سُلطانة ملكي

البارت الاول

مرحبا شلونكم اني الكاتبة اساور التميمة

وهاي القصة حتكون بقلمي

سلطانة ملكي البارت 1

كاعدة اعجن وامي تنك على راسي مو هيج ومو هيج ولا تسوين هيج..حطي ملح قليل...ابوج مايريده مالح..والا شوي اخذلي كفخة...عود جاي تعلمني...

-:هسة خل اعجن يمه..عود بعدين انطيني رايج..

وخلصت عجن خلصت من نك امي..ورحت طفرت للغرفة احضر ملابسي باجر عرس ابن عمي مهند...

وهو شلون مهند يخبل خرررب بحظي..يصير اخو علتي بالحياة اخخخخخ من هالعلة كبر وكبور لحظي..

ومرته لمهند تخبل يدورون كله عيون ملونه وخصر ونثر...

باوعت لخصري بالمراية انه من النوع الي آكل بخبال وماسمن..اضعف ما اسمن كلها تصيح سلطانة شهل الخصر الحلو شسويله...

اي اعرف اخترعتو من اسمي ابوي مدري ليش سماني سلطانة من اسأله يكلي بابا روحي مشغول..اشك هاي حب قديم ههههه...

المهم اعرفكم نفسي سلطانة ام عطوووب...اول ماشعري لأن احبه مووت ومحافظة عليه وماكص ولا اصبع....
شعري طوويل واسود وعيوني عسلية فاتح..سمرة حنطاوية ومو بذاك الجمال الاخاذ بس حلوة لا بأس الحمدلله على كل نعمة...

بس جسمي طركاعة الكل حاسدني عليها واشوف الموضوع عادي مهامني ولا مرة كلت خل اسوي رجيم مثل الباقيات لو اهتميت لشكلي...

اكو بنات يكللي ام الخلطات وجهج ليش صافي واحنه متروس حبوب وكلف..والقرآن مرات اكعد الصبح صابونة ماغسل وجهي...

واسناني بيض ومابيهن سوسه والحسين يوم افرش يوم لا مدري شنو جرعة دوى مدري عجز...وخواتي امي كل اسبوع ماخذتهن لدكتور وحشوة ومدري شنو...

وانه بيوم اليجن محشيات اسنانهن اكعد اكرش تفاح واللوج يمهن وهنه الا شوي يبجن كومي طلعي بره كرشي هايشة بس تعلج...اضحك واكعد على عنادهن...

مدرسة ماكملت بصف اول متوسط وطلعت بسبب خباثة واحد حقيير واكرهه..فد يوم راجعة من مدرستي وامشي لبيتنه...

جبر اخو مهند جان عابر بسيارته عليه وشاف ولد لاحكني وعاكسني باللحظة الي عبر هو بيها يبووو شيفكج بعد سلطانة...

وكف وهذاك الوكت صار بالولد انفجار بالمصارين والكلية من كد ما شبع كتل..صار عجينه مختمرة زايد بيد جبر...

وانا الطم هسة شجاب كبر لهل الطريق..من كبر لهل الوجه..وراح كل لابوي واخواني وكالو بعد ماكو مدرسة..بجيت بجي على مدرستي...

وهسة عمري 16سنة جان هسة خامس..وميته قهر على مدرستي بس الحمدلله اعرف اقرا واكتب وحتى انكليزي تعلمته من الأفلام...

اموووت على ام بي سي تو كله مكابلتها يبوووي الاكشن والرومنسية عشششك..ومن جنه بيت جدي كاعدين عركة انه وعمي الزغير هو يريدها وانه اريد افلام كرتون...