نصفي العقيم ( مكتمله )

بارت(٦)

يا دنيتي ليش حالي حال الغريب؟
والگلب يشكي جروح من دون أسباب..
أكعد وبـگلبي طعون وتغريب..
والعين كلّ الوكت  تبچي من الأحباب..
يا دنيتي اترجاج لاصرت عايش طول عمري بتعذيب ..
فالموت أرحم من زمن خالي من الأحباب...

_______________________

روايـة "نصفي العقيم"

البارت السادس ...

للكاتبه : يُمنا نـآصر
_______________________

سئلته شلون يعني داعش شنو هما .. گعد يفهمني ويشرحلي كلشي.. واني بس اسمعله ومصدومه !!

معقوله امي تطلع هيج !
معقوله امي لهالدرجه تحب الفلوس لدرجة تشتغل ويا جها مخالفه للقانون .. وفوكاها ارهاب .. وخاينه ابويه وياه .. زين شلون وليش كل هذا صار وهيمتا ..

ووين لگتهم .. طلع عهد وكعدت افكر ..
صرت اربط الاحداث شويه شويه ..
تغييرها المفاجئ ولبسها للحجاب حجيها بالتلفون بالختله
من تگول غيرو مكان الخطه .. وابويه وخوفه وهو يگول بغداد كاسره ظهري..
كل هالاشياء مرت كبالي مثل شريط الفلم .. بيومها مانمت للفجر .. سمعته اذن ونمت .. كعدت الصبح على هدى وهي دفر بيه ..

هدى : گومي يلا گومي

"فتحت عيني بعجز باوعت جانت الساعه ٧الصبح .. كتلها شكو مكعدتني من هسه ..

هدى : هاج هذا قميصي كومي اكويلي ياه اريد اروح للكليه ..

"وماتكوي انتِ ماعندج ايد

هدى : حجت وهي تهز راسها بوعيد .. ماشالله ست بغداد صايره تراددين ولسانج طولان ..

"مدااكولج شي بس اني ماعرف اكوي

هدى : اني شكو متعبه نفسي وياج .. اروح للي تمشيج ع السراط المستقيم ..

"طلعت رگعت الباب بقوه وهي دردم .. رجعت لفيت راسي ونمت لان صدك كلش نعسانه نمت ٣ساعات بس .. بعدني بس غفيت وانفتح الباب طبت رواء .. وكفت وكامت تلعلع

رواء:هي هاي العايزه اييي بنت الداعشيه الكح.... تتامر علينا وفاكه حلكها للظهاري ولازم احنه نخدمها .. كومي لج كومي ..

"اجتِ ضربتني بطني دفره شيغت روحي وهي اصلاً خشنه وبس رجلها عبالك مشحوف الاهوار ع كولت عمو سالم .. كمت على حيلي واني لازمه بطني بوجع .. كتلها هااا خاله

"خلخاله تخلخل اعضامج ياسگط القميص مال هداوي ليش متقبلين تكوي ؟

بغداد:ماعرف

"غصباً ماعليج هسه كدامي تكوي واريد كون اشتم هيج ريحة شعواط .. شوفي شيصير بيج

"جرتني من تيشيرتي وعتتني غصب عني .. رحت وكفت يمها وهي طلعت ميز الكوي بالمطبخ ونطتني الاوتي شكلته ع الكهرباء وكالت يلا هسه خل يحمى واكوي ..