رواية عشقها الملك / ملك فقيد الحب الجزء الثانى

الفصل 3

#عشقها_الملك
" ملك فقيد الحب  الجزء 2 "
                  ___ الفصــــــل الثـــالـث ( 3 ) ___
            ★★ بعنـــــــوان " قنبـــلة مـؤقتـــة " ★★

- يا نبض سيبنى أخلص اللى ورايا
قالها "يوسف" مُتذمرًا عليها بينما هى جالسة على قدميه وتحاول فك رابطة عنقه وهو جالسًا على مقعده بغرفة المكتب ، نظرت له بجدية وقالت :-
- أنا قولتلك مليون مرة مفيش شغل طول ما أنت فى البيت 

- أطلعى يا نبض ارتاحى وأنا نص ساعة بالظبط وهحصلك

صرخت به بأغتياظ وبدأ تضربه على صدره بقبضتها وتقول :-
- براحتك يا يوسف خلى الشغل ينفعك كويس ، أياك اشوفك فوق فاهم .. شوفلك اوضة تانية تنام فيها ماشي

كادت أن تقف غاضبة منه ليمسك يدها بلطف فنظرت له بصمت ووجه عابس ، جعلها تجلس مجددًا على قدميه وقال بحنان :-
- وأهون عليكى يا نبضى

- اه تهون على فكرة متفكرش بوش الحب دا هضعف لا أنا مبضعفش وبطلت أتاثرت بالحب المزيف دا وتضحك عليا بكلمتين زى العيال الصغيرة وتـ......

أسكتها بقبلة على شفتيها دافئة ولطيفة وأبتعد عنها ليراها مُغمضة العينين مُستسلمة له ثم فتحت عينيها ببطيء شديد لتتقابل عينيهما وكانت نظراتها مسحورة بقبلته لا بل كانت "نبض" باكملها مسحورة به وبحبه وليس نظرتها فقط ، تبسمت له بدلالية حين وضع يده على عنقها وقال :-
- ما أحلاكى يا نبضي

تبسمت عليه وقالت :-
- ما اغباكى قصدك ، بتضحك عليا بأفعالك

تبسم لها وقال :-
- ليه بتقولى انى بضحك عليكى ما تقولى براضاكى

- عشان أنت محتال يا يوسف بتحتال على قلبى أكمنه بيحبك
قالتها وهى تنزع رابطة عنقه فضحك عليها وهو يمسك يدها ويقول :-
- مفيش محتالين هنا غيرك يا نبض والله ، بتشغلينى بكلامك وبرضو بتعملى اللى عاوزاه

قهقهت ضاحكة وهى تغلق الملف وتقول بدلالية :-
- مش لازم الشغل دلوقت بقى

صمت وترك القلم من يده مُستسلمًا لها فنزعت رابطة عنقه تمامًا ثم فتحت زر قميصه الأول ، دق باب المطبخ ليفتح الباب ودلفت "سارة" تأففت "نبض" بأختناق وهى تقف بعيدًا عنه ، اغلق أزرار قميصه باحراج من أخته فقالت "سارة" :-
- يوسف أنا عاوزاك فى موضوع

أومأ لها بنعم ثم تبسم لزوجته وقال بمكر :-
- أنا أريد وأنت تريد والله يفعل ما يريد يا نبضي .. أطلعى هخلص مع سارة وأحصلك

رمقته بنظرة غيظ وكأنه أنتصر عليها ثم خرجت من الغرفة غاضبة ، جلست "سارة" أمامه على المكتب والقلق مستحوذ عليها بوضوح ، رمقها "يوسف" بهدوء ثم قال :-
- شكل الموضوع مهم وواضح جدًا أنه قلقك يا سارة ، خير

وضعت أمامه صندوق صغير وقالت :-
- يوسف أنا بقالى فترة بيجيلى هدايا من حد معرفهوش

نظر لها وقال :-
- حد متعرفهوش أزاى