نصفي العقيم ( مكتمله )

بارت(٦)

واريد القميص كون ردانه احد من السيف فتهمتي ، راحت من المطبخ وخلتني.. فرشت للقميص على الميز ..

وانتضرت الاوتي يحمى .. شفته صار حار وبلشت امشي ع القميص .. باب المطبخ مفتوح والعصفور جان يمي بالقفص .. جوه رجليه .. طبت بزونه للمطبخ واني اكوي شافها الطير وتخبل .. وهي هم اجتِ على القفص تمشي

.. حطيت الاوتي بسرعه  من ايدي ورحت ركضت وراها طلعتها من البيت ويديت الباب  .. نداريت روايه واشوف دخانه ..

ركضت شلت الاوتي و طكعه جوزيه صارت ع القميص
.. متت من الرعبه .. كلت هسه تجي والله تتخبل اذا شافته .. ركضت ع السنك جبت زاهي وكعدت افرك بس هذا ميروح .. باهلاثناء طبت سهى .. ارتبكت وخليته ورايا
باوعتلي بشك كالت

"شضميتي وره ظهرج

"سكتت مارديت بقيت باوع الها .. رجعت حجت

"لج شبايكه .. اكيد خامطه شي مو اني اكول مو معقوله بت الداعشيه عدها هيج اخلاق عاليه بابا كاعد ويمدح بيج ..

"لتحجين على ماما واني مو حراميه ولا بواكه .. اجتِ عليه بغضب جرت ايدي من ورى ظهري واني متلاويه وياها تالي عتته بقوه وطلعته شافته محروك ..

اشو هاي لا يمها ولا حواليها شتغل عياطها .. مااااماااا هدىىىىىىىى تعالو شوفو بنت الداعشيه تعالو شوفو الساقطه داذب سمها من هسه بلشت دروبها  ويانه .. تعالللييي ماااامااااا هدىىىىىىىى

"اجوي هما يركضون مفزوعين من صوتها كالولها شبيييج ..

"شبيه يعني اختنه المصون داتفرغ سم امها هنا رفعت القميص وكالتلهم باعو

..باوعت هدى لقميصها لازمته سهى بايدها .. جرته منها ورفعته صارت تباوعله .. رجعت نزلته وحجت ويايه بخزره

.. لج عااار لييش هيج حارگته اني شمسويتلج .. ليييش هيييج ليييييش .. اجتِ عفشتني من شعري وصارت تغلط من جاي راسها .. رجعت باوعت لرواء الجانت في قمه السعاده وكتلها ..

خاله عفيه والله مادري اني كتلكم ماعرف اكوي .. طبت البزونه والعصفور جان يمي خفت لا تاكله علما طلعتها واجيت لكيت القميص محترك .. والله مو بقصدي وغلاة امي عندي ..

"ضحكت ضحكه طويله ورجعت باوعتلي .. كالت تحلفين بغلاة الداعشيه لج
.. والله لشوفج نجوم الظهر .. راحت شالت القفص باوعت بحزن مسطنع علي وكالت
.. هذا عصفورج الحرگتي القميص من وراه .. باوعتلي بكيد وكالت ..

والله ثم والله لحرك كلبج مثل ماحرگتي القميص .. كتلها بتوسل لا خاله امانه والله العظيم مجان. قصدي نطيني العصفوره فدوه والله اجيبلها بداله ثنين مو واحد بس فدوه لتسوين شي للعصفور ..

اجيت اركض عليها وهي دفعتني وگعت بالكاع .. كلتلهم لبناتها الزموها لتخلوها تتحرك ..

صرت ازحف بالگاع شفتها طلعته ممن القفص ولزمته بايدها اجيت اتخبل .. كمت اريد اركض وهنا گيدني بسرعه لزمني من ايديه الثنين .. اريد افك نفسي منهن ماكدرت اقوه مني هنا .. لزمت العصفور بايدها واني نطيت من البچي صرت اتوسل بيها وابچي وهي ولا كانه .. لزمته بين ايديها وصارت تعصر بي بقوه .. خنكته بايدها .. اشوفه فرفح .. اخر شي كامت تطلع روحه واحس روحي طلعت وياه .. ليما