تعال وياك أخذني وخـــــل نروح آبعيد
ونعيش الفرحه كافي وخل نعوف الهـمّ
تعبنه الوكــــــــــت والقدر بينه يدوس
مجروحين آحنه والجرح يلجـــــــــــم
محد بينه داري وعذبانـــــــه الحــآل
وألك هذا الحچـي يـلّ وحــــدك آلتفهم
كل شي يخـون بينه لكن انّـه ويّـــــآك
أبد منخون حبنه وربك اليعلـــــــــــــم_______________________
روايـة "نصفي العقيم"
البارت الثامن...
للكاتبه : يُمنا نـآصر
_______________________قراءه ممتعه
بالبدايه احب اقدم جزيل الشكر للكاتبه والصديقه الحلوه زهراء المظفر .. مقصرتي يروحي ZaHoRa5
بعد ماحجيتله احلامي المأسوره وروحي الملتهبه بنار زوجة ابويه تنهد وگالي ..
"الله كريم يصير خير خل افكر زين واكولج شسوين بس هسه اجنبيها گد ما تگدرين لا تحجين وياها ابد .. والي تكولج علي نفذي بسكوت"هزيت واسي و گتله انشالله.. هو رجعني لبيتنه فتحت الباب اريد انزل رجعت نداريت علي وكتله .. حسان شكراً الك
"ابتسم وهو يباوع بعيوني ..العفو ممسوي شي
"نزلت من السياره طبيت للبيت وهو راح .. اجتِ مره ابويه عليه كالت اصعدي فوك ولاتنزلين اليوم ابد اذا شفتج نزلتي اكسر رجليج
"كتلها بتفاجئ لييش شكو ؟
" لاضلين تسالين ولي فوك ولاتنزلين اليوم مثل ماكتلج
" طبيت بدلت ملابسي لبست تراك واخذت جنطتي وطلعت كتلها وين اكعد
"بالبيتونه
"بس ماكو صوبه
" اي تحملي هاليوم محتموتين من البرد يلا اصعدي ..
" صعدت وفرشت بالبيتونه كعدت اقره متت برد متلفلفه بالبطانيه ارجف .. كملت دراستي وحرت هسه شسوي وين اروح ..
ضليت كاعده وخشمي احسه قالب ثلج كلش بارد .. بقيت ساعتين كاعده وصافنه شويه واسمع هوسه جوه وناس سلم .. خفت اكوم اشوف شكو والنوب غير رواء تموتني ..
سمعت ابويه اجه طب وكال السلام عليكم شلونك يابه ..
كمزت بسرعه واني احاول اركز
رجع واحد ردله .. هلا وليدي بخير الحمدلله انت شلونك" معقوله هذا جدي وذول الطبو عمامي ، زين ليش ماتريدني رواء اشوفهم ..يجوز هما كايليلها منريد نشوفها ..
للمغرب اني على لحم بطني وكلشي مماكله غير على جيس جبس من المدرسه .. بطني تقرقر احسها نلزكت على ضهري من الجوع
صعد عهد على الدرج وشافني كاعده گال باستغراب
أنت تقرأ
نصفي العقيم ( مكتمله )
ChickLitروايه عراقيه واقعيه ١٠٠٪ نِصفٌ سليم ونصفٌ عقيم نصفي يُعاني مشكله العقـم ..! وهَـل مُصطلح العقم يقتضي فقط على عدم الانجاب ام ينحدر تحت مُسميات اعمَـق .. رياحٌ عاتـيه ، وامـطارٌ غزيره ، ومسالكٌ وَعـره وفتاة خرجت فـي طُرقات الحياة مُجرده من ذو...