حب يعزف على اوتار الثائر

بارت الاول

#مساء الخير حبايب

( قَصةِ حَِّبَُ يعٍُِّزفٍْ عْلىَ أَوِتاَر الثٍائَر)

الكاتبه شهد البياتيه 💕

اسمي جراح عمري 27سنه مامتزوج لان صرت مسول على المنطقه الي اني بيها بعد ماتوفه ولدي وكلشي وكع براسي
ابوي جان شيخ عشيرتنه ومحد يطلع من كلمته والكل ياخذ شوره اب اي شي
صار عدنه عدوه من وره الكيعان انت ماخذي شويه من كاعتي  وهاي الكاع بسم ابوي وكلمن يكول شي
ابوي ماقبل كال نحلها بتفاهم والكل يجي يكعد يم ابوي وضلينه فتره على هذا الحال
ابوي قرر يشتري الكيعن الي لعشيرت جهاد وهو الاخ الاكبر الهم والي يحجي بلسان الكل جهاد عنده ولد اسمه وسام يكولوله ابو وسام
ابو وسام وافق يبيع الكيعان لبوي وتفقو انو يخذون نص الفلوس والنص الاخر نهايت الموسم ابو وسام وافق ومحد حجه شي
ورجعت العشيرتين مثل قبل واحسن بس فاجئه شالو كل عائله ابو وسام وخوانه وعمامه لبغداد ماهتمينه لهذا الشي
وقبل نهايت الموسم اجو خوان ابو وسام يردون الكاع مالتهم
ابو جراح/ شنو هذا الحجي انتو بعتو واني شتريت مراح ارجعها هاي المره انتو ادورون شر
خوان ابو وسام الكاع ترجع واذ مارجعت لا تلومون غير نفسكم
مرت الايام واحنه على هاي الحال يوم جنه نايمين بليل واجا ابو شاهين كال الزرع اكو احد حاركه ونار شبه بيه
طلعنه كلنه والقريه كلها بس ماكدرنه نطفي النار لان الزرع يابس واخذ مثل البانزين
ابو شاهين/خلي نروح نعلمهم درس ماينسونه
ابو جراح/عوفهم ماريد تكبر المشاكل
جراح/ابوي ميصير هيج ماكو غيرهم حركو الزرع
ابو جراح/ابني هم يردون مشاكل واني ماريد اخسر احد. منكم
مرت الايام ومحد اجا طالب بنص فلوس الكاع الي بقت
بس مره بليل كلنه كاعدين بلبيت واجا ابو شاهين كال شيخ ابو جراح اكو جماعه يردونك بلديوان
طلعت ويه ابوي رحنه لكينهم اخون ابو وسام ويطالبون بنص فلوس الكاع لو نرجعها الهم
ابو جراح/انتو حركتو الزرع وهسه جاين اطالبون بنص فلوس الكاع
خلي يجي ابو وسام واني اتفاهم وياه
ابو حمزه/اخو ابو وسام اسمع منا لباجر مادبرت الفلوس الكاع ترجع ولا يصير دم
ابو جراح/الي يطلع من ايدكم سووه ابو جراح /الي يطلع من ايدكم سووه
ابو حمزه/لزم ناخذ الكاع بدون علم ابو وسام اذ يدري مراح يقبل
شوفو باجر بليل نروح عليهم نخوفهم تخويف مانريد يكع الدم واذ وكع راح تكبر المشكله
بليل الساعه ب2بليل سمعنه صوت ضرب فشك نزلت لكيت ابوي وابو شاهين شيلين سلاح وابوي كال لا تطلع
لان هذوله اجونه غدر بليل وماندري بيهم طلعو ابوي وابو شاهين
واني بس اسمع صوت الطلق بينهم
ابو وسام/رحت للبيت اهلي مالكيت بس النسوان تبجي شكو كالن ابو حمزه اخذ خوانه وراح يهجم على ابو جراح
جراح طلعت ولكيت ابويه مضروب بصدره وابو شاهين واكف يمه والسلاح بيد ابو وسام واكف هو وخوانه
واني كمت احرك بابويه بس مايرد عليه كمت اخذ السلاح بس ماشفت ابو وسام ولا احد بس اهل القريه انكلبو علينه وكالو مراح يروح دم ابو جراح هدر
ابو وسام/من شفت اخوي ابو حمزه بيده المسدس اخذته من ايده وشفت ابو جراح بلكاع والدم ينزل من صدره اخذت خواني ورجعت لبغداد مو انهزمت بس
دريت اهل القريه راح ينجمعون ومرح يخلون واحد عايش منه لهذا اخذتهم ورجعت
ليش هيج سودت وجهي اني انطيت كلام عيب عليك تكسرون كلامي
ابو حمزه/اني ردت ارجع الكاع
ابو وسام/شراح اكول للعالم شراح احجي
ابو حمزه/روح سافر ماعليك اني احل كلشي
ابو وسام/انت مخبل شلون انهزم
ابو حمزه/هم شافو السلاح بيدك عبالهم انت كتلت ابو جراح مو اني
ابو وسام/مراح اتحرك منه لحد ماصلح كل شي
جراح/اليوم اضلم والكمر غايب وحلت الكارثه وفعلا الكمر غاب وضلينه بدون ضوه القريه كلها تبجي وتنوح على الشيخ على الرجل الطيب على الي يحب الخير للكل
امي وخواني كلهم مصدومين اني مااعرف ابجي لو اروح اخذ ثار ابوي الدنيا اسودت بوجهي
بعد ماخلصنه الدفن سوينه العزه وكل القريه لبس حداد على شيخ عشيرتهم
ام وسام/خلي نسافر وناخذ جهالنه شراح يصير بيهم
ابو وسام/شلون تردين انهزهم هذا مو طبعي
ام وسام/فتره ونرجع من يبرد دمهم هسه حار وراح يعلكون اليابس والاخضر
ابو حمزه/اخوي روح واني من تهدي الاوضاع ادرب عليك تجي وابوي بين الحيه والموت روح يريدك لا يموت انت مو يمه
ابو وسام/اروح فتره بس ارجع وصفي كلشي ماريد يصير هيج وانتو ماريد احد منكم يروح عليهم لحد ماشوف شلون احجي وياهم
جراح/خلصت العزه واحنه نار شابه بصدرنه ومانحس غير ابو حمزه يجي علينه وجايب ويه شيوخ عشائر
اني اخذت السلاح وكلت اخلص عليهم كلهم بس ابو شاهين هاي شبيك شيوخ وياهم خلي نكعد وياهم وبعدين ناخذ بثارنه منهم مو هسه تعال انت شيخ بعد ابوك مايصير الشيخ يتهور