الضابط المستبد والخرساء( افراح حزينه)

البارت الثاني

                 عيش
                 ولا تظل تمشي ورة جروحک
                 وإذا موجوع دبرها
                 ترة شما سولفت ع البيك
                 تبقى التوجعك روحک 💔

افراح :كعدت الصبح مثل كل يوم جهزت البنات لدوام وسويت ريوك وجهزته ورحت سويت ريوك وتريكنه وكلمن راح لشغله
حسنين بعده نايم تعبان.
وامي كاعده رجليها توجعها

طلعت اغسل الطارمه ،،
شويه وندك الباب رحت لبست حجاب ونزلت دشداشتي ورحت فتحت الباب
اكرم: فريحه شلونج
افراح :بابتسامه والفرح مبين على وجها: حضنت اكرم
رحت اصيح،، يمه يمه اكرم اجه
الام :الله يبشرج بالخير
اكرم :الله يساعدج يمه
الام :هله يبعد كلبي ولك يمه كلبي لايب عليك
اكرم :فدوه اروحلج يمه وحضنت امي وبست راسها ،
افرح :راح اكرم يرتاح بغرفته
الام :فريحه يمه جيبيلي علاجي
افراح :جبت العلاج لأمي ،،ورحت سويت غدا
رجعن البنات من الدوام ايلاف واطياف ،
ولمن اجه ابويه من الدوام نزل اكرم سلم على ابوي وسلم على حسنين وكعدو
خليت الغدا وتغدينه…
بعدين صبيتلهم جاي وخلصنه رحت سبحت ومشطت شعري وخليت شويه كحل ونزلت
صارت الساعه ب4 رجعن اكرام وزبنب من المدرسه لان دوامهن عصري ،،
بدلن وتغدن ..
اكرم :بويه اني رايح لبيت عمي اشوف علياء
ابو اكرم :روح بويه وسلملي على عمك وعائلته
اكرم :يوصل يابه
افراح :طلع اكرم راح وابويه وحسنين كاعدين يسولفون ..
والبنات بغرفتهن واني وامي بالمطبخ
شويه وسمعنا الباب ندك دكه وحشيه ترهب الگلب وتسلب الروح ،
راح ابوي وحسنين يشوفون منو واحنه بقينه بالمطبخ نتباوع من الشباك .
شويه ونشوف الباب ندفر ودخلو شرطه مسلحين و وياهم ضابط ،،
طوقو البيت .
واحنه بقينه متفاجئين شنو السالفه وليش الشرطه هنا
راح حسنين لضابط يسأله
حسنين :سيدي اني عسكري بالوحده .... بالفصيل .... ممكن تفهمني شنو الموضوع
الضابط(حمزه ):انت عسكري
حسنين :اي سيدي
الضابط حمزه :عندي امر بألقاء القبض على المتهم اكرم جاسم حسن
ابو اكرم :شنوو سوه ابني ابني جان بالبيت وقبل يوم جان بشغل بغداد اكيد متوهمين او تشابه بالاسماء ..
حمزه :ابنك متهم بجريمة حرق سيارة نجده (شرطه ) وقتل شرطي .
حسنين : سيدي اخوي اكيد ميسويها هو ماعنده هالسوالف وميمشي بهاي الطرق
حمزه :عندي امر افتش البيت يله ادخلو فتشو بسرعه
افراح :بعد مسمعنه الكلام الي كاله الضابط امي ضلت تبجي وتلطم على وجها
لان هاي القضيه كلش حساسه وخصوصا بهذا النظام محد يطلع منها وصارت شغلة حزب دعوه وع اساس منتمي اكرم الهم وضد النظام

افراح :البنات بالغرفه اربعتهن واني بالمطبخ اني وامي
وابوي وحسنين بالطارمه
راحو الشرطه فتشو الغرف والاستقبال ملكو شي
كالوله سيدي ماموجود ..
شويه واجه الضابط دخلن علينه للمطبخ ضل يتباوع علينه ويتقدم بأتجاهنه اني من الخوف لبدت وره امي وجلبت بثوبها
الضابط (حمزه):حجيه ابنج وين
امي جنها تعرف بهيج شغلات كالتله طلع ماادري وين ..
ضاج وضل ينفخ ويتأفف
اجه بأتجاهي
حمزه :
الضابط حمزه :حجيه هاي بنتج
الام :اي بنتي
حمزه : شسمها
الام:افراح
واجه هذا الضابط بأتجاهي
حمزه : اي افراح اخوج وين
افراح: …. لارد
حمزه :مو جاي احجي وياج
الام : خاله بنتي خرسه متحجي اسألني واني اجاوبك
حمزه :ضليت متفاجئ وخصوصا من كالت امها بنتي خرسه احس دمعتها صارت بطرف عينها
غيرت الموضوع
حمزه :راح نخلي مراقب عليكم منا لمن يجي اكرم ويتقدم للعداله
حمزه :يله انسحبو
افراح بعد مطلعو الشرطه احس گلبي نكسر لأن سالني ومجاوبت وحسيت كلبي صار بنص من كالت امي خرسه حسيته تباوعلي بشفقه 😔
ابو اكرم :حسنين روح من بيت ابو محمد خابر على عمامك على التلفون الارضي كلهم بلي صار وخلي اكرم ينهزم لايراوي وجهه بعد منا لمن نشوف حل وكله لايجي للبيت مراقب بالأمن
حسنين :صار يابه
افراح :طبعا احنه ماعدنه تلفون ارضي بس جوارينه بيت ابو محمد
الكاتبه تولا العسكري ،

نرجع ل حمزه ..
حمزه :كنت كاعد بالبيت اتباوع على التلفزيون
اتصلو عليه من المركز كالو انو صاير جريمة حرق سيارة نجده ومقتول شرطي ومسوين انذار بالمركز
رحت بدلت ملابسي العسكريه ورحت لغرفة امي لكيت خالتي يمها
طبعا خالتي جوارينه تجي هي تعتني بأمي
رحت سلمت عليهن وكتلهن طالع لدوام اجي باجر ..
طلعت رحت للمركز اطلعت ع القضيه لكيت ولد متهم بيها وياه 4 اشخاص بس الولد عنده ابن عمه معدوم بالانتفاضه الشعبانيه بسنة 91 لذلك ركزو عليه
انطوني امر اطلع اعتقله رحنه لبيتهم طلع ابوه واخوه دخلنه مداهمه فتشنه البيت ملكيناه
رحت استجوب امه عسى ولعل تزل بحجايه او تندل مكانه بس كالت مااعرف وين راح
بعدين شفت بنيه خاتله وره امها عرفت هاي اخته سالتها عليها كالت هاي بنتي افراح
البت بس ترجف رحت عليها سألتها اخوج وين
مجاوبت ضلت ساكته عطت بيها مو جاي احجي وياج
كالت امها هي خرسه ومتحجي اسألني واني اجاوبك
بهاي اللحضه تباوعت عليها دمعتها بطرف عينها رأسا تذكرت امي ومرضها
غيرت الموضوع وكتلهم راح نراقب البيت لمن يجي اكرم
وطلعت للمركز شغل بشغل وهوسه بسبب الحادث .. تعبت نمت بغرفتي بالمركز
الكاتبه تولا العسكري