اوف من يحچي حبيبي
اني من يمي احترگ
ماادري شيصير بيه
گلبي يوگف مايدگ 💔
،،،،،،،،،،،،،،،،،،،،،،،،،،،،،،،،،،،،،،،،
لجين،،طول الطريق واني بالي يم علي شراح يسوي من يسمع بيه رحت
وارجع واگول اكيد عندة عادي يمكن هو منتظرني اخطي هلخطوة حتئ اخلصة من مسؤليتي
وصلنه قريب علئ منطقتنه ومن بعيد شفت باب بيت اهلي وصلنه قريب علي احس نفسي اختنگت
صرت اتخيل ابوي واگف بالباب
اتذكرت من جان يرجع وبيدة علاليگ المسواگ. نركض اني ورهف نتسابق ناخذهن من ايدة
كل شعور وكل احساس حلو اندفن وياهم
حسيت بالامان الي فقدته بعدهم بوجود علي
احتواني بكل معنئ الكلمة وخلاني اتعلق بي
الدرجة مومتقبله فكرة زواجة مااتحمل اشوفه وياها
وصلنه للبيت اتلگتني مرت خالي وبناتها مشتاقتلهم صار سنه ماواصله يمهم
جنت اكثر شي مشتاقة العذراء حضنتها وبجيت
ابو صابرين. يله خالو والله مااتحمل اشوف دموعج
تعاي بنيتي اگعدي يمي وسولفيلي اشلونج هناك ولو انتي اخبارج كلها يمي يوميه اتصل بعلي ويطمني عنج
علي زلمه معدل وابن حموله الله يكثر من امثاله
لجين،،وگعد خالي يحجيلي هواي شغلات عن علي ماكنت اعرفهن مثلا الحكومه من عدمت كرار هو سهل اجرائات استلام الجثة ودفنها بصف اهلي
والفلوس الكان خالي ايدزها الي وعلي يرفضها ايگول اني مسؤؤل عنها ومامخليها محتاجه شي
مرت خالي جابت ريوگ نتريگ گعدنه كلنه والبنات يسألني علئ دوامي عدهن علم بي من خالي واكيد علي حاجيله عن رجوعي للمدرسه
بعدين اخذني ورحنه گعدنه بغرفتهن يسالني اشلون مرت هاي السنه واشلونهم بيت علي وياي
صرت احجيلهم عن ام حسين وحنيتها وعن نسرين وطيبة گلبها ومن خلال كلامي عنها اشتاقيتلها واني ماصارلي غير كم ساعة من اجيت
بعدها طلعنه يم خالي وزوجته
مااعرف ليش صار عندي فظول اسأله عن عمامي شصار بيهم طول هاي الفترة
خالو عمامي شصار وياهم من باب الفضول لا اكثر
ابو صابرين،،والله يالجونه من اشوفهم يبذخون بورث ابوج انقهر بس ماطايح بيدي شي
عمج جواد اشترة سيارة احدث موديل ومخلصها سهر وعرگ وعربدة
حتئ اهله مايوصلهم بس يجيب المسواگ ويرجع للنوادي وقبل كم يوم كنه نحجي بي بالگهوة والسمعته من واحد من الشباب انو صاير مدمن ع الشرب كلش حتئ الصبح بطله بيدة
وبالنسبه العمج عدنان العار هذا بحث اخر
صايرلي تاجر مال مفروشات بالسؤگ فاتح اربع محلات واحد بصف الثاني وطابگهن سوة
واظخم تاجر بالسوگ هو بدون حتئ مايدخل وياه شريك والله يابنتي كل ماصفنلها اگول هذا الحقير منين جاب كل هاي الفلوس بفترة قصيرة المثل حالته يگعد طول عمرة مايجمع نص هلشي
