" နေမကောင်းထားတာဆိုတော့ ထမင်းစားလို့ ဖြစ်ရဲ့လား "
ရှောင်းကျန့်က မေးတော့ ရိပေါ်က ပလုပ်ပလောင်းနဲ့ ဖြေ၏။
" ရတယ် စိတ်မပူနဲ့ နေကောင်းပြီ "
ချက်ထားတဲ့ ထမင်းဟင်းတွေကို အားရပါးရစားနေတဲ့ ရိပေါ်ကိုကြည့်ပြီးရှောင်းကျန့်ပြုံးသည်။
တကယ်က ရိပေါ်လည်း အိမ်ထမင်းဟင်းမစားရတာ ကြာလှပြီ။ ဒါက အိမ်ကထွက်လာပြီးနောက်ပိုင်း ပထမဆုံးစားတာဖြစ်သည်။ ပြီးတော့ သူစိမ်းတစ်ယောက်က ကိုယ့်အတွက် ပထမဆုံးဟင်းချက်ပေးဖူးတာဖြစ်သလို သူစိမ်းတစ်ယောက်ချက်ပေးတဲ့ ထမင်းဟင်းကို အားရပါးရစားတာ ဒီတစ်ခါ ပထမဆုံးပင်။
" so jeon လက်ရာ တကယ်ကောင်းတယ်... "
ရိပေါ်က လက်မထောင်ပြသည်။
" အဲ့လောက်လည်းမဟုတ်ပါဘူး ",
ရှောင်းကျန့်က ရိပေါ်ချီးကျူးတာခံရတော့ မနေတတ်သလိုနဲ့ သွားဖြည်းပြသည်။
" ကြက်ကြော်က တကယ်မိုက်တာ။ နောက်မှ ခင်ဗျားတို့ဆိုင်ကို လာအားပေးပါဦးမယ် "
" .... "
" ဒါနဲ့ ခုနေ့လည်စာဆ်ိုတော့ မနက်စာစားပြီးပြီလား "
ရိပေါ်က ရှောင်းကျန့်ကိုမေးလိုက်၏။
" မစားရသေးဘူး။ ခုမှ မနက်စာနဲ့ နေ့လည်စာပေါင်းစားတာ။ တမနက်လုံး ဟင်းချက်နေရတာနဲ့ အချိန်ကုန်ရော "
" အားနာစရာကြီး "
" ရပါတယ်။ အားနာစရာမှမလိုတာကို "
အားနာတယ်ဆိုတဲ့စကားကို ပြောလေ့မရှိတဲ့ ရိပေါ်အတွက် ပထမဆုံးအားနာခြင်းလို့တောင်ပြောလို့ရသည်။
ပြီးတော့ ရိပေါ်အတွက်က ထမင်းဝိုင်းမှာ ပထမဆုံးစကားများများပြောဖူးတာပင်။
ရှောင်းကျန့်နဲ့တွေ့မှပဲ ရိပေါ်က ပထမဆုံးဆိုတာတွေပဲများနေတော့သည်။
" ဟို မနေ့က so jeon ဝယ်ထားတဲ့ထဲ နံနံပင်ပါလား "
ရိပေါ်က ထမင်းငုံ့စားနေတဲ့ ရှောင်းကျန့်ကို မေးလိုက်သည်။
ČTEŠ
AI (Edit လုပ်နေဆဲ )
Fanfikceအချစ်ဆိုတာ အလျော်တောင်းရာကနေ အကြွေးပြန်ဆပ်ရတဲ့အဖြစ်ကနေစတယ်။ အခ်စ္ဆိုတာ အေလ်ာ္ေတာင္းရာကေန အေႂကြးျပန္ဆပ္ရတဲ့အျဖစ္ကေနစတယ္။
AI - 10
Začít od začátku
