفرحه جانت متنوصف عندي لان تحديت نفسي والظروف وگدرت اسوي الاريده ..

طلعت من المدرسه شايله الشهاده بايدي واضحك مثل الطفله وصلت للسياره واول واحد بشرته هو حسان صاحب اكبر فضل عليه بعد ربي ..
اخذ الشهاده من ايدي وباوعلي وعيونه تلمع كال بفخر الحمدلله اني گلتها بغداد كدها انتِ بويه كدها والله ..

" بقيت اباوع اله واباوع للشهاده كل الطريق اني گلبي طاير واحس بمعدتي فراشات بس سرعان ماختفت هالفرحه من وصلنه يم البيت ..
اختنگت حيل لان بعد ماشوف حسان كم شهر .. مد ايده هو جوه رجله وطلع مجموعة كتب .. گال هذي كتب لنازك الملائكه اقريها كلها تفيدج تحسن من لغتج العربيه .. ووياها كتب للسادس اقري منهن بالعطله .. دمعت عيوني وابتسمت اله كتله شكراً حسان على كلشي على وگفاتك الحلوه ويايه على گلشي سويته الي اني اشكرك ..