اميرة فالروشن ودقات قلبها عالية من الخوف ع سامي !!
سامي:حول يا زياد هوا يبي تربية نتكلمو معاه باسلوب ناض يتعنتر
زياد: اصبر كل شى ينحل بدوة جيران انتو لما تصيرلك حاجة من بيوقف معاك الجار بالجار يا راجل !
بو الولد: جار زي هوا ميلزمنيش
اهنى سامي فقد عصابه
هوا عصبي من الاول كان وزيادة يوصل لمرحلة فقد العصاب يعني خلاص معاش يقدر يسيطر ع تصرفاته بكل !!
سامي حاول يضرب الجار ولما بدو يتعاركو تلقطو الجيران وحزوهم و زياد مخلهمش يضاربو قعد بينهم ويدف ف سامي لحوشه !
سامي خش
وجيران البرا قاعدين !
وخالد خو سامي كيف وصل !!
درس سيارته ولقي جيران متلقطين
خالد:شن فيه !
زياد: وسام تعارك معا جاركم وخش داخل بالله كلمه وهديه
خالد: تمام
خش خالد الحوش
اني لما كنت ف بلكونة وخش سامي طول مشيت للباب
اميرة:سامي خلاص صلي ع النبي !
سامي خش الشقة ومشافليش بكل !
فتح الدولاب وطلع السلاح وطلع من الدار
اني لما شفت السلاح نصدمت حتا وين كان مدسوس هاده !!
شد ف يد سامي: مديرش شى يا سامي ع خاطر البيبي
بس سامي وقتها كان كل شى ظلام عنده وبعصبية:حولي يدك
نزل من الدروج
ونزلت لحقته طول والبيبي ف حضني وخائفة عليه!! وسبحان الله البيبي ساكت كان تقول حاس بالموقف الي اني فيه ومباش يزيد الثقل عليا !
خالد..واقف قدام سامي : خيرك هبلت انتا ؟! بتقتل الراجل ع خاطر موضوع تافه
سامي:انتا مليكش علاقة حول وضم فمك
جي بو سامي و احمد قعدو بينهم !
وخالد تعفلق لما سامي قاله ضم فمك حسها رزينة من خوه الصغير : ولدكم رجع يحشش ويتعاطا شكله من جديد
سامي: ضم فمك لا نكسرهولك اعرف كيف تتكلم
خالد:تكسرلي فمي صار اني بنكسرلك فمك مش انتا
وقعدو بيضاربو وبو سامي بينهم واحمد
بو سامي: شن ادير انتا وياه اعقل بتتعاركو بين بعضكم
خالد:وعليا الطلاق بثلاثة لما نضربه امالا
مرت خالد حطت يدها ع فمها من الحلفه !
واني خفت ع سامي والبيبي بدا يبكي معا صوت الدوشة !!
وام سامي تتكلم وتحاول تحز بيهم بس صوتها كان مش مسموع بكل كانها متتكلمش ولا وقفه جنبهم !!
خصوصا خالد وسامي كانو تقول طرش
احمد: غير خوت انتو وفيه نساوين ترعشو فيهم
خالد:هاده يا رجع يتعاطا المريض يا ناقصه عليه جرعه
سامي..بكلام خالد هاده زادت اعصابه لو مش بينهم بوه واحمد راه ممكن ضرب خالد
خالد ...قال لي سامي كل كلمة سيئة فالحظة هادي وسامي كان بينفجر ! والمشكلة من الجار لي بين الخوت ولت !!
بعد ما طلعو خالد البرا
واني هديت سامي !!
شافلي :قالي هيا نرفعك حوش اماليك ما عندك علاش تقعدي اليوم اهنى لانه مش ماشية ع خير اليوم !
YOU ARE READING
اميرتي
Mystery / Thriller#اميرتي المقدمة شفت حقد شفت كره شفت حاجات فسدت مستقبلي مش يومي مستقبلي ادمر اكثر المخلوقات الخطيرة علي وجه الارض البشر ! وخصوصا الي ما في قلبهم رحمه! توصل للخطف توصل للقتل توصل للغدر واكثر واكثر ظلم وخبث وكذب ونفاق في وسط قصة حب مش فاهمة وم...
حلقة 8 والاخيرة
Start from the beginning
