عشك أبن الغربية

بارت 9

.
محمد:   هو اني اول مرة اسمع بيهن .  خرب بعرظك  لعبت بعقلي ادري هسة  امي منين طلعتلي بهذه السالفة صفح خل اخابر ع هالة اكيد تعرفهن..

مصطفى : اي هنه يمكن جانن وياها ..خل اهجم احسلي .قبل لاتجي امك تهجم علي.

محمد : متكلي شمستفاد من هل اللعبة  ياريت بيهة فايدة ..

مصطفى : تونس ..حلوة..يلة روح خابر

.............

هالة: اتصل علية محمد ، وكالي سالفة امي كلهة وسالني عليهن ..والله ماتنلام بيك ، انتوا مو مال واحد يخليكم ع راحتكم .باوع محمد هنة اثنينهن خوش بنات وحبابات ...بس الي اشوفة تغريد اكثر توالمك هي السنة تتخرج وتكَعد ،، واذا الله راد تتعين مدرسة يعني وظيفتهة مريحة ..اما زينب دكتورة ماتوالمك لان اكثر وقتهة دوام ...بين المستشفى والعيادة ..وامي تريد وحدة وياها بالبيت ..يعني توكل ع تغريد.

محمد: هاا يعني هيجي تشوفين ، زين هي تغريد شنو قسمهة .

هالة : انكليزي .

محمد: يابة  يعني هم ماخلصت ،، هم لغة ماخلصت منج ومن تصحيحج للكلام تجيني وحدة  ثانية تعلمني لغة .

هالة: ههههه شسويلكم اذا انتوا حجيكم  كلة بالمكَلوبي ولاعبالك عرب ، يرادلكم مصحح لغوي.

محمد : هههه النسيب شلونة ، خابرني قبل جم يوم.

هالة: زين الحمد لله ، صدك شيريد منك..

محمد: سوالف عادية ، يلة مع السلامة ديري بالج ع نفسج.

هالة : الله وياك سلامي للجميع.
.......

نور : كملتي مخابرة ،

هالة : اي  ..صدك هاجر وين شنو بعد مداوم .

نور: اي خطية بعد مداوم ابنهة كلش مريض وزوجها شارط عليهة الة تبطل من الدوام يلة تاخذة يمهة .

هالة: خطية ، ضحت بمستقبلهة علمود ابنهة ،، شكَد حقيرر شنو هذا من رجال ..الله يقرضهم هو وامثالة ..

نور : امين يارب ، يلة خل ننام ..

هالة : يلة ،، اني الثلاثاء ما اروح ..تعبانة.
.
نور : بكيفج.
................

احمد : يول حسين عندي حجاية وياك خما عندك شئ.

حسين: لا كلشي ماعندي تعال ،شكو.

احمد:  خابرني بكر صديقي  يريد ادورلوا ع بيت هين هو واختوا لان هي تدرس هين وجانت بقسم داخلي وصايرة مشاكل وطالعة وهساع يردون بيت ،، شنو رائيك ننطيهم المشتمل الي بصفوا لبيتنة خل يستفادوا منو .احسن ما مقفول..

حسين: كل الهلا بيهم يول هو المشتمل مالتك وانتَ بكيفك ماكو احسن من بكر اخ غالي ..

احمد: اي والله كلشي نسويلوا هم قليل بحقوا .عجل راح اكلوا يجي يأخذوا..