أماني الغولة وفؤاد (مكتملة)

4

فؤاد : واش اسلامو نشوف فيك عجبتك اماني

اسلام: ايه عجبتني اما ماش كيف فهمت حسيتها صادقة و حاب نتعرف عليها مليح

فؤاد: ممممم اوكي اما خود حدرك بنات كيف هادو ما يصدقوش يلقاو واحد بضوف معاهم باش يديوه رد بالك تغلط معاها ولا خاطر هنا ماش كيف الخارج يقتلوك نورمال كون ما تزوجهاش

اسلام: ىاني قتلك عجيتني و حاب نكون صديق معاها ماش حبيب و انا عمري ما رح نضرها بشي

فؤاد: هدا عندك 5 دقائق من لي عرفتها و راك تقول هكدا

اسلام : صحيح اما ضحكت معاها كيف عمري ما ضحكت في هاد 5 دقائق

فؤاد: صح ما نكدبوش مام انا ضحكت

اسلام: خلاص مالا يلاه نروحو نبدلو و نروحو لداىكم اني جيعان اصاحبي

رجعت اماني لدار قشها مبلول و تضحك على شي لي جرالها بدلت قشها و رمات روحها في السرير تحكي مع روحها : غريب قبل شوي كنت نبكي على هاد السرير و سبحان الله جاو دوك 2 خلاوني نضحك كيف ما عمري ضحكت

عند فؤاد لي كي شافتو عايلتو ترماو عليه يحضنو و يبوسو فيه ماماها كانت تزغرت من الفرحة هبطت منار و ميسا بيت عمو يجريو مين شافتو منار راحت سوطات عليه لين طاح في الارض تبوس فيه

منار : توحشتتتتتتتتتتتتتتتتك

فؤاد: هههههه حتى انا اما كون تبقاي فوقي هك راح تتوحشيني صح خاطر اكيد راح نموت

ميسا : بعيد الشر عليك

فؤاد : اوووووو ميوسة كبرتي الله يبارك و زدتي زينتي ارواحي نسلم على ختي تانية

حست ميسا بغصة هي تحبو و هو قال دك ختي اما نورمال راح يجي نهار لي يحبني فيه

اسلام: واش خالتي مريم ما نسيتي حتى واحد

مريم : ااااااه اكيد انت اسلام لي ديما يحكينا عليك فؤاد ارواح عندي وليدي ارواح

اسلام : خالتي مريم راني جيعان كاش فطور

منار: مكانش فطور حتى تعطيونا كادو تاعي

اسلام: اااه تفاهمي مع خوك انا خاطيني يلاه يلاه خالتو اديني للكوجينة يلاه

فؤاد: من بعد نعطيلك واش تحبي خليني نوكل برك

منار: اوكي اوكي الجيعان بصح خويا واش بيه هدا القش لي في شكارة مبلول طاحت عليكم شتاء في الشكارة

تبسم فؤاد مين تفكر اماني :حكتيتو حكاية حطيه حطيه يتغسل عدا النهار على اسلام و فؤاد و هوما يضحكو و يتمسخرو حكاو على شي لي صرالهم مع اماني كانو جميعهم يضحكو