البارت 9
قصة النقيب أبو درع والقاصر
لجين،،جمدت بمكاني من زمخ بيه
اجه يمشي ب اتجاهي واني واگفه اباوعله وهو يتقدم لحد ماوصل يمي
علي،،لجين شنو حس العياط العالي هذا??
لجين،،استحيت منه هاي اول مرة يزمخ بيه من اجيتهم لسه عيوني لمعت بالدموع هو اني شسويت حتئ يفشلني
علي،،ارفعي راسج لجين
وشوفي البيوت الداير مداير بيتنه كلها عاليه ومسلطه علئ الطارمه لو صاعد واحد وشايفج ??
لجين،،رفعت راسي ورجعت دنگت جاوبته وصوتي مخنوگ گتله صار عمو بعد ماعيدها واطلع
وقبل ليكمل كلامه ركضت الغرفتي دخلت وسديت الباب شمرت روحي بفراشي وغصيت بالبجي
هي لعبه طلعها من خشمي ضليت ابجي جوة الفراش
انفتح الباب ودخلت نسرين اجت يمي ورفعت الغطه من
شافتني ابجي وعيوني وارمه انصدمت
نسرين،،يااا ياا ولج عليمن هلبجي شبييج??
لجين شو كاافي بجي واگعدي جاوبيني مو داا احجي وياج
لجين،،گعدت بس مااگدر احجي خانگتني العبرة
صعب اتشوف شخص تحترمه يهينك
حجيتلها الصار وهي ساكته تسمعني
نسرين،،اعذريني يروحي بسبب ابني اترزلتي
بس والله علي هو الدزني الج گال روحي شوفيها لان لگيتها تلعب دعبل وتصرخ والحجاب واگع وماتدري بروحها وداير مدايرنه جيران وبيوتهم عاليه
لجين،،اعتذر بعد مااعيدها حتئ مااوصل للطارمه ابد منا وجاي
نسرين،،ههههههه اوووف يالجين بعدج طفله وبريئه وخايفه افهمج الجاي ايصير وبعدين اندم
وثاني شي مااريد ازرع اي فكرة براسج والهيج عن دراستج
اريدج تنجحين وتعتمدين علئ نفسج واني وياج خطوة بخطوة تدرين امي شجانت اتگلي قبل من جنت طالبه ??
لجين،،مسحت دموعي وگتلها شنو?
نسرين،،قبل جنت صف رابع اعدادي بس ماااحب الدراسه ابد واتململ منها
ودائما اريد ابطل وامي ماتقبل
جانت اختي الجبيرة متزوجه تركت المدرسه واتزوجت بعد ماخطبها ابن عمي ولان هاويته واتريدة اهلي مااعترضو وكالو حياتها وهي حرة
امي بالبدايه قبلت تنطيها لان وعدهم اتكمل دراستها
بس بعد الزواج بفترة صار عدها حمل وتنساتها صعبه نايمه بالفراش النهار كله لذالك تركت المدرسه
وبعد ماجابت ابنها طبعه صعب بس يبجي مايريد غير امه تشيله ماينام غير بحضنها وبعد 6اشهر من ولادتها صار عدها حمل ثاني
وضلت علئ هذا المنوال وتركت المدرسه بعد مارجعت
بعدين رجلها انفصل عن دوامه وصار عطال بطال ماخله شي علئ حالها حتئ ذهبها باعه
وابوي خطيه دائما يساعدها ورجلها فرحان
