ام حسين، ،بنيتي افتحي المجمدة وطلعي كبه
لجين،،فتحتها وانطيتها الكبه
هي راحت للثلاجه طلعت طماطه وخيار
غسلتهن وحطتهن بماعون وكالت حركي نفسج وسوي زلاطه حتئ تتحلل خبزتج
كلامها بمزح تريد اتخليني اكسر حاجز الخجل
كانت تحجي وهي تبتسم
گعدنه اني وياها اني اسوي زلاطه وهي تثرم كباب تقلي ويه الكبه
ضلينه ملتهين نسولف بس اني كنت اجاوبها علئ گد السؤال
وجهي اليوم صبح زين الورم خف بس الكدمات بعدها
صارت ساعه 1 دخلت نسرين ب ابتسامتها الدافيه وجها المليان حنيه
وكوثر ومحمد دخلو گدامها
نسرين،،اووو عمه امورج عدله لگيتي وحدة تعوضج مكاني بعد متفيدج نسرين
ام حسين،،ههههه انتي ام بيتي ومريت ابني الجبير انتي الكل بالكل
لجين،،علاقتهن كلش حلاوة عبالك امها مو عمتها
اجت يمي نسرين وسالتني اشلون صار ضهرج ?
هي البارحه انطتني عصارة ادهن بيها جسمي بالبدايه رادت هي التخليلي العلاج بس خجلت منها كتلها اني اخلي مشكورة مالحت عليه وقبل ماانام دهنت روحي وصدگ الالم شويه صار احسن
ام حسين،،روحي يمه غيري ملابسج وملابس اطفالج وتعاي
نسرين،،صار يالغاليه لتقلين اني ابدل واجي بمكانج
لجين،،راحت البنيه بسرعه بدلت هي واطفالها ونزلت
صارت هي تقلي الغدة
انفتح الباب ودخل النقيب درت وجهي اباوعله
ضخم كلش من وكفت يمه واصله الخاصرته
ملامحه حادة ورجوليه حواجبه دوم معكودات
هيبته ورزانته وشخصيته القويه تجبر العين تسرق نضرة منه
انتبهت عليهم من يجي هو من الدوام كلها تخنس
محد يحجي وحتئ من يحجن امه ونسرين يحجن بصوت ناصي حتئ اني صرت اهمس وياهم
سلم علينه وصعد الغرفته شويه ونزل اني دنكت اثرم بالزلاطه
علي،،ام كوثر بعد اخوج بعد الغدة ياخذج حسين انتي وامي للسوگ تشترون شغلات للبنيه خطيه جبتها بالملابس العليها
لجين،،غديت ماي من المستحه حتئ مارفعت راسي ابد
نسرين، ،بس لازم ناخذها ويانه اشلون نجيبلها ملابس بدون متروح حتئ ناخذ قياسها
علي،،وين تروح ام كوثر متشوفين وجها اشلونه
انتي سباعيه اشتريلها ملابس مال عمرها وانتي وشطارتج بعد
نسرين،،هذا هو خويه اشتريلها وحتئ اذا طلعن بيهن طگت كبر عود اني اخيطهن واصغرهن عليها
لجين،،فتح محفضته وسحب منها ورقتين وانطاها
علي،،اني راح ابقئ يم قرودج مو تتاخرين
الـبارت 6
ابدأ من البداية
