نصفي العقيم ( مكتمله )

بارت(٨)

"بغداد هاي شعندج هنا شدسوين ..

" كمت كتله .. خاله رواء كالتلي صعدي ولتنزلين اليوم ابد

"وليش مطبيتي بغرفتي كاعده بهالبرد خشمج صاير طماطايه

"موو هي كلتلي كعدي بالبيتونه ..

"هز راسه معاجبه الحجي .. لاحول ولاقوه الا بالله .. دكومي طبي لغرفتي خل اشغلج تدفئه

"ماكلت لا متت من البرد مو مال اتعزعز كمت ويا وهو خطيه فتح تدفئه بالغرفه مالته

"ندار عليه گال اكلتي ؟

"رديت لا والله مماكله كلشي

" انزل اجيبلج

" لا لتعب نفسك

"ماكو تعب يابه.. اجه يفتح الباب يريد ينزل واستوقفته بصوتي واني اكول

"بسس

"ندار عليه گال ..بس شنو

"بلعت ريك وكتله .. عهد خاف امك متقبل وتصير مشكله .. وانت اكيد ماكل مو ؟

" ايي ماكل ليش سئلين

"هسه من شوفك تصعد اكل تعرف هذا ليه لان انتَ شبعان

"يعني شنو تريد تموتج جوع

"نزلت راسي بقهر ومحجيت

" اتنهد بحسره وگال لا تحافين متاذيج .. اني اعرف شسوي .. طلع تلفونه ودگ على صگر گله خويه اريد تكللهم جوعان وتسويلي صينيه مرتبه وتصعدها فوك .. على اساس تاكل بغرفتي

سئله ليش كله معليك بس سوي الكتلك علي .. سده منه وگعد على حاسبته .. شويه وندك الباب فتحه عهد وصگر جايب صينيه بيها دولمه وكلها ضلوع وخبز ولبن وطرشي وتمن وعلي لحم .. اخذها منه وصگر سئله كله ..

" شكو ولك شصاير ليش كتلي صعدلي صينيه

"بعدين تعرف

"شعرف شنو حامل ودتتوحم

"دنجب من عابت هالصماخ ..

" شو دوخر خل اطب

" لالا اوكف لطب .. بغداد جوه

"اهاا اسف خويه بس شعدها ماتنزل جوه

"اخذ نفس عميق وگال ... بعدين اسولفلك

"ترخص وراح وعهد جاب الصينيه خلاها كبالي .. اكلت لما شبعت ميته من الجوع صارلي شگد مماكله هيج ..