نصفي العقيم ( مكتمله )

بارت(٥)

"ضلمة حياتي بليل تركچ اليه #

عفتيني يم الناس ومحصله الاذيه #

مثل الحمامه وطحت  بوكر حيه #

وعقرب ويتربص الي ومحد اليه #

هجرتني السعاده وگلت ضلت عليه #

اهجر اعدائي وأنتضر موت المنيه #

بغداد كاتلني القهر ودنياي زنجيه #

وچنت مثل الورد ولشوك اكل رجليه #

بقلم  المبدعه تبارك الدلڤي .. user37790510
_______________________

روايـة "نصفي العقيم"

البارت الخامس...

للكاتبه : يُمنا نـآصر
_______________________

قراءه ممتعه ..

بغداد : فتحت عيني بالمستشفى اني وبابا يمي .. شافني واجه يركض عليه .. صار يبوس بگصتي ..

"حبيبتي بغداد شون صرتي حاسه بشي يوجعج شي ؟

ماتحملت من شفته انهاريت بالبچي وصرت اشكيله شون عافتني وراحت .. ابچي بوجع محد حاس بي وقهر متغلغل اعماقي مثل السرطان ينهش بروحي ..

"بابا عافتني بعد ماتحبني تكولي اكرهج تكولي نگسه .. شمرتني وراحت اجيت احضنها ضربتني اريدها محتاجتها اريد صوتها يطمني اريد كلمة صبر منها راااحت بابا راااحت ماشوفها بعد حطيت ايدي على وجهي وصرت اشهك .. هو واگف اجه يمي مسح على راسي ويحاول يهديني .. رجعت كتله ليش مامنعتها انتَ مو وصلتها ليش خليتها تروح !!

ارشد : طلكتها

بغداد: عقدت حواجبي واحاول استوعب واركز وياه كتله بصوت يرجف .. لييش طلكتها ليش خليتها تروح وتعوفني لييش

ارشد : غصب عني لو مخليها هنا جان اذتني واذتج لو بقت جان دمرتج خلص راحت انسيها اعتبري ماعندج ام اعتبريها ماتت

بغداد : ماماتت وانساها شنو هي لعبه احبها وضاعت حتى اعتبرها ماكو ... هاي امي امي !!

وانتَ ليش بسرعه نسيتها هاا ليش تركتها هيج تروح ماتحبها ..لو على مود مرتك الثانيه ، ومتحبني اني هم لو تحبني جان متركتني وحدي بالشقه يومين لو تدري هالليتين شلون جرت عليه مثل السم والله من قسوتها ماكدرت حتى انام ..

.. شفته عصب من كتله هيج گال ... مادري بيج وحدج تفقنه اسبوع واجي اخذج تگعد وياج تفهمج راح تروح ماعبالي هيج سوي بيج لان گلت مستحيل هيج كلبها اسود .. خلص بغداد انسيها امج ذبتج ماتريدج ومو اني الماحبها هي الماتحبنه وباعت عشرتي وياها وبنتها بكشرة بصل..

"حجه هيج وكام يفتر بالغرفه وينفخ .. اني ماعاد اتحمل احس صدري ضاق ونفسي انكطع كمت اجر النفس بالگوه هو شافني ونخبص بيه طلع ع الدكتور صاحله واجه يركض طلعه من الغرفه واجه فحصني وخلالي مغذي .. طلع من الغرفه وحجه ويا بابا گله